Joanes 16:20 - Intas-Etipup Mat u Iesu Kristo 1863 (Aneityum Gospels)

²⁰ Et idim inivaijec ineig ek asaig ehelemia ainyak mika, Akupu ehtigtaig aijaua um imyitaig nyak, ja erupu idim imyiacitak natimi an nobohtan: akupu ohocred aijaua, ja par lep imyiacitak.

Joanes 16:20 ပူးပေါင်းရင်းမြစ်များ

Madius 21:38

Eris wat ecet inhal o un a ilpu atimi ahapol, eris tas jipe ehele ra ara, um ika, Natimi ineigki etpu isjipigmoig etman aien; ti atgei yin akaija, um atoraliak uman.

Madius 5:4

Era mun ahesmoij ara era ohocred ara: erupu cediaig ara.

Lukas 22:45

Is alaigaheni ehni aien, ja par atidai, um apan ehele ilpu atimi atahaijeg yin, um ecet ra numjegvaig va nohocred ura,

Lukas 22:62

Is apan itac a Pitrus, um taig alupas.

Lukas 23:27

Eris apitac yin atimi is ahinag, im lep ilpu takata, eris ehtigtaig ara, um imyitaig yin.

Lukas 24:17

Is ika ehele rau aien, Inhe ineigki erau atga asaig aijaurau? et atpuh nesganimtamirau aijaurau vanhe?

Lukas 24:21

Ecris ika aijama is atimi iyehki aien eris ika etpu imyiatamaig nupu Isreel aien: im lep ineig, eris ago nitai iji eigki ja pah ti pan itac nadiat is eseij:

Lukas 6:21

Eka mun ahesmoij aijaua et ehtele caua aijaua an naopan ineig: akupu gaije aijaua. Eka mun ahesmoij aijaua eka ehteigtaig aijaua an naopan ineig: akupu imyiacitak aijaua.

Joanes 16:33

Ek mun asuptecnaig nitai iji eigki ehelemia ainyak, mika yi eigpa inliinmopomia aijaua vai nyak. Akupu ohocred aijaua an nobohtan: jam jim auatialidi; ek esjilid ainyak ira atimi an nobohtan.

Joanes 16:6

Ja et ohocred esjilid inliinmopomia aijaua vai intas iji eigki kis asaig ehelemia ainyak:

Joanes 20:20

Is wat ucce intas o un, is ehvaig ehele ra aien nikman im lep nahaijin. Eris wat ecet Natimarid a ilpu atimi atahaijeg yin, eris imyiacitak ara.