Joanes 16:13 - Intas-Etipup Mat u Iesu Kristo 1863 (Aneityum Gospels)

¹³ ja et wit ham a Nesgan inivaijec, etpu atau iramia aien irai itai inivaijec asega: inyi eti ispun tas aien; ja etpu esege nitai iji eigki aien et atahaijeg aien: etpu lep asuptecnaig ehelemia aien nitai iji eigki etpu yetpam:

Joanes 16:13 ပူးပေါင်းရင်းမြစ်များ

Joanes 12:49

Kis eti tup ispuk tas ainyak; ja is alupai nyak intas alep a Etmak is abrai nyak aien, nikavaig, intas ineig ekpu asuptecnaig ainyak, im lep intas ineig ekpu esege ainyak.

Joanes 14:17

et Esgan inivaijec aien; et ehka va atimi an nobohtan inleh yin vaig, era eti ecet yin ara, um eti ato yin: ja eka ato yin aijaua; et eteuc ehelemia aien, etpu amen anliinmopomia aien.

Joanes 14:26

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Joanes 14:6

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache:

Joanes 15:26

Et wit ham a Natimi atau iramia ineig, ekpu abraig pan yin ainyak ehelemia, et ahes ehele Etmak aien, etpu asuptecnai nyak aien, et Esgan inivaijec aien, et ahes ehele Etmak aien um apam:

Joanes 16:12

Ek lep merit ainyak nasuptecnaigvaig ehelemia niji itai et ahinag, ja eka auatialidi aijaua inlehvaig an naopan ineig:

Joanes 3:32

Et asuptecnaig nitai ineigki aien is ecetai aien um atahaijeg; ja et idim eti leh intas asuptecnaig o un tah natimi.

Joanes 8:38

Ek asuptecnaig nitai iji eigki ainyak, kis ecetai ehele Etmak ainyak: ja eka ago nedo ineigki aijaua, akis ecetai ehele etmamia aijaua.