Joanes 15:24 - Intas-Etipup Mat u Iesu Kristo 1863 (Aneityum Gospels)

²⁴ El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak.

Joanes 15:24 ပူးပေါင်းရင်းမြစ်များ

Madius 11:5

Et lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 21:32

Is apan ehelemia a Joanes par esege imi caua nedo atoh, ja akis eti imyiaiji intas o un aijaua; ja eris imyiaiji intas o un a ilpu atimi akwanaham im ilpu takata ago ingaijid: akis almoi nedo ura aijaua, jam eti aktaktai, um imyiaiji intas o un.

Madius 9:33

Is ahlo nagelo has ehelen aien, is um tas natimi pop: eris imyiali natimi is ahinag, um ika, Eris idim eti almoi tah nedo et idivaig ineigki an pece Isreel itu acen.

Lukas 24:19

Is ika aien ehele rau, Nevitai? Erus ika ehelen arau, Nitai iji eigki vai Iesu nup an Nasared, is aprofeta aien, is esjilid nedo o un im intas o un an nuhup o Atua im lep atimi asega:

Joanes 10:32

Is um ika ehele ra a Iesu, Kis ehvaig ehelemia ainyak niji auritai upene is ahinag is ahes ehele Etmak; nehva auritai ineigki eka ika aijaua aki asji nyak vaig?

Joanes 10:37

El ek eti ago niji auritai o Etmak ainyak, el eka jim eteuc an tas unyak aijaua:

Joanes 12:10

Eris upyi tas jipe a ilpu atimi ahlap esjilid, um ika eri lep atgei Lasarus;

Joanes 12:45

Aien et alum nyak aien, et alum yin aien is abrai nyak aien.

Joanes 14:9

Is um ika ehelen a Iesu, Ak Filipus, kis amen ehelemia ainyak itu acen, ja na idim eti ato nyak aiek, ka o’o? aien et mun alum nyak aien, et alum Etmak aien; na auri aiek par ika, Ehvai Etmam aiek ehelema?

Joanes 15:21

Erupu ago nitai iji eigki asega vai caua ara va nidak, va nitai ineigki, nikavaig, era eti ato yin ara is abrai nyak aien.

Joanes 15:22

El ekis eti ham ainyak um tas ehele ra, el et ti nedo has ura: ja eh ti nitai adahpoi nedo has ura an naopan ineig.

Joanes 15:23

Aien et amcel vai nyak aien, et lep amcel vai Etmak aien.

Joanes 16:9

nedo has, va nitai ineig, nikavaig, era eti asgeig irak ara;

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 5:36

Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.

Joanes 6:36

ja ek mun asaig ehelemia ainyak mika, Akis ecet nyak aijaua, jam eti asgeig irak:

Joanes 7:31

Eris lep asgeig iran natimi is ahinag, eris tas ara, um ika, Et wit ham a Kristo, inyi ti ago niji auritai ehka aien inyi esjilid irai itai iji eigki et ago a natimi ineigki.

Joanes 9:32

eris eti atahaijeg an naopan iyehki itu acen mika, is ago lah nesganimtan tah natimi ineig is aupat nesganimtan an napos yin vaig tah natimi:

Joanes 9:41

Is um ika ehele ra a Iesu, El et aupat nesganimtamia aijaua, el et ti nedo has unyimia: ja eka ika aijaua, Ecra alum itai aijama; va nedo ineigki, et amen iramia nedo has unyimia.