Joanes 15:20 - Intas-Etipup Mat u Iesu Kristo 1863 (Aneityum Gospels)

²⁰ Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara.

Joanes 15:20 ပူးပေါင်းရင်းမြစ်များ

Madius 10:24

Et eti esjilid natimi atahaijeg irai natimi esege imi yin, um eti esjilid naheca irai natimi alupas o un.

Lukas 2:34

Is asan tas upene vai rau a Simeon, um ika ehele Mere risin, Eris ati inhalav ineigki mika eri eropse nahaiji atimi inyi ahinag, um atidai inyi ahinag irai nupu Isreel, et lep itai asjaaicnaig uhpu asan tas has vai yin:

Lukas 6:40

Et eti esjilid a natimi atahaijeg irai natimi esege imi yin; ja erupu idivaig natimi esege ura ara asega, era ato upene itai ara.

Joanes 10:31

Eris lep arapse vai hat a nupu Jutaia mika eri asji yin.

Joanes 11:57

Eris tas alep a ilpu atimi ahlap esjilid im ilpu Farisi, um ika, El et ato tah natimi nuarin ineig et amen iran aien, etmu asuptecnaig aien, -- mika eri arop iran ara.

Joanes 13:16

Et idim inivaijec ineig ek asaig ehelemia ainyak mika, Et eti esjilid tah naheca irai natimi alupas o un; et eti lep esjilid aien eris abrai yin irai natimi ineig is abrai yin aien.

Joanes 5:16

Eris atmas vai Iesu a nupu Jutaia, um tas jipe mika eri atgei yin, va nedo o un, nikavaig, is ago nitai iji eigki aien an nadiat atumop.

Joanes 7:32

Eris atahaijeg a ilpu Farisi, nikavaig, eris imyiisjis nitai iji eigki vai yin natimi; eris abrai ilpu aheca ura a ilpu Farisi im ilpu atimi ahlap esjilid mika eri arop iran ara.

Joanes 8:51

Et idim inivaijec ineig ek asaig ehelemia ainyak mika, El et apol an tas unyak tah natimi, inyi idim eti mas aien.

Joanes 8:52

Eris um ika ehelen a nupu Jutaia, Ecra idim ato aijama mika, et amen ehelum a nagelo has: is mas a Ebraham, im lep ilpu profeta; ja na ika aiek, El et apol an tas unyak tah natimi, inyi idim eti mas aien: --

Joanes 8:59

Eris arapse vai hat ara mika eri asji yin: ja is atpuh a Iesu, um ahes anliin neom ahlap, um tiblaitibla atimi, um alau ijo, um atga o un.