Joanes 15:15 - Intas-Etipup Mat u Iesu Kristo 1863 (Aneityum Gospels)

¹⁵ Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak.

Joanes 15:15 ပူးပေါင်းရင်းမြစ်များ

Madius 13:11

Is tas aien, um ika ehele ra, Eh mun alupai caua mika aki ato aijaua niji itai adenaig an nelcau an nohatag; ja eh mun eti alupai ra.

Lukas 10:23

Is ahidaig pan yin aien ehele ilpu atimi atahaijeg yin, um eklim tup tas, um ika, Era mun ahesmoij ara era almoi nitai iji eigki eka almoi aijaua:

Joanes 12:26

El et aheca unyak tah natimi, etmu ahced nyak aien; etpu lep amen a naheca unyak an nuarin ineig ek amen iran ainyak: el et aheca unyak tah natimi, etpu imyiahpas yin a Etmak.

Joanes 13:16

Et idim inivaijec ineig ek asaig ehelemia ainyak mika, Et eti esjilid tah naheca irai natimi alupas o un; et eti lep esjilid aien eris abrai yin irai natimi ineig is abrai yin aien.

Joanes 15:20

Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara.

Joanes 16:12

Ek lep merit ainyak nasuptecnaigvaig ehelemia niji itai et ahinag, ja eka auatialidi aijaua inlehvaig an naopan ineig:

Joanes 17:26

Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 20:17

Is um ika ehelen a Iesu, Jim atcei pam nyak aiek; ek pam eti fi aridjai ainyak ehele Etmak: jam apan aiek ehele ilpu etoak, um asaig ehele ra mika, ek aridjai ehele Etmak ainyak, im lep Etmamia; ehele Atua unyak, im lep Atua unyimia.

Joanes 4:19

Is um ika ehelen a intakata iyehki, Ak natimi alupas, ek ato ainyak, nikavaig, na aprofeta aiek:

Joanes 8:26

ek ato niji itai et ahinag ainyak par asaig um ated caua iran: ja aien is abrai nyak aien, et inivaijec aien; ek asuptecnaig ehele atimi an nobohtan ainyak nitai iji eigki kis atahaijeg ehelen ainyak.