Joanes 15:10 - Intas-Etipup Mat u Iesu Kristo 1863 (Aneityum Gospels)

¹⁰ El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak.

Joanes 15:10 ပူးပေါင်းရင်းမြစ်များ

Joanes 10:18

Inyi eti atipagki nitai umoh iran unyak tah natimi, ek tup ispuk ahtai ainyak: ek emda ainyak intup ispuk ahtaivaig, um lep emda ainyak par lep nusjai. Kis leh intas alep ineigki ehele Etmak ainyak.

Joanes 12:49

Kis eti tup ispuk tas ainyak; ja is alupai nyak intas alep a Etmak is abrai nyak aien, nikavaig, intas ineig ekpu asuptecnaig ainyak, im lep intas ineig ekpu esege ainyak.

Joanes 14:15

El et aiyu inliinmopomia aijaua vai nyak, akumu imyiaiji niji tas alep unyak aijaua.

Joanes 14:21

Aien et leh niji tas alep unyak aien, um apos upene, et aiyu inliinmopon aien vai nyak: aien et aiyu inliinmopon aien vai nyak, et lep aiyu inliinmopoi Etmak vai yin, etpu lep aiyu inliinmopok ainyak vai yin, ekpu lep ehvai nyak ainyak ehelen.

Joanes 14:23

Is tas a Iesu, um ika ehelen, El et aiyu inliinmopon tah natimi vai nyak, etpu apos intas unyak aien: etpu aiyu inliinmopoi Etmak vai yin, ecrupu apan ehelen aijumrau, um amen ehelen.

Joanes 14:31

Ja erupu ato atimi an nobohtan mika et aiyu inliinmopok ainyak vai Etmak; is idim asaig ehelek a Etmak, et um ucco ek ago ainyak. Ti atidai akaija um apan eagko.

Joanes 17:4

Kis ehvaig natimi alupas unyum ainyak an nobohtan: ek mun ago ehni nauritai ineig ainyak as alupai nyak aiek mika ki ago ainyak.

Joanes 4:34

Is um ika ehele ra a Iesu, Et itai caig unyak ineigki, nimyiaijivaig intas o un is abrai nyak aien, um lep ago ehni nauritai o un.

Joanes 8:29

aien is abrai nyak aien et amen ehelek aien: et eti ude nyak a Etmak; ek ago nitai iji eigki ainyak irai iji adiat et merit vaig aien.

Joanes 8:55

eka mun eti ato yin aijaua; ja ek ato yin ainyak: el ek ika ainyak, Ek eti ato yin ainyak, el ek atimi ahcil ainyak um idivai caua: ja ek ato yin ainyak, um apol an tas o un: