Joanes 14:28 - Intas-Etipup Mat u Iesu Kristo 1863 (Aneityum Gospels)

²⁸ Akis atahaijeg aijaua intas unyak ehelemia, nikavaig, inki apan ainyak, ja par lep ham ehelemia. El et aiyu inliinmopomia aijaua vai nyak, el eka imyiacitak aijaua vai intas unyak, nikavaig, Ekpu apan ehele Etmak ainyak: et idim esjilid irak a Etmak.

Joanes 14:28 ပူးပေါင်းရင်းမြစ်များ

Madius 12:18

“Alum naheca unyak aijaua, kis ati yin ainyak; et halav cop unyak aien, et imyiacitak yin inliinmopok ainyak: ekpu ati Nesgak ehelen ainyak, etpu asuptecnaig intas atoh aien ehele nup urai iji pece:

Joanes 10:38

ja el ek ago ainyak, el eka eti eteuc an tas unyak aijaua, akumu imyiisjis ninivaijec niji auritai unyak aijaua: mika aki ato aijaua, um imyiisjis ninivaijec, nikavaig, et amen ehelek a Etmak, um lep amen ehelen ainyak.

Joanes 13:16

Et idim inivaijec ineig ek asaig ehelemia ainyak mika, Et eti esjilid tah naheca irai natimi alupas o un; et eti lep esjilid aien eris abrai yin irai natimi ineig is abrai yin aien.

Joanes 14:12

Et idim inivaijec ineig ek asaig ehelemia ainyak mika, Aien et asgeig irak aien, etpu ago nauritai iji eigki aien ek ago ainyak; etpu lep ago niji auritai aien inyi esjilid irai itai iji eigki; va napan unyak ehele Etmak.

Joanes 14:18

Ek wit ude caua ainyak, aki eti umnyij aijaua: ekpu lep ham ehelemia ainyak.

Joanes 16:7

ja ek asaig intas inivaijec ehelemia ainyak; Et upene vai caua mika ki apan ainyak: el ek eti apan ainyak, inyi ti yetpam ehelemia a Natimi atau iramia; ja el ek apan ainyak, ekpu abraig pam yin ainyak ehelemia.

Joanes 20:17

Is um ika ehelen a Iesu, Jim atcei pam nyak aiek; ek pam eti fi aridjai ainyak ehele Etmak: jam apan aiek ehele ilpu etoak, um asaig ehele ra mika, ek aridjai ehele Etmak ainyak, im lep Etmamia; ehele Atua unyak, im lep Atua unyimia.

Joanes 20:21

Is lep ika ehele ra a Iesu, Etmu eteuc neigpa ehelemia: is idim abraig pam nyak a Etmak, et um ucco ek abraig pan caua ainyak.

Joanes 5:18

Eris tas emda jipe a nupu Jutaia mika eri atgei yin, va nedo o un, nikavaig, is auahas nadiat atumop aien, is lep ika aien, Et Etmak a Atua, um ika is apa vai Atua aien.

Joanes 7:33

Is um ika ehele ra a Iesu, Etpu idim ipjidipjid namen unyak ehelemia, ekpu apan ehelen ainyak is abrai nyak aien: