Joanes 14:27 - Intas-Etipup Mat u Iesu Kristo 1863 (Aneityum Gospels)

²⁷ Ek ati neigpa unyak ainyak ehelemia, ek alupai caua neigpa unyak ainyak: ekpu ahtai itai imi caua ainyak, ja inyi ti idivaig ineig er ahtai an nobohtan. Etmu jim ohocred inliinmopomia aijaua, um jim imtitaig.

Joanes 14:27 ပူးပေါင်းရင်းမြစ်များ

Madius 10:26

Jim imtitai ra aijaua: uhpu asuptecnaig niji itai asega er adahpoi; um lep ato niji itai asega er adenaig:

Lukas 1:79

par lah ehele ra era amen an naupat ara, et ahelmon ra inmas, um lep atau iraija an nefalaig eigpa.

Lukas 10:5

Aku wit apan an tah nimnim aijaua, um uhup um ika, Etmu eteuc neigpa ehele nup uran nimnim ineigki.

Lukas 12:4

Ek asaig ehelemia ainyak, ak ilpu etoak, mika, Akumu jim imtitai ra aijaua era atgei ohu atimi ara, jam auatialidi par lep ago tah nitai.

Lukas 2:14

Etmu eteuc nimyiahpas vai Atua an nohatag ijinies acen; um eteuc neigpa an nobohtan, im naiheuc va atimi.

Joanes 14:1

ETMU jim ohocred inliinmopomia aijaua: akumu asgeig irai Atua aijaua, um lep asgeig irak.

Joanes 16:33

Ek mun asuptecnaig nitai iji eigki ehelemia ainyak, mika yi eigpa inliinmopomia aijaua vai nyak. Akupu ohocred aijaua an nobohtan: jam jim auatialidi; ek esjilid ainyak ira atimi an nobohtan.

Joanes 20:19

An nadiat iyehki is wat jupura, nadiat uhup irai wiik, is ipjin intapanes an nuarin-neom iyehki eris asjapicnaig iran a ilpu atimi atahaijeg yin va nimtitai nupu Jutaia ura, is ehcohos pan a Iesu, um aiji an nuhup ura, um ika ehele ra, Etmu eteuc neigpa ehelemia.

Joanes 20:21

Is lep ika ehele ra a Iesu, Etmu eteuc neigpa ehelemia: is idim abraig pam nyak a Etmak, et um ucco ek abraig pan caua ainyak.

Joanes 20:26

Is wat ti pan itac nadiat is eet, eris amen anliin neom a ilpu atimi atahaijeg yin, im lep Tomas: is ehcohos pan a Iesu, um aiji an nuhup ura, ja is ipjin intapanes, um ika, Etmu eteuc neigpa ehelemia.