Joanes 14:26 - Intas-Etipup Mat u Iesu Kristo 1863 (Aneityum Gospels)

²⁶ Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Joanes 14:26 ပူးပေါင်းရင်းမြစ်များ

Madius 1:18

IS um ucce napos Iesu Kristo: Is aminjinai Josef a Mere risin, ja erus eti fi ehramen arau; is um opouc aien vai Nesgan Upene.

Madius 1:20

Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene:

Madius 28:19

Va nitai ineigki akumu apan aijaua, um ika eri alaigaheni nup urai iji pece asega, um baptiso ira ra an nidai Etmak, im Inhal o un, im Nesgumrau Upene:

Madius 3:11

ek idim baptiso iramia ainyak an wai mika aki adumoij anliinmopomia aijaua: ja aien inyi ham aien um apitac nyak inyi idim esjilid irak aien, ek eti upene ainyak par apos incedpun eduon: etpu baptiso iramia aien an Nesgan Upene im lep incop:

Lukas 1:15

etpu esjilid aien an nuhup o Ihova, inyi ti umnyi waina aien im kava; uhu wit apos yin, etpu idim amen alupas ehelen a Nesgan Upene:

Lukas 1:35

Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Lukas 1:41

Is wat atahaijeg intas aiheuc o Mere a Elisabed, is eliaujai a inhal o un an nipjinetgan; is amen alupas ehele Elisabed a Nesgan Upene:

Lukas 1:67

Is amen alupas a Nesgan Upene ehele etman Sakaraias; is upyi tas vaig aien, um ika,

Lukas 11:13

El eka ato aijaua, ak ilpu atimi auatatimi, par alupai ilpu hal unyimia niji itai tup ahtai upene, et esjilid a Etmamia an nohatag par alupai ilpu atimi ugni yin Nesgan Upene.

Lukas 2:25

Is amen Jerusalem natimi is ethi, nidan Simeon; is atimi upene aien um alaigaheni vai Atua, is aitgaig nitai imyiacitak imi nupu Isreel aien: is amen ehelen a Nesgan Upene.

Lukas 24:49

Ekpu alupai caua ainyak intas upyi asaig o Etmak: jam amen aijaua an nuarin-pece Jerusalem, um uhum pan naopan iyehki akupu leh nemda aijaua jipagko.

Lukas 3:22

is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

Joanes 1:33

kis eti ato yin ainyak: ja aien is abrai nyak aien mika ki baptiso ira atimi ainyak an wai, is ika ehelek aien, Aien aigki napu ecet shlegan Upene aiek nasuolvaig Neeen um amen iran, etpu baptiso ira atimi aien an Nesgan Upene.

Joanes 12:16

Eris eti fi ato nitai iji eigki a ilpu atimi atahaijeg yin an naopan iyehki; ja eris wat ehvaig natimi alupas a Iesu, eris imyiehva ara mika eris upyi aged nitai iji eigki vai yin, um lep ago nitai iji eigki iran.

Joanes 14:16

Ekpu ugni Etmak ainyak, etpu alupai caua aien Natimi atau iramia inyi eche, va etpu amen ehelemia aien irai iji mesese;

Joanes 14:25

Ek mun asaig nitai iji eigki ehelemia ainyak, an namen unyak ehelemia.

Joanes 15:26

Et wit ham a Natimi atau iramia ineig, ekpu abraig pan yin ainyak ehelemia, et ahes ehele Etmak aien, etpu asuptecnai nyak aien, et Esgan inivaijec aien, et ahes ehele Etmak aien um apam:

Joanes 16:7

ja ek asaig intas inivaijec ehelemia ainyak; Et upene vai caua mika ki apan ainyak: el ek eti apan ainyak, inyi ti yetpam ehelemia a Natimi atau iramia; ja el ek apan ainyak, ekpu abraig pam yin ainyak ehelemia.

Joanes 2:22

Is wat nusjai aien vai inmas o un, eris imyiehva a ilpu atimi atahaijeg yin intas ineigki is asaig ehele ra aien; eris imyiisjis ninivaijec intas ineig ara eris upyi aged, im intas ineig is asaig a Iesu.

Joanes 20:22

Is asan tas ineigki aien, ja par ehledowa ra, um ika ehele ra, Akumu leh Nesgan Upene aijaua:

Joanes 6:45

Eris aged a ilpu profeta, um ika, “Etpu esege imi ra asega a Atua.” Erupu ahtag pam ehelek ara asega, era atahaijeg ara, um leh nesege o Etmak.

Joanes 7:39

(Is asan tas ineigki aien va Nesgan Upene, aien aigki erupu leh yin a ilpu atimi asgeig iran: eris pam eti alupa atimi Nesgan Upene an naopan iyehki; va nitai ineigki, nikavaig, eris eti fi ehvaig natimi alupas o Iesu.)