Joanes 14:24 - Intas-Etipup Mat u Iesu Kristo 1863 (Aneityum Gospels)

²⁴ Aien et eti aiyu inliinmopon aien vai nyak, et eti apos niji tas unyak aien: is eti ahes ehelek intas ineigki eka atahaijeg aijaua, ja is ahes ehele Etmak is abrai nyak aien.

Joanes 14:24 ပူးပေါင်းရင်းမြစ်များ

Madius 19:21

Is ika ehelen a Iesu, El et merit aiek nesjilidvaig an nedo upene, apan aiek um ahtai niji itai unyum, um alupai ilpu ihki atimi; napu idim leh niji itai upene an nohatag aiek: um apam um apitac nyak.

Joanes 14:10

na imyiisjis ninivaijec aiek, nikavaig, ek amen ainyak ehele Etmak, et lep amen a Etmak ehelek, ka o’o? ek eti tup ispuk tas ainyak irai tas iji eigki ek asaig ehelemia ainyak: ja et ago nauritai iji eigki a Etmak et amen ehelek aien.

Joanes 14:15

El et aiyu inliinmopomia aijaua vai nyak, akumu imyiaiji niji tas alep unyak aijaua.

Joanes 14:25

Ek mun asaig nitai iji eigki ehelemia ainyak, an namen unyak ehelemia.

Joanes 3:11

Et idim inivaijec ineig ek asaig ehelum ainyak mika, Ecra tas aijama va nitai iji eigki ecra ato aijama, um asuptecnaig nitai iji eigki, ecris almoi aijama; ja eka eti eteuc an tas unyima aijaua.

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Joanes 5:19

Is tas a Iesu, um ika ehele ra, Et idim inivaijec ineig ek asaig ehelemia ainyak mika, Et ehka vai Inhal o Atua intup ispun ago tah nitai vaig, nitai iji eigki ache, et alum Etman aien nagovaig: nitai iji eigki asega et ago aien, et lep ago a Inhal o un.

Joanes 5:38

Et eti amen anliinmopomia intas o un: eka eti eteuc an tas o un aijaua is abrai yin aien.

Joanes 7:16

Is tas ehele ra a Iesu, um ika, Et eti ahes ehelek nesege unyak, ja et ahes ehelen is abrai nyak aien.

Joanes 7:28

Is efehtas a Iesu anliin neom ahlap an nesege o un, um ika, Eka ato nyak aijaua, im lep inuarin ineig kis ahes iran ainyak: kis eti tup ispuk ham ainyak, et inivaijec aien is abrai nyak aien, ja eka eti ato yin aijaua:

Joanes 8:26

ek ato niji itai et ahinag ainyak par asaig um ated caua iran: ja aien is abrai nyak aien, et inivaijec aien; ek asuptecnaig ehele atimi an nobohtan ainyak nitai iji eigki kis atahaijeg ehelen ainyak.

Joanes 8:28

Is um ika ehele ra a Iesu, Aku wit atijai Inhal o natimi aijaua, akupu ato aijaua, nikavaig, et atimi iyehki ainyak, im lep ineig, nikavaig, ek eti ispuk ago tah nitai ainyak; ja ek asaig nitai iji eigki ainyak is esege imtak a Etmak:

Joanes 8:38

Ek asuptecnaig nitai iji eigki ainyak, kis ecetai ehele Etmak ainyak: ja eka ago nedo ineigki aijaua, akis ecetai ehele etmamia aijaua.

Joanes 8:42

Is um ika ehele ra a Iesu, El et Etmamia a Atua, el et aiyu inliinmopomia aijaua vai nyak: kis ahes ehele Atua ainyak par ham; kis eti tup ispuk ham ainyak, ja is abrai nyak aien.