Joanes 13:3 - Intas-Etipup Mat u Iesu Kristo 1863 (Aneityum Gospels)

³ is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par apan ehele Atua;

Joanes 13:3 ပူးပေါင်းရင်းမြစ်များ

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 28:18

Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Lukas 10:22

Is ikni niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 13:1

An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 3:13

Is eti aridjai an nohatag tah natimi, aien ache is ahes an nohatag aien um asuol, Inhal o natimi, et amen aien an nohatag.

Joanes 3:35

Et aiyu inliinmopoi Etmak vai Inhal o un, is ati niji itai asega ehelen aien.

Joanes 7:29

ek idim ato yin ainyak; kis ahes ehelen ainyak, is abrai nyak aien.

Joanes 7:33

Is um ika ehele ra a Iesu, Etpu idim ipjidipjid namen unyak ehelemia, ekpu apan ehelen ainyak is abrai nyak aien:

Joanes 8:14

Is tas a Iesu, um ika ehele ra, Ek asuptecnaig nyak ainyak, et inivaijec intas asuptecnaig nyak unyak: ek ato ainyak inuarin ineig kis ahes iran ainyak, im lep napan unyak iran; ja eka eti ato aijaua inuarin ineig kis ahes iran ainyak, im lep napan unyak iran:

Joanes 8:42

Is um ika ehele ra a Iesu, El et Etmamia a Atua, el et aiyu inliinmopomia aijaua vai nyak: kis ahes ehele Atua ainyak par ham; kis eti tup ispuk ham ainyak, ja is abrai nyak aien.