Joanes 13:18 - Intas-Etipup Mat u Iesu Kristo 1863 (Aneityum Gospels)

¹⁸ Ek eti tas ainyak vai caua asega: ek ato ainyak natimi iji eigki kis ehtai ra ainyak: ja va uhpu ehneijid intas eris aged, um ika, “Aien et hag ehelek aien, et mun atijai nijinalak an neduon aien vai nyak.”

Joanes 13:18 ပူးပေါင်းရင်းမြစ်များ

Madius 10:36

Erupu edemda vaig tah a nup uran nimnim o un.

Madius 26:21

Eris wat hag ara, is ika aien, Et inivaijec ineig ek asaig ehelemia ainyak mika, etpu aniv nyak tah inyi ethi iramia.

Madius 26:23

Is tas aien, um ika, Aien aigki ecrau esipiaig nipjinitai aijumrau, etpu aniv nyak aien:

Lukas 22:21

Ja et idim amen ehelek an nitai hag nikmai natimi ineig etpu aniv nyak aien.

Joanes 13:21

Is asan tas iji ehki a Iesu, ja is ohocred inliinmopon aien, um asuptecnaig, um ika, Et idim inivaijec ineig ek asaig ehelemia ainyak mika, Etpu aniv nyak tah et ethi iramia.

Joanes 13:22

Eris almaijidjid jipe ra a ilpu atimi atahaijeg yin, um aktaktai, jam eti ato natimi ineig is tas vai yin aien.

Joanes 13:26

Is asuptecnaig a Iesu, um ika, Aien aigki, ek wit ati inuarin nitai caig ineig an nipjinitai ainyak, ekpu alaacan ainyak. Is atise inuarin nitai caig aien, um alayi Jutas nupu Karyot, inhal o Saimona.

Joanes 15:16

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.

Joanes 15:19

El eka atimi an nobohtan aijaua, el et aiyu inliinmopoi atimi an nobohtan vai caua atimi ura: ja eka eti atimi an nobohtan aijaua, kis ehtai caua ira atimi an nobohtan ainyak, va nitai ineigki, era amcel vai caua natimi an nobohtan.

Joanes 15:25

Ja et mun yetpam nitai iji eigki mika yi ehneijid intas ineig eris upyi aged an tas alep ura, um ika, “Eris ispura amcel vai nyak ara.”

Joanes 17:12

Kis wat amen ehele ra an nobohtan ainyak, kis aminjinai ra ainyak an nidam: kis aminjina atimi iji eigki ainyak as alupai nyak ra aiek; et eti melga tah ra, nihki natimi ache; va uhpu ehneijid intas ineig eris upyi aged.

Joanes 18:32

va uhpu ehneijid intas iyehki, is upyi asaig a Iesu, par asuptecnaig nedo vai inmas o un.

Joanes 19:24

Eris tas jipe ara, um ika, Intumu jim ahpati akaija, ti edaig jipe nitai asjaaicnaig iraija akaija, par ato natimi ineig inyi ati: va uhpu ehneijid intas eris aged, um ika, “Eris ahai apelumai itac unyak ira ra ara, um edaig jipe itai asjaaicnaig va napelumai uhup unyak.” Eris ago nitai iji eigki a ilpu eucsupo.

Joanes 19:36

Eris ago nitai iji eigki va uhpu ehneijid intas eris upyi aged, um ika, “Uhpu idim eti asvi tah neduon.”

Joanes 21:17

Is ehceseij ika ehelen aien, Ak Saimona, inhal o Jonas, et aiyu inliinmopom aiek vai nyak, ka o’o? Is ohocred a Pitrus vai intas o un, nikavaig, is ehceseij ahodai yin aien, um ika, Et aiyu inliinmopom aiek vai nyak, ka o’o? Is um ika ehelen aien, Ak Natimarid, na ato niji itai asega aiek; na ato aiek, nikavaig, et aiyu inliinmopok ainyak vai euc. Is um ika ehelen a Iesu, Alayi siip unyak aiek:

Joanes 6:70

Is um ika ehele ra a Iesu, Kis ehtai caua ainyak, eka twelv aijaua; ja et idivai tiapolo tah et ethi iramia.