Joanes 12:48 - Intas-Etipup Mat u Iesu Kristo 1863 (Aneityum Gospels)

⁴⁸ et eteuc tah par aru nedo o un et esjum vai nyak aien, um eti leh niji tas unyak: uhpu asuptecnaig nimtan imi yin an nadiat apitac an tas ineigki ek mun asuptecnaig ainyak.

Joanes 12:48 ပူးပေါင်းရင်းမြစ်များ

Madius 10:15

Et inivaijec ineig ek asaig ehelemia ainyak mika, Inyi tintin nohocred o nupu Sotom im nupu Comora an nadiat almoijidjid, ja etpu esjilid nohocred o nup an nuarin-pece iyehki.

Madius 21:42

Is um ika ehele ra a Iesu, Akis esvi intas ineigki aijaua an nitasvitai, ka o’o, nikavaig, “Inhat ineig eris esjum vaig a ilpu atimi acta neom, et hat esjilid ineigki an nesvi va neom: is ago nitai ineigki a Ihova, et itai imyiali ineig an nuhup uja”?

Madius 25:31

Et wit yetpam a Inhal o natimi an natimi alupas o un, im lep ilpu agelo upene asega ehelen, etpu ateuc aien a dorona esjilid o un an naopan iyehki:

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 17:25

Ja eris idim ika inyi upyi hup aien um leucse nohocred inyi ahinag; erupu lep amcel vai yin atimi an naopan ineig.

Lukas 20:17

Is alum ra aien, um ika, Inhe neigki eris aged, nikavaig, “Inhat ineig eris esjum vaig a ilpu atimi acta neom, et hat esjilid ineigki an nesvi va neom”?

Lukas 7:30

Ja eris ahcaijaig intas o Atua vai ra a ilpu Farisi im ilpu atimi esege, eris eti fi leh nabaptiso o un ira ra ara.

Lukas 9:22

um ika, Eris idim ika etpu ahinag nohocred u Inhal o natimi, erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; erupu atgei yin ara, ja et wit ti pan itac nadiat inyi eseij, etpu lep nusjai aien.

Lukas 9:26

Aien et imyiehcamai nyak aien im lep intas unyak, etpu imyiehcamai yin a Inhal o natimi an naopan iyehki inyi yetpam aien an natimi alupas o un, im natimi alupas o Etman, im lep an natimi alupas o ilpu agelo upene o un.

Joanes 11:24

Is ika ehelen a Marda, Ek ato ainyak, nikavaig, etpu lep nusjai aien an nusjai o atimi an nadiat apitac.

Joanes 5:45

Jim ika aijaua ekpu ahiyi caua ehele Etmak ainyak: et idim ahiyi caua a Moses, aien aigki eka asgeig iran aijaua.

Joanes 6:39

intas alep o Etmak ineigki is abrai nyak aien, mika ki ti eipujaig tah ra ainyak is alupai nyak ra aien, jam imyiatidai ra an nadiat apitac:

Joanes 8:47

Aien et atimi o Atua aien, et ahaijeg intas o Atua aien: eka eti ahaijeg aijaua, va nitai ineigki, nikavaig, eka eti ilpu atimi o Atua aijaua.