Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Joanes 12:26 - Intas-Etipup Mat u Iesu Kristo 1863 (Aneityum Gospels)

26 El et aheca unyak tah natimi, etmu ahced nyak aien; etpu lep amen a naheca unyak an nuarin ineig ek amen iran ainyak: el et aheca unyak tah natimi, etpu imyiahpas yin a Etmak.

အခန်းကိုကြည့်ပါ။ ကော်ပီ




Joanes 12:26
34 ပူးပေါင်းရင်းမြစ်များ  

Is ika ehele ilpu atimi atahaijeg yin a Iesu, El et ahced nyak tah natimi, etmu ude nedo ineig aien et merit vaig aien, etmu alcacse nauincai atgeig o un aien, um ahced nyak.


Is um ika ehelen a natimi alupas o un, Et upene, ak naheca upene um inivaijec; et mun upene nedo unyum va niji itai et eti elpat, ekpu ati euc ainyak mika an esjilid aiek irai iji itai et ahinag: namu imyiacitak aiek um idivaig natimi alupas unyum.


era mun ahesmoij a ilpu aheca iji eigki, et wat han ehele ra natimi alupas ura, um ecet ra naitgai yin vaig: et inivaijec ineig ek asaig ehelemia ainyak mika, etpu arore nijihgan aien an nitai ahid, um ika ehele ra eri ateucse ara um hag, etpu han aien um aheca ura:


Eka auri aijaua par ika vai nyak, Natimarid, Natimarid, jam eti imyiaiji intas unyak?


Is ika ehele ra asega aien, El et ika tah natimi yi ahced nyak aien, etmu ude nedo ineig aien et merit vaig aien, um apos nauincai atgeig o un irai iji adiat, um ahced nyak.


era atahaijeg nohrak siip unyak, ek ato ra ainyak, era apitac nyak ara:


Et idim inivaijec ineig ek asaig ehelemia ainyak mika, Et eti esjilid tah naheca irai natimi alupas o un; et eti lep esjilid aien eris abrai yin irai natimi ineig is abrai yin aien.


El et aiyu inliinmopomia aijaua vai nyak, akumu imyiaiji niji tas alep unyak aijaua.


ek wit apan ainyak um yecrei inuarin imi caua, ja par lep ham, um leh caua imi nyak; mika aki amen aijaua an nuarin ineig ekpu amen iran ainyak:


Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara.


Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.


Is um ika ehelen a Iesu, El ek merit ainyak mika yi aitgaig napam unyak aien, tup ainyak marom; namu apitac nyak aiek.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ