Joanes 11:4 - Intas-Etipup Mat u Iesu Kristo 1863 (Aneityum Gospels)

⁴ Is wat atahaijeg intas ineig a Iesu, is ika aien, Inyi ti mas aien va nemehe ineig, ja et eteuc mika uhpu ecetai natimi alupas o Atua, im lep natimi alupas o Inhal o Atua vaig.

Joanes 11:4 ပူးပေါင်းရင်းမြစ်များ

Joanes 10:38

ja el ek ago ainyak, el eka eti eteuc an tas unyak aijaua, akumu imyiisjis ninivaijec niji auritai unyak aijaua: mika aki ato aijaua, um imyiisjis ninivaijec, nikavaig, et amen ehelek a Etmak, um lep amen ehelen ainyak.

Joanes 11:40

Is um ika ehelen a Iesu, Ek mun idim asaig ehelum ainyak mika, el et imyiisjis ninivaijec aiek, napu almoi nemda o Atua aiek.

Joanes 12:28

Ak Etmak, namu ika aiek eri imyiahpas nidam. Is ahes an nohatag nohran tah, um ika, Ek mun imyiahpas ainyak, ekpu lep imyiahpas ainyak.

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum:

Joanes 17:10

Et unyum niji itai asega unyak, um lep unyak niji itai asega unyum; et ehvaig natimi alupas unyak vaig.

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 2:11

Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Joanes 5:23

mika eri eccen vai Inhal o un natimi asega, et idivaig era eccen vai Etmak ara. Aien et eti eccen vai Inhal o un aien, et eti eccen aien vai Etman is abrai yin aien.

Joanes 8:54

Is um ika a Iesu, El ek imyiahpas nyak ainyak, el et takitai nimyiahpas nyak unyak: aien et imyiahpas nyak aien et Etmak aien; aien aigki eka ika aijaua vai yin, et Atua unyimia aien:

Joanes 9:24

Eris lep ahlaig vai natimi iyehki ara, is aupat nesganimtan, um ika ehelen, Namu imyiahpas Atua aiek: ecra ato aijama mika et atimi auatatimi natimi ineigki.

Joanes 9:3

Is um ika a Iesu, Is eti ago nedo has a natimi ineigki, ka ohwat atmil o un: ja et ucco va uhpu ecetai niji auritai o Atua iran: