Joanes 11:28 - Intas-Etipup Mat u Iesu Kristo 1863 (Aneityum Gospels)

²⁸ Is asan tas ineigki aien, ja par atga o un, um apan, um echim ahlaig ache vai Mere etoan, um ika, Et mun ham a Natimi esege, um ahlaig vai euc.

Joanes 11:28 ပူးပေါင်းရင်းမြစ်များ

Madius 26:18

Is ika aien, Apan aijaua an nuarin-pece itaup ehele natimi et ethi eahki, um ika ehelen, Et ika a Natimi esege, Et mun ubutpotet nadiat unyak; ekpu ecaig napaska ainyak anliin neom unyum im lep ilpu atimi atahaijeg nyak.

Lukas 22:11

arumu asaig aijaurau ehele natimi alupas an neom, Et ika ehelum a Natimi esege, Nuarin-neom imi ilpu alaig yek eda, mika ki caig napaska iran ainyak im lep ilpu atimi atahaijeg nyak?

Joanes 1:41

Is upyi uhup aien um ecet Saimona etoan, um ika ehelen, Ecra mun ecet Mesia aijama, (nesgan tas ineigki, Kristo, Natimi ineig is ati yin a Atua.)

Joanes 1:45

Is ecet Nadanyel a Filipus, um ika ehelen, Ecra mun ecet Iesu nup an Nasared aijama inhal o Josef, aien aigki is aged intas vai yin a Moses an tas alep, im lep ilpu profeta.

Joanes 10:3

et asalgei vai yin a natimi aminjinaig intapanes; era atahaijeg nohran siip: et ahlaig vai nidai siip o un aien, um uhup pan itac ira ra:

Joanes 11:20

Is wat ato napam o Iesu a Marda, is apan aien um aubillid yin: ja is tup amen a Mere anliin neom.

Joanes 11:29

Is wat atahaijeg aien, is auroauro aien, um atidai, um apan ehelen.

Joanes 11:30

Is eti fi yetpan an nuarin-pece a Iesu, ja is amen aien an nuarin iyehki is uhum pan yin a Marda.

Joanes 13:13

Eka anvi nidak aijaua par ika, Natimi esege, im lep Natimarid: et upene intas unyimia; ek idim ucco ainyak:

Joanes 20:16

Is um ika ehelen a Iesu, Ak Mere. Is ahidai yin aien, um ika ehelen, Ak Rabonai; nesgan tas ineigki, Ak Natimi esege.

Joanes 21:7

Is um ika a natimi atahaijeg yin iyehki, is aiyu inliinmopoi Iesu vai yin, ehele Pitrus, Natimarid mun eigki. Is wat atahaijeg a Saimona Pitrus, nikavaig, Natimarid iyehki, is aso yin aien an napelumai imyiahilek mu, (is ahid lavalava ache aien,) um asuol an jop.