Joanes 10:36 - Intas-Etipup Mat u Iesu Kristo 1863 (Aneityum Gospels)

³⁶ el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Joanes 10:36 ပူးပေါင်းရင်းမြစ်များ

Madius 27:43

is asgeig irai Atua aien; etmu imyiatamaig yin aien, el et aiyu inliinmopon aien vai yin: is ika aien, Ek Hal o Atua ainyak.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Lukas 1:35

Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Joanes 10:35

El is anvi nidai ra sji eigki aien is yetpan intas o Atua ehele ra, par ika ilpu atua, (et ehka nauahasvaig intas eris aged;)

Joanes 17:18

As idim abrai nyak aiek mika ki ham an nobohtan ainyak, et um ucco kis abrai ra ainyak, mika eri terimterim ara an nobohtan.

Joanes 17:21

mika eri tup ethi ache ara, um idivai caijau, na amen ehelek aiek, ak Etmak, ek lep amen ehelum ainyak, mika eri lep amen eheleijau ara um tup ethi ache: va erupu imyiisjis ninivaijec natimi an nobohtan mika as abrai nyak aiek.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 19:7

Eris um ika ehelen a nupu Jutaia, Et eteuc intas alep unyima, et upene mika yi mas aien vai intas alep unyima va nedo o un, nikavaig, is ika aien, Ek Hal o Atua ainyak.

Joanes 20:28

Is tas a Tomas, um ika ehelen, Ak Natimarid unyak, im lep Atua unyak.

Joanes 20:31

ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Joanes 5:30

Et ehka vai nyak intup ispuk agovaig tah nitai: ek idim atahaijeg ainyak, et um ucco ek lep asuptecnaig nimtan ainyak: et atoh intas asuptecnaig unyak; ek eti imyiaiji intas unyak ainyak, jai intas o Etmak is abrai nyak aien.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 6:38

kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien:

Joanes 6:57

Et idivaig is abrai nyak a Etmak umoh, ek lep umoh ainyak vai Etmak: et um ucco aien et caig nohuk aien, etpu umoh aien vai nyak.

Joanes 6:69

ecra imyiisjis ninivaijec aijama um ato, nikavaig, nai Kristo aiek, Inhal o Atua umoh.

Joanes 8:42

Is um ika ehele ra a Iesu, El et Etmamia a Atua, el et aiyu inliinmopomia aijaua vai nyak: kis ahes ehele Atua ainyak par ham; kis eti tup ispuk ham ainyak, ja is abrai nyak aien.