Joanes 10:30 - Intas-Etipup Mat u Iesu Kristo 1863 (Aneityum Gospels)

³⁰ Ek tup ethi ache ainyak im Etmak.

Joanes 10:30 ပူးပေါင်းရင်းမြစ်များ

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 28:19

Va nitai ineigki akumu apan aijaua, um ika eri alaigaheni nup urai iji pece asega, um baptiso ira ra an nidai Etmak, im Inhal o un, im Nesgumrau Upene:

Joanes 10:29

Et esjilid a Etmak is alupai nyak ra aien irai iji itai asega; et eti emda tah natoraliak ra vaig an nikmai Etmak.

Joanes 10:36

el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Joanes 14:23

Is tas a Iesu, um ika ehelen, El et aiyu inliinmopon tah natimi vai nyak, etpu apos intas unyak aien: etpu aiyu inliinmopoi Etmak vai yin, ecrupu apan ehelen aijumrau, um amen ehelen.

Joanes 14:9

Is um ika ehelen a Iesu, Ak Filipus, kis amen ehelemia ainyak itu acen, ja na idim eti ato nyak aiek, ka o’o? aien et mun alum nyak aien, et alum Etmak aien; na auri aiek par ika, Ehvai Etmam aiek ehelema?

Joanes 16:15

Et unyak niji itai asega ehele Etmak: va nitai ineigki, ek mun asaig ainyak, mika etpu leh niji itai unyak aien, um asuptecnaig ehelemia.

Joanes 17:10

Et unyum niji itai asega unyak, um lep unyak niji itai asega unyum; et ehvaig natimi alupas unyak vaig.

Joanes 5:17

Is um ika ehele ra a Iesu, Is auritai a Etmak um imyihum pam naopan ineig, ek lep auritai ainyak.

Joanes 5:23

mika eri eccen vai Inhal o un natimi asega, et idivaig era eccen vai Etmak ara. Aien et eti eccen vai Inhal o un aien, et eti eccen aien vai Etman is abrai yin aien.

Joanes 8:58

Is um ika ehele ra a Iesu, Et idim inivaijec ineig ek asaig ehelemia ainyak mika, an naopan iyehki is pam eti eteuc a Ebraham, EK TUP ETEUC AINYAK.