Joanes 10:28 - Intas-Etipup Mat u Iesu Kristo 1863 (Aneityum Gospels)

²⁸ ek alupai ra nitai umoh iran ineig ainyak inyi ti lep ti; uhpu eti auahas ra, inyi ti atoraliak ra tah natimi an nikmak.

Joanes 10:28 ပူးပေါင်းရင်းမြစ်များ

Lukas 23:46

Is ahlaig ijinies a Iesu, um ika, Ak Etmak, ek ati nesgak ainyak an nikmam: is wat ucce intas o un, is edekjai nesgan aien.

Joanes 10:29

Et esjilid a Etmak is alupai nyak ra aien irai iji itai asega; et eti emda tah natoraliak ra vaig an nikmai Etmak.

Joanes 11:25

Is um ika ehelen a Iesu, Ek itai anusjai vaig ainyak, um itai umoh iran: aien et asgeig irak aien, el is mas aien, etpu umoh aien:

Joanes 14:19

Et wit ti pan itac nadiat inyi ti elpat, eri ti lep alum nyak natimi an nobohtan; ja eka alum nyak aijaua: ek umoh ainyak, va nitai ineigki, akupu lep umumoh aijaua.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 18:9

va uhpu ehneijid intas iyehki is upyi asaig aien, um ika, Et eti melga tah et ethi irai ra sji eigki, as alupai nyak ra aiek.

Joanes 3:36

Aien et asgeig irai Inhal o Atua aien, et o un nitai umoh iran ineig inyi ti lep ti: aien et eti asgeig irai Inhal o Atua aien, inyi ti ecetai nitai umoh iran aien; ja et amen iran intavaitap o Atua.

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Joanes 5:24

Et idim inivaijec ineig ek asaig ehelemia ainyak mika, Aien et atahaijeg intas unyak aien, um asgeig iran is abrai nyak aien, et leh nitai umoh iran ineig aien inyi ti lep ti, inyi ti lep leh neru va nedo has o un aien; is aha vai inmas aien um leh nitai umoh iran.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 6:37

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak:

Joanes 6:47

Et idim inivaijec ineig ek asaig ehelemia ainyak mika, Aien et asgeig irak aien, etpu leh nitai umoh iran ineig aien inyi ti lep ti.

Joanes 6:68

Is um ika ehelen a Saimona Pitrus, Ak Natimarid, ecrupu apan ehele di aijama? et amen ehelum intas va nitai umoh iran ineig inyi ti lep ti: