Joanes 1:38 - Intas-Etipup Mat u Iesu Kristo 1863 (Aneityum Gospels)

³⁸ Is ahidai yin a Iesu um ecet rau napitac yin vaig, um ika ehele rau, Erau merit vanhe aijaurau? Erus ika ehelen arau, Ak Rabai, (nesgan tas ineigki, Ak Natimi esege,) na amen aiek eda?

Joanes 1:38 ပူးပေါင်းရင်းမြစ်များ

Lukas 10:39

Is eteuc etoan, nidan Mere, is ateucse aien u neduei Iesu, um atahaijeg intas o un.

Lukas 14:25

Eris ahced yin natimi is ahinag: is ahidai yin aien, um ika ehele ra,

Lukas 15:20

Is atidai aien um han ehele etman. Is wat ehgin yetpan vaig aien, is ecet yin a etman, um aiheuc vai yin, um athut, um ablaijiraig pam yin, um aijumnyi yin.

Lukas 19:5

Is wat yetpan an nuarin iyehki a Iesu, is easji pan aien, um ecet yin, um ika ehelen, Ak Sakius, auroauro aiek, um asuol; ekpu idim amen ainyak an neom unyum an nadiat ineigki.

Lukas 22:61

Is ahidai yin a Natimarid, um umaharei Pitrus. Is imyiehva a Pitrus intas iyehki is upyi asaig ehelen a Natimarid, um ika, Napu ehceseij ateri nyak aiek, ja etpu ahlaig injaa.

Lukas 8:38

Is ugni yin a natimi iyehki, eris atceijai yin a ilpu agelo has, mika yi ahced yin aien: ja is adceijai yin a Iesu, um ika,

Joanes 1:37

Erus atahaijeg intas o un natimi atahaijeg yin erahki, um apitac Iesu.

Joanes 1:39

Is ika ehele rau aien, Apam aijaurau um almoi. Erus apan arau um almoi nuarin ineig is amen iran aien, um amen ehelen an nadiat iyehki: is um jupura.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 12:21

eris apan ehele Filipus ara, is upu Bedseta aien, an pece Calili, um ugni yin, um ika, Ak natimi alupas, ecra merit aijama nalum Iesu vaig.

Joanes 18:4

Is ato a Iesu niji itai asega etpu vetpam iran, ja is apan aien, um ika ehele ra, Eka ahilek di aijaua?

Joanes 18:7

Is lep ahodai ra aien, um ika, Eka ahilek di aijaua? Eris ika ara, Iesu nup an Nasared.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 3:26

Eris apan ehele Joanes ara, um ika ehelen, Ak Natimi esege, aien is amen ehelum aien an nahaijin Jortan itac, aien as asuptecnai yin aiek, et idim baptiso ira atimi aien; era ahtag pan ehelen natimi asega.

Joanes 4:31

Eris ugni yin a ilpu atimi atahaijeg yin, um ika, Ak Natimi esege, namu hag aiek.

Joanes 6:25

Eris wat ecet yin ara an nahaijin jop, eris um ika ehelen ara, Ak Natimi esege, nai ham aiek igcaki an nahopan?