Joanes 1:14 - Intas-Etipup Mat u Iesu Kristo 1863 (Aneityum Gospels)

¹⁴ Is leh nohun a Intas, um amen eheleija, (ektijis almoi natimi alupas o un aijumtaij, natimi alupas o Inhal o Etman et ethi ache,) is esjilid acen naiheuc o un, is lep idim inivaijec aien.

Joanes 1:14 ပူးပေါင်းရင်းမြစ်များ

Madius 1:16

is apos Josef natamnyu Mere a Jekob, is risi Iesu aien, eris anvi nidan par ika Kristo.

Lukas 2:11

eh mun apos Natimi imyiatamaig caua, an nadiat ineigki an nuarin-pece o Tevit, et Kristo aien Natimarid:

Lukas 2:7

Is apos inhalav atamaig o un aien inmetto, um aso pam yin an napelumai, um ati yin an nelcau hag o kurimatau; is ti inuarin ineig eru amen iran arau anliin neom ehele atimi asega.

Lukas 9:32

Is imtatte a Pitrus im lep rau erus amen ehelen arau: ja ehtijis wat aiji lahlah ahtaij, um ecetai natimi alupas o un, im lep natimi erahki erus aiji ehelen arau.

Joanes 1:1

Is eteuc a Intas an naopan iyehki is pam eti eteuc nobohtan, is amen a Intas ehele Atua, is lep Atua a Intas.

Joanes 11:40

Is um ika ehelen a Iesu, Ek mun idim asaig ehelum ainyak mika, el et imyiisjis ninivaijec aiek, napu almoi nemda o Atua aiek.

Joanes 14:6

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache:

Joanes 14:9

Is um ika ehelen a Iesu, Ak Filipus, kis amen ehelemia ainyak itu acen, ja na idim eti ato nyak aiek, ka o’o? aien et mun alum nyak aien, et alum Etmak aien; na auri aiek par ika, Ehvai Etmam aiek ehelema?

Joanes 17:22

Ek mun alupai ra natimi alupas iyehki ainyak as alupai nyak aiek; mika eri tup ethi ache ara, um idivai caijau:

Joanes 17:24

Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

Joanes 18:37

Is um ika ehelen a Pailet, Na idim atimarid aiek, ka o’o? Is um ika a Iesu, Na mun asaig aiek mika ek atimarid ainyak: eris apos nyak va nitai ineigki, kis lep ham ainyak an nobohtan va nitai ineigki, mika ki asuptecnaig nitai inivaijec ainyak: ara asega era apol an nitai inivaijec ara, era imyiaiji intas unyak ara.

Joanes 2:11

Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Joanes 3:16

Is um ucce naiheuc vai iji pece asega o Atua is abrai Inhal o un is eti ache aien, va eri eti emesmas a ilpu atimi asgeig iran asega, jam leh nitai umoh iran ineig inyi ti lep ti.

Joanes 3:18

Eris eti ika etpu mas a natimi ineig et asgeig iran aien: ja eris idim ika etpu mas a natimi ineig et eti asgeig iran aien, va nedo o un, nikavaig, et eti asgeig aien an nidai Inhal o Atua et ethi ache.

Joanes 6:51

Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

Joanes 8:32

im lep ineig, akupu ato intas inivaijec aijaua, etpu ahiyi caua intas inivaijec.