Yohan 14:10 - Chyoiyúng chyumlaiká: dangshikaq asik; Zaiwa

¹⁰ Ngò gi, haû Îwa má nghut nyî luî, haû Îwa gi, Ngò má nghut nyi é hkyô lé, nàng a lumjíng lhú? Ngò, nungmoq lé taî é dang haú pé gi, Ngá é myit mai taî é a nghut; haû Ngò má lúng nyi é Îwa sheq, Yhâng é mû zuî nyi é ru nghut lhê.

Yohan 14:10 ပူးပေါင်းရင်းမြစ်များ

Yohan 10:30

Ngò eq haû Îwa gi, rayuq za nghut lhê." ga tû taî ri.

Yohan 10:38

Nghut kôlhang, Ngò, haú pé lé kut é nghut le gi, nungmoq, Ngo lé a lumjíng kôlhang, haû muzó pé lé lumjíng keq; haú hkûn, haû Îwa gi, Ngò má nghut nyi é hkyô lé le, Ngò gi, haû Îwa má nghut nyi é hkyô lé le, nungmoq wó sé luî, sê gyo kó râ nghut lhê." ga tû taî ri.

Yohan 11:26

Asak dui nyì luî, Ngo lé lumjíng é sû ó yuq nghut kôle, hkâ-nhám le shi é hui râ a nghut. Nàng gi, dang shî lé lumjíng lhê lhú?" ga taî ri.

Yohan 12:49

Hkâsu mù gâ le, Ngò gi, Ngá é myit dông taî é a nghut; nghut kôlhang, Ngò haî taí râ eq hkâsu nghû taí râ lé gi, haû Ngo lé nhang kat é sû Îwa mai, Ngo lé hkunmó hkyô to bê nghut lhê.

Yohan 14:11

Ngò gi, haû Îwa má nghut nyî luî, haû Îwa gi, Ngò má nghut nyi lhê nghû é lé lumjíng keq; haû a nghut jáng, kut shit é limik kumlhá pé dông za lháng, lumjíng keq.

Yohan 14:20

Ngò gi, Ngá Wâ chyáng nghut nyi é lé le, nungmoq gi, Ngò má nghut nyi é lé le, Ngò gi, nungmoq má nghut nyi é lé le, haú buinyì má, nungmoq sé kó râ nghut lhê.

Yohan 14:24

Ngo lé a chyitdap é sû gi, Ngá dang lé gyo râ a nghut. Nàng wó gyô é dang shí pé gi, Ngá myit mai taî é a nghut; dang haú pé gi, Ngo lé nhang kat é Sû, haû Îwâ é ru nghut lhê.

Yohan 17:8

Hkâsu mù gâ le, Nàng, Ngo lé byi kat é mungdang pé lé, Ngò, yhangmoq lé byi bê nghut luî, yhangmoq gi, haú pé lé hap yù bekô nghut ri; Ngò gi, Náng chyáng mai lé é sû nghut é lé le, yhangmoq hkyak sê akô; Nàng, Ngo lé nhang kat é hkyô lé le, yhangmoq lumjíng bekô nghut ri.

Yohan 3:2

Yhang gi, myín lé, Yesuq chyáng lé mù, "Rabai ê, Nàng gi, Garai Gasâng chyáng mai lé é sará rayuq nghut é lé, ngamoq sê lhê. Hkâsu mù gâ le, Nàng kut shit é limik kumlhá pé gi, Garai Gasang a lom é nghut jáng, ó yuq le wó kut râ a nghut." ga taî ri.

Yohan 5:17

Haú hkûn, Yesuq gi, yhangmoq lé, "Ngá Wa gi, hkû-nyí jé shoq, hkâ-nhám le mû zuî nyi é nghut mù, Ngò le mû zuî nyi lhê." ga taî ri.

Yohan 5:19

Yesuq, yhangmoq lé tû taî é gi, "Ngò, nungmoq lé teng za taí kôlé, haû Zo gi, yhumsing é myit dông haî le a wó kut; Yhâng Wa kut é hkyô lé myang é gù za wó kut é nghut lhê; hkâsu mù gâ le, haû Îwa kut é hkyô lé za, haû Zo châng kut é yanmai nghut lhê.

Yohan 7:16

Haû mù, Yesuq tû taî é gi, "Ngò mhoqshit é dang gi, Ngá é dang a nghut; Ngo lé nhang kat Su é dang ru nghut lhê.

Yohan 8:28

Haû mù luî, Yesuq gi, "Haû Byu Yhangzo lé nungmoq tu shap kat é hkûn sheq, Ngò gi, haû Yuq nghut é hkyô lé le, yhumsing myit dông haî le a kut e za, haû Îwa mhoq byî é dông za taî é hkyô lé le, nungmoq sé kó râ nghut lhê.

Yohan 8:38

Ngò gi, Ngá Wâ chyáng mai myang yu é eq rajung za, nungmoq lé taî kyô nyi lhê; nungmoq le, nungmoq é îwa chyáng mai wó gyô yu é eq rajung za kut nyi akô nghut ri." gâ ri.

Yohan 8:40

Nghut kôlhang, nungmoq gi, haû Garai Gasâng chyáng mai wó gyô yu é tengmán hkyô lé taî kyo sû nghut é Ngo lé, sat pyám nau akô nghut ri. Haû sû é hkyô gi, Abraham a kut é nghut lhê.

Lagyo 10:38

Haû gi, Garai Gasâng èq Chyoiyúng Woi-nyí eq wum-o a-tsam byî to bê sû, Nazaret wà byù Yesuq é hkyô nghut nyi ri. Garai Gasang yhang eq rahá nghut nyi é yanmai, yhang gi, ge é muzó lé kut wún é eq, nat èq zing-ri huî é bang banshoq lé lhoq gê byî wún ri.

2 Korinhtuq 5:19

Haû gi, Garai Gasang gi, byu pê é mara lé a matsíng byî é za, Hkrisduq dông mingkan lé Yhânggùng eq nguingón hkyô xoq yû bê nghut luî, Yhang gi, nguingón hkyô xoq yu é mungdang haû lé, ngamoq lé ap byî to bê nghû nau é nghut lhê.

Kolose 1:19

Hkâsu mù gâ le, Garai Gasang gi, Yhâng é byíng jup hkyô banshoq, Yhang Zo má joq nyì râ lé myit nguì ô nau é nghut mù,

Kolose 2:9

Hkâsu mù gâ le, Garai Gasâng é gumjup hkyô banshoq gi, Hkrisduq é gungdu hkyangmân má lúng nyî mù,

1 Yohan 5:7

Hkâsu mù gâ le, Woi-nyí le, wuì le, sui le, haû sûm lhûm é saksé hkâm akô nghut ri;