Yohan 12:13 - Chyoiyúng chyumlaiká: dangshikaq asik; Zaiwa

¹³ Haû mù, yhangmoq gi, byùm-haq pé yu chûng mù, Yhang lé ê tê uchyang, "Hosana! Haû Yhumsing é myìng mai jé lé lô Sû gi, hkungsô wó nyî sháng gaq ô! Haû Israelaq byu pê é Hkohkâm gi, hkungsô wó nyî sháng gaq!" ga, taî garû bum akô nghut ri.

Yohan 12:13 ပူးပေါင်းရင်းမြစ်များ

Mahte 23:39

Hkâsu mù gâ le, Ngò, nungmoq lé taí kôlé, 'Yhumsing é myìng mai jé lé lo é Sû gi, hkungsô wó nyî sháng gaq.' ga, nungmoq a taí taí gi, Ngo lé wó myâng kó râ a nghut lo." gâ ri.

Mahte 27:42

"Shí yuq gi, góbang lé hkyi yù sû nghut kôlhang, Yhânggùng yhang gi, a wó hkyi yù nghut ri myhi-nhung! Yhang gi, Israelaq byu pê é hkohkâm nghut lhê lhà! Ngamoq wó lumjíng râ matú, Yhang, tapzîng mai gyó lo wú sháng gaq.

Yohan 1:49

Haû mù, Nahtanelaq gi, "Rabai ê, Nàng gi, Garai Gasâng é Yhangzo nghut ri; Nàng gi, Israelaq byu pê é Hkohkâm le nghut ri." ga taî ri.

Yohan 12:14

Haú hkûn, Yesuq gi, logúng zo radu lé myàng luî, doq jî ri;

Yohan 12:15

haû gi, "Zi-un byizo ê, hkâgyuq; wú keq, nungmoq é hkohkâm gi, logúng zo má ji mù lé lo nyi ri." ga, kâ tô é eq rajung za nghut ri.

Yohan 19:15

Nghut kôlhang, yhangmoq gi, "Yhang lé yu pyám aq! Yhang lé yu pyám aq! Yhang lé tapzîng má jén sat pyám aq!" ga garû bum akô. Haú hkûn, Pilat gi, "Nungmoq é hkohkâm lé wá, ngò, tapzîng má jén sat pyám râ lhú?" ga myi jáng, haû hkyangjong agyi pé gi, "Haû hkoséng Kehtaq mai lai luî, gotû hkohkâm ngamoq a wó." ga, tû taî akô nghut ri.

Shing-rán 15:3

Garai Gasâng é dui-nhâng zoshâng Mosheq é mahkôn eq haû Sauzô é mahkôn lé hkôn kô é gi, "Wum-o a-tsam dik shoq bò Sû Yhumsîng Garai Gasang ê, Nàng kut é muzó gi, hkik é eq mauhpo yhang nghut ri. Pyat pyat zaí zaí é Hkohkâm ê, Náng é hkyô gi, dingmán é eq tengmán é nghut ri.

Shing-rán 19:16

Hkohkam pê é Hkohkâm eq yhumsing pê é Yhumsîng gâ é myìng gi, Yhâng é buhîng eq Yhâng é tangbaú má kâ tap tô ri.

Shing-rán 7:9

Hau htâng, ngò wú kat é hkûn, mingdán hkangmó mai le, byuhú hkangmó mai le, byù myû hkangmó mai le, myíng chângjup mai le, lé é bang, ó yuq lháng a ung nghap é byù moq mó gi, haû hkohkâm-tanghkuq é hí má le, Sauzô é hí má le, yap nyi bùm kô é lé myang ri; yhangmoq gi, bu hpyû hîng wut luî, yhangmoq é loq má byùm-haq chung tô bùm kômù,