Shing-rán 5:13 - Chyoiyúng chyumlaiká: dangshikaq asik; Zaiwa

¹³ Hau htoq agó, mauhkûng htoq má nyi é, myigùng htoq má nyi é, myigùng ô má nyi é, wuiming má nyi é, hpan to huî é lhunglháng gi, "Hkya-on kungtôn hkyô, aróng sitang, hpungwup shingkang eq hpungwup a-tsam gi, haû hkohkâm-tanghkuq má zung tô é Sû eq Sauzô chyáng, pyat dedu ahtum abyuq ru joq nyî sháng gaq ô!" ga luî, ton nyi bùm kô é lé, ngò wó gyô ri.

Shing-rán 5:13 ပူးပေါင်းရင်းမြစ်များ

Mahte 6:13

Ngamoq lé, agúng alaú hkyô má a wàng nhang é za, agè ashop jang mai hkyi yù laq ô. (Hkâsu mù gâ le, kô dik é up sîng hkyô, a-tsam eq hpungwup shingkang gi, pyat dedu ahtum abyuq Náng chyáng ru joq nyi ri ô! Amen.)' nghû dung keq.

Lukaq 2:14

"Htoq tsáng myhâng má, Garai Gasang gi, hpungwup shingkang bo nyì sháng gaq ô! Myigùng htoq má le, Yhang ô nau é byu pé má, nguingón é gi, hkâ-nhám le joq nyì sháng gaq ô!" gâ akô.

Yohan 1:29

Hau htang nyí, Yohan gi, yhâng chyáng Yesuq lé lo nyi é lé myàng luî, taî é gi, "Mingkan byu pê é yubak mara lé yu pyám byî é Garai Gasâng é Sauzo lé, wú keq!

Romaq 11:36

Hkâsu mù gâ le, joq mijoq gi, Yhâng chyáng mai nghut mù, Yhang dông mai nghut luî, Yhâng é matú chyat nghut ri. Haû hpungwup shingkang gi, Yhâng chyáng ahtum abyuq ru joq nyî sháng gaq ô! Amen.

Romaq 16:27

rayuq za é hpaqchyî bo sû Garai Gasâng chyáng, Yesuq Hkrisduq dông mai, hpungwup shingkang gi, ahtum abyuq ru joq nyî sháng gaq ô! Amen.

Romaq 9:5

Haû myìng hû é îchyí îwâ pé gi, yhangmoq é îchyí îwâ pé nghut luî, byu é hkyam dông gon jáng, Hkrisduq gi, yhangmoq amyû mâ é nghut ri. Yhang gi, lhunglháng lé up é, ahtum abyuq hkya-on huî é Garai Gasang nghut ri! Amen.

Ehpesu 3:21

haû noqkuq hpûng é yanmai le, Hkrisduq Yesuq é yanmai le, pyat pyat zaí zaí, ahtum abyuq, hpungwup shingkang rû bo nyì sháng gaq ô! Amen.

Hpilipi 2:10

haû Îwa Garai Gasâng é hpungwup shingkâng é matú, Yesuq Hkrisduq gi, Yhumsîng nghut lhê nghû, nhut shô hkangmó yín yû sháng gaq ga,

Kolose 1:23

Haû gi, gabú danglù mai wó yu tô é myoqbyù hkyô mai a htot byuq é za, kô myhang nyi é eq gingtîng nyì mù, nungmoq é lumjíng hkyô má xoq nyi nyi é nghut jáng sheq dut râ nghut lhê. Gabú danglù shî gi, nungmoq wó gyô wú bê nghut é htoq agó, mauhkûng ô má hpan tô é jung hkangmó lé hko kyô nyì bê nghut lhê. Ngò, Poluq le, gabú danglù hau é dui-nhâng zoshâng dut é nghut lhê.

1 Timohti 4:16

Náng é asak duì hkyô má le, nàng mhoqshit é hkyô má le, rago sidiq nyì aq. Haú pé má ru gîng nyì aq, hkâsu mù gâ le, nàng haû su kut é nghut jáng, náng é asak lé le, náng chyáng mai gyô yu é bang lé le, nàng wó hkyi yù râ nghut lhê.

1 Petruq 4:11

Rayuq yuq taî é nghut jáng, Garai Gasâng é mungdang haû eq yhang rajung za taí ra râ nghut lhê. Garai Gasang gi, lhunglháng má Yesuq Hkrisduq é yanmai hkya-ôn é hui sháng gaq, rayuq yuq dojaú é nghut jáng, Garai Gasang byî é wum-ô èq dojaú ra râ nghut lhê. Haû hpungwup shingkang eq a-tsam gi, Yesuq Hkrisduq chyáng pyat dedu ahtum abyuq joq nyì sháng gaq ô. Amen.

1 Petruq 5:11

Haû hpungwup a-tsam banshoq gi, Yhâng chyáng pyat dedu ahtum abyuq rû joq nyî sháng gaq. Amen.

Shing-rán 1:6

Yhâng é Garai Gasang eq Îwa lé dojaú râ matú, nga-nhúng lé, mingdán byu pé eq hkyangjông pé dut nhang é Su chyáng, duqwup shingkang eq hpungwup a-tsam gi, pyat dedu ahtum abyuq ru joq nyî sháng gaq ô! Amen.

Shing-rán 13:8

Haû sat hui bê Sauzo eq sêng é asak jihpán laiká buk má, mau htoq xâng hkun mai, myìng a kâ lhôm é, myidàm htoq má nyi é lhunglhâng bang gi, haû tân jung dusak lé noqkuq kó râ nghut lhê.

Shing-rán 5:1

Hau htâng, ngò gi, hkohkâm-tanghkuq má zung to Su é loqyo loq má, í shut é laiká kâ to é, dizik nyhit lhum tap tô é chyúmding le myang ri.

Shing-rán 5:12

Yhangmoq gi, "Haû sat hui bê Sauzo gi, hpungwup a-tsam, sutzè, hpaqchyî byéng-yá, wum-o, aróng sitang, hpungwup shingkang eq hkya-on kungtôn hkyô lé, hap yù gíng ri." ga luî, htê mó èq ton bum akô nghut ri.

Shing-rán 5:3

Nghut kôlhang, mauhkûng htoq má le, myigùng htoq má le, myigùng ô má le, haû chyúmding lé wó hpóng râ eq ahkaû má wó wú râ byù rayuq lháng a nyì nghut ri.

Shing-rán 5:6

Hau htâng, haû dui é dusak myî du eq suwún wui é agùng mâ é, hkohkâm-tanghkuq agùng má, sat hui bê su dut é Sauzo radu yap tô é lé, ngò myang ri. Sauzo haû gi, hkyuî nyhit lhum eq myoqjí nyhit lhum dap ri. Myoqjí haû nyhit lhum gi, myidàm htoq gón má nhang htoq kat é, Garai Gasâng é woi-nyí nyhit woi-nyí nghut ri.

Shing-rán 5:9

Yhangmoq gi, "Nàng gi, haû chyúmding lé yù râ eq hau é dizik pé lé hpóng râ gingdán Sû nghut ri. Haî mù gâ le, Nàng gi, sat hui bê nghut luî, byuhú hkangmó mai le, myíng hkangmó mai le, byù myû hkangmó mai le, mingdán hkangmó mai le, Garai Gasâng é matú, Náng é suî èq byù pé lé wui hpyit yû bê nghut ri.

Shing-rán 6:16

haû bùm pé eq luqgok pé lé, "Ngamoq é gùng htoq má gyó ke kó laq! Haû hkohkâm-tanghkuq má zung to Su é myoq hí mai le, haû Sauzô é nhikmo-yô é hkyô mai le, ngamoq lé haq pyám kó laq.