Shing-rán 17:12 - Chyoiyúng chyumlaiká: dangshikaq asik; Zaiwa

¹² Haû nàng myàng é hkyuî raxê lhum gi, mingdán a myang yù shî é hkohkâm raxê yuq nghut ri; nghut kôlhang, yhangmoq gi, haû tân jung dusak eq rahá za, hkyíng hkum rahkum kô hkohkâm ayá lé wó yû kó râ nghut lhê.

Shing-rán 17:12 ပူးပေါင်းရင်းမြစ်များ

Shing-rán 10:11

Haú hkûn, "Nàng gi, byù myû myo myo eq séng luî le, mingdán myo myo eq séng luî le, myíng ahú hú eq séng luî le, hkohkam pé myo myo eq séng luî le, myiqhtoi dum htoi ra râ nghut lhê." ga, ngo lé taî kyô ri.

Shing-rán 12:3

Hau htâng, mauhkûng má gotû kumlhá dum htoq shit é gi: gyai kô é manjung nè mó radu gi, ulhum nyhit lhum eq hkyuî raxê lhum dap luî, yhâng é ulhum hkangmó má janmaú tsûng tô ri.

Shing-rán 13:1

Haú hkûn, haû wuìshuq lung-aû mai tân jung dusak radu htoq lo é lé, ngò myàng ri. Dusak haû má, hkyuî raxê lhum eq ulhum nyhit lhum dap to luî, yhâng é hkyuî pé má gi, janmaú raxê lhum tsûng to mù, ulhum hkangmó má gi, Garaî aróng lhoq hpoi é myìng dap tô bum ri.

Shing-rán 17:16

Haû nàng myang é tân jung dusak eq hkyuî raxê lhum gi, shiwa myhí haû lé a jú kut kó râ nghut luî, yhâng é sutzè banshoq shang yu pyám byi mù, mebu lháng a dap loshoq achîndum kut to kó râ nghut lhê; hau htoq agó, yhâng é sho lé zo luî, myî èq nyhê hkyô pyám kó râ nghut lhê.

Shing-rán 18:10

Yhangmoq gi, yhang no jamjaû nyi é lé wú gyuq kôluî, we we má yap to kômù, 'Hkik é myuq mó, a-tsam bo é Babelon gi, dingnyé wó ri-nhung! Dingnyé wó ri-nhung! Hkyíng hkum ralhum má za, dam byî é hkyô gi, náng chyáng jé bu-nhung!' ga luî, taî garu kó râ nghut lhê.

Shing-rán 18:17

Hkyíng hkum rahkum má za, haû-í yhang wó é sutzè pé htên byoq byuq bu-nhung!' ga taí kó râ nghut lhê. Wuì-sanghpo agyì yuq hkangmó eq wuì-sanghpo mai jón wún é bang banshoq, wuì-sanghpo hkâng bang eq wuìshuq lung-aû mai wam baú hkyô wó yu é bang banshoq gi, we we má yap to kômù,

Shing-rán 18:19

Yhangmoq gi, yhumsing é ulhum má hpuilhup kyaq gyun mù, ngaubyi ngau-nhap eq iyon yon uchyang, 'Myuq mó gi, dingnyé wó ri-nhung! Dingnyé wó ri-nhung! Wuìshuq lung-aû má wuì-sanghpo pé wó é bang gi, yhâng é sutzè pê é yanmai, sutzè wó bum akô. Nghut kôlhang, hkyíng hkum rahkum má za, htên byoq hkyô gi, yhâng chyáng jé bu-nhung!