Markuq 9:20 - Chyoiyúng chyumlaiká: dangshikaq asik; Zaiwa

²⁰ Haû mù, yhangmoq gi, yuqgè zo haû lé shuî lé lo akô; nat haû gi, Yesuq lé myang kat é eq yhang, yuqgè zo haû lé langhtân nhang ri; yuqgè zo haû gi, myigùng má lêng leq luî goleng leng mù, nhut mai tsû-myup htoq nyi ri.

Marku mau sau 1951; Zaiwa

²⁰ Hau hkun yang maw gë, hau zaw-shang le shwi e kaw e. Yang le myang hwi jang, hau nat gë, hau yu le nan nang lwi, yang mi-gung shut leng law le e, tsu-myup htaw u-jang, gawng leng leng ni e.

M-KU MAU SAU 1938

²⁰ ꓧꓮꓴ ꓘꓴꓠ ꓬꓥ ꓟꓳ ꓖꓶ ꓧꓮꓴ ꓙꓳ ꓫꓥ ꓡꓰ ꓫꓪꓲ ꓰ ꓗꓳ ꓰ꓿ ꓬꓥ ꓡꓰ ꓟꓬꓥ ꓧꓪꓲ ꓙꓥ ꓧꓮꓴ ꓠꓔ ꓖꓶ ꓧꓮꓴ ꓬꓴ ꓡꓰ ꓠꓠ ꓠꓥ ꓡꓪꓲ꓾ ꓬꓥ ꓟꓲ ꓖꓴꓥ ꓫꓴꓔ ꓡꓰꓥ ꓡꓳ ꓡꓰ ꓰ꓾ ꓝꓴ ꓟꓬꓴꓑ ꓕꓳ ꓴ ꓚꓥ꓾ ꓖꓳꓥ ꓡꓰꓥ ꓡꓰꓥ ꓠꓲ ꓰ꓿

Markuq 9:20 ပူးပေါင်းရင်းမြစ်များ

Markuq 1:26

Haú hkûn, agè ashop é nat haû gi, byù haú yuq lé wum kat langhtân nhâng luî, htê mó èq garu uchyang htoq ló byuq bê nghut ri.

Markuq 9:18

Nat haû gi, yhâng chyáng wàng hkangmó, yhang lé myì htoq má lhoq leqbat nhang ri; haû mù, yhang gi, nhut mai guttsû htoq lhê, zuì kyik kyik lhê, langhtan lo lhê, dut ri; hau é yanmai, nat haú lé hkat htoq pyám byi râ matú, Náng é chángzô pé lé dûng wú kôlhang, yhangmoq a wó dut kó nghut ri." gâ ri.

Markuq 9:19

Haú hkûn, Yesuq gi, "Lumjíng myit a bo é amyû pé ê, Ngò gi, hkâ-myháng jé shoq nungmoq eq rahá nyì mù, wó jân nyì râ lhú? Yuqgè zo haû lé, Ngá chyáng shuî lé lô keq." ga taî kat ri.

Markuq 9:21

Haú hkûn, Yesuq gi, yhângwa lé, "Yhang, isu dut é hkâ-myháng myáng bê lhú?" ga myi jáng, yhâng wa gi, "Zoshâng hkûn mai nghut bê.

Markuq 9:26

Haú hkûn, nat haû gi, garu mù, zoshâng haû lé wum kat langhtân nhâng luî, htoq ló byuq bê. Zoshâng haû gi, shî màng gùng su dut byuq é yanmai, byù myo myo gi, "Yhang shî bê nghut ri." ga taî akô.

Lukaq 4:35

Haú hkûn, Yesuq gi, "Hkâjop, yhâng chyáng mai htoq ló aq." ga yhang lé tân kat jáng, nat gi, haú yuq le yhangmoq é gung gûng má lhoq lheq to mù, a nò nhang é za, yhâng chyáng mai htoq ló byuq ri.

Lukaq 8:29

Hkâsu mù gâ le, Yesuq gi, agè ashop é nat lé haú yuq gùng mai htoq ló râ matú, tân pyâm é yanmai nghut ri. Byù haú yuq lé nat gâng èq adàm dàm wang júng hkangmó, loq eq hkyî má toqjâng tuî èq tuî shung, kyum xâng tô é eq, zúng tô é nghut kôlhang, lâng hpyit pyám pyám kut é htoq ago, nat gâng èq yhang lé yoso hkaû shut lângmhap yù yù kut nyi ri.

Lukaq 9:39

"Sará ê, wú aq, ngá é zo te yuqzo gi, nat wang júng mù dàn so dàn loq garû lo lhê, guttsû gi, agut gut dut shoq langhtân nhang lo lhê kut mù, nat gi, yhang lé gyai myáng shoq zing-rî yù yù kut nyi ri.

Lukaq 9:42

Zoshâng haû, lé lo nyi le lháng, nat gang gi, yhang lé lhoq lhêng to mù langhtân nhang ashî. Yesuq kúm gi, haû agè ashop é nat lé tân kat luî, zoshâng haú lé lhoq gê byi mù, yhâng wa lé dum ap byî ri.

Yohan 8:44

Nungmoq gi, haû nungmoq é îwa nghut é nat Tsadán eq sêng é bang nghut luî, nungmoq é îwa ô nau é hkyô lé kut nau bum akô. Yhang gi, a-nham sâng-hi mai byù sat sû nghut ri. Yhang má tengmán hkyô a bo é yanmai, yhang gi, haû tengmán hkyô má a yap gîng nyì nghut ri. Yhang gi, mhaû é hkûn, yhâng é myit má bo é dông taî ri; hkâsu mù gâ le, Yhang gi, byù mhaú nghut luî, mhaú hkyô pê é îwa nghut ri.

1 Petruq 5:8

Yhumsing gùng lé yhumsîng hkâng mù, machya nyì keq. Nungmoq é gyè nghut é nat Tsadán hpó gi, rayuq yuq lé wó zô myui pyám shoq ga, mying wún é hkanghkyi su hkat gadaú jón wún ri.