Markuq 15:6 - Chyoiyúng chyumlaiká: dangshikaq asik; Zaiwa

⁶ Haû Lhoqlhai Poî u lé, mingbyû wuì dûng é htóng byû rayuq yuq lé, mauzau mai lhaq lhoq htoq byi byi kut é htûng joq ri.

Marku mau sau 1951; Zaiwa

⁶ Hau poi gyaw ma yang maw dung ni le e ra jung za htawng-lang e byu ra yu yu le yang yang maw e ma-tu kat kat shang ga e.

M-KU MAU SAU 1938

⁶ ꓧꓮꓴ ꓑꓳꓲ ꓖꓬꓳ ꓟ ꓬꓥ ꓟꓳ ꓓꓴꓥ ꓠꓲ ꓡꓰ ꓰ ꓣ ꓙꓴꓥ ꓜ ꓕꓳꓥ ꓡꓴꓥ ꓰ ꓐꓬꓴ ꓣ ꓬꓴ ꓬꓴ ꓡꓰ ꓬꓥ ꓬꓥ ꓟꓳ ꓰ ꓟ ꓔꓴ ꓗꓔ ꓗꓔ ꓫꓥ ꓖ ꓰ꓿

Markuq 15:6 ပူးပေါင်းရင်းမြစ်များ

Mahte 26:2

"Nungmoq sê tô é eq rajung za, í nyí laî é htâng má, Lhoqlhai Poî jé râ nghut mù, haû Byu Yhangzo gi, tapzîng má jén sat é hui râ matú, ap pyâm é hui râ nghut lhê." ga taî ri.

Mahte 26:5

Nghut kôlhang, yhangmoq gi, "Byu pé gabyông lò kó abe, poî gyoro má gi, a kut shi sháng." ga, taî lhûm akô nghut ri.

Markuq 15:7

Haú hkûn, Barabaq gâ é byù rayuq gi, gumlau gabyông é hkûn, byù sat é gumlau bang eq rahá, htóng gyó tô ri.

Yohan 18:16

Petruq kúm gi, hkúmdong shinggan má láng yap tô ri. Haû hkyangjong mó lé rago sê é sû, gotû chángzo haú yuq gi, taû htoq ló mù, hkum zúng é myiwe myhí lé taí luî, Petruq lé shuî hâng yu ri.

Yohan 19:16

Hau htâng má, Pilat gi, Yesuq lé tapzîng má jén sat pyám râ matú, yhangmoq é loq má ap byî kat bê nghut ri. Haû mù luî, yhangmoq gi, Yesuq lé shuî ló bekô nghut ri.

Lagyo 24:27

Zanwut í zân lai jáng, Hpilik é mauzau ayá má Porku Hpestu lé htaî kat pyâm akô. Nghut kôlhang, Hpilik gi, Yudaq byu pê é hí má myoqdong wó nau é yanmai, Poluq lé htóng má jâng lhûng pyâm to bê nghut ri.

Lagyo 25:9

Nghut kôlhang, Hpestu gi, Yudaq byu pê é hí má myoqdong wó naû mù, Poluq lé, "Nàng, Yerusalem wà mó má doq ló luî, shí hkyô pé lé ngò haú má doqdan byi râ matú, nàng dóng lhê lhú?" ga myî ri.