Markuq 12:37 - Chyoiyúng chyumlaiká: dangshikaq asik; Zaiwa

³⁷ Haû mù, Dawiq yhang lháng, Hkrisduq lé, Yhumsîng gâ é nghut le gi, yhangzo za hkâsu ge nghut râ lhú?" gâ ri. Byù hpûng mó gi, Yhâng é dang lé, gabú myit èq gyô nyi bum akô nghut ri.

Marku mau sau 1951; Zaiwa

³⁷ Dawi yang-gung-yang, hau Hkristu le ‘Yum-sing,’ ga e, hau su ngut le gë, yang e yang-shu-zaw hka-su-mu ngut ra ga hta?” ga tai e. Shiwa byu pe jau gë, kabu gara le e Yang le gyaw nau bi kaw e.

M-KU MAU SAU 1938

³⁷ ꓓ˗ꓪꓲ ꓬꓥ ꓖꓴꓥ ꓬꓥ ꓧꓮꓴ ꓘꓣꓲꓢ˗ꓔꓴ ꓡꓰ ꓬꓴꓟ ꓢꓶꓥ ꓖ ꓰ꓾ ꓧꓮꓴ ꓢꓴ ꓥꓴꓔ ꓡꓰ ꓖꓶ꓾ ꓬꓥ ꓰ ꓬꓥ ꓫꓴ ꓜꓳ ꓘ ꓢꓴ ꓟꓴ ꓥꓴꓔ ꓣ ꓖ ꓕ꓾ ꓖ ꓔꓮꓲ ꓰ꓿ ꓫꓶʼꓪ ꓐꓬꓴ ꓑꓰ ꓚꓮꓴ ꓖꓶ ꓗ ꓐꓴ ꓖ ꓣ ꓡꓰ ꓰ ꓬꓥ ꓡꓰ ꓖꓬꓳ ꓠꓮꓴ ꓐꓲ ꓗꓳ ꓰ꓿

Markuq 12:37 ပူးပေါင်းရင်းမြစ်များ

Mahte 1:23

Myiqhtoi dang haû gi, "Haû zomyi gyíng gi, zogûng dut luî, yuqzo rayuq hkû râ nghut lhê; Yhâng é myìng lé gi, Emanuelaq ga kó râ nghut lhê." gâ ri. Hau é lichyúm gi, "Garai Gasang gi, nga-nhúng eq rahá nghut nyi lhê." gâ é nghut lhê.

Mahte 11:25

Haú u lé, Yesuq taî é gi, "Mauhkûng eq myigung é Yhumsîng, Âwa ê, Nàng gi, haú pé lé, hpaqchyî byéng-yá bò bang eq myit hpaqchyî sé bâng é hí má nghop to luî, zoshâng wuì lé tûn shit bê nghut é yanmai, Ngò, Nang lé hkya-on lhê ô.

Mahte 11:5

myoqjit bang, myoq wó myâng bekô; hkyî hten bang le, wó so bekô; manggâm dap bang le, lhoq gê byî é hui bekô; nojit bang le, wó gyo bekô; shî bê bang le, lhoq dui toq é hui bekô; myùng bâng é matú, gabú danglù hko kyô nyì bê nghut lhê.

Mahte 21:45

Hkyangjong agyi pé eq Hparishe pé gi, haû Yesuq taî é dangtú pé lé wó gyo kôjáng, yhangmoq lé taî nyi é hkyô lé, sê gyô akô nghut ri.

Mahte 21:46

Haû mù, yhangmoq gi, Yhang lé chyup yû râ hkyô ho nyi akô; nghut kôlhang, byu pé gi, Yhang lé, myiqhtoi rayuq ga myit lum to kô é yanmai, yhangmoq gi, haú bang lé gyuq akô nghut ri.

Lukaq 19:48

Nghut kôlhang, byù banshoq bang gi, Yhâng mhoqshit é dang lé gyo nau nyì kô é yanmai, wó sat râ hkyô lé, a myang hô kó nghut ri.

Lukaq 21:38

Byù banshoq bang gi, Yhang mhoqshit é dang gyo râ ga, napsûn noq noq mai noqkuq yhûm má jé lé bum akô nghut ri.

Yohan 12:9

Haú u lé, Yudaq byu pé ajùm ayò gi, haú má Yesuq nyi é lé sé kôluî, lé lo akô; haú bang gi, Yesuq é yanmai za lé kô é a nghut, haû Yhâng èq shî bê mai lhoq dui toq yu é Lazaruq lé, lé myâng naù kô é yanmai le nghut ri.

Romaq 9:5

Haû myìng hû é îchyí îwâ pé gi, yhangmoq é îchyí îwâ pé nghut luî, byu é hkyam dông gon jáng, Hkrisduq gi, yhangmoq amyû mâ é nghut ri. Yhang gi, lhunglháng lé up é, ahtum abyuq hkya-on huî é Garai Gasang nghut ri! Amen.

1 Timohti 3:16

Tarâ hkungga hkyo é zaú tô é hkyô gi, ko dik é nghut é lé, ó yuq le wó he-ngik pyâm é a nghut; haû gi, Yhang, byù gungsho má htoq shit mù, haû Woi-nyí mai Yhang lé saksé hkám byi luî, maumang lagyô pé gi, Yhang lé myàng bê nghut ri; byuhú ahú hú má Yhâng é hkyô lé hko kyo mù, Yhang lé mingkan byu pé lumjíng luî, hpungwup shingkang eq Yhang lé mauhkûng shut shuî toq yû bê nghut ri.

Yakuq 2:5

Ngò chyitdap é gumang wuì ê, gyô yù keq, lumjíng hkyô má wó sùt nyì luî, gidiq tô tô é mingdán é silí wunlí lé, Yhang lé chyitdap bang wó hkam yù sháng gaq ga, Garai Gasang gi, myigùng htoq mâ é asho awuî é bang lé hkyin yù bê a nghut kó lhú?

Shing-rán 22:16

Ngò, Yesuq gi, haû noqkuq hpûng pé lé, shí hkyô pé saksé hkâm shit sháng gaq nghû, Ngá é maumang lagyo lé, nungmoq chyáng nhang kat bê nghut lhê. Ngò gi, Dawiq é Amyit eq Awut Ashín le, haû duqbó é Bó-myhû le nghut lhê." gâ é lé, ngò wó gyô ri.