Mahte 21:9 - Chyoiyúng chyumlaiká: dangshikaq asik; Zaiwa

⁹ Yhâng é hí má htâng má châng sô nyi bum é bang gi, "Dawiq é Yhangzo gi, hosana nghut nyî sháng gaq ô!" "Haû Yhumsing é myìng mai jé lé lô Sû gi, hkungsô wó nyî sháng gaq ô!" "Htoq tsáng myhâng má, hosana nghut nyî sháng gaq ô!" ga luî, taî garû bum akô nghut ri.

Mahte 21:9 ပူးပေါင်းရင်းမြစ်များ

Mahte 21:10

Yesuq, Yerusalem wà mó má wang ló é hkûn, rawà gón é bang gi, gabyông lo bùm kômù, "Shí yuq gi, ó wá nghut lhê lhà?" ga luî, myi lhûm bum akô.

Mahte 21:15

Nghut kôlhang, hkyangjong agyi pé eq tarâ sará pé gi, Yhang kut é mauhpo muzó pé lé le, "Dawiq é Yhangzo gi, hosana nghut sháng gaq." ga, noqkuq yhûm má zoshâng wuì garû nyi bùm kô é lé le, myàng kôjáng, wú nhik-yô bum akô nghut ri.

Mahte 23:39

Hkâsu mù gâ le, Ngò, nungmoq lé taí kôlé, 'Yhumsing é myìng mai jé lé lo é Sû gi, hkungsô wó nyî sháng gaq.' ga, nungmoq a taí taí gi, Ngo lé wó myâng kó râ a nghut lo." gâ ri.

Mahte 9:27

Yesuq gi, haú jowò mai xoq e ló nyì le, Yhâng é htâng má, myoqjit í yuq gi, châng dìn uchyang, "Dawiq é Yhangzo ê, ngá-nhik lé shogyô yù laq ô!" ga wut taî akô.

Lukaq 13:35

Wú keq, nungmoq é yhûm gi, nungmoq é matú chamchyuiyuì dut pyâm to berâ nghut lhê; Ngò, nungmoq lé taí kôlé; 'Yhumsîng é myìng mai jé lé lo é Sû gi, hkungsô wó nyì sháng gaq.' nghû, nungmoq a taí taí gi, Ngo lé wó myâng kó râ a nghut lo." ga luî, yhangmoq lé taî ri.

Lukaq 2:14

"Htoq tsáng myhâng má, Garai Gasang gi, hpungwup shingkang bo nyì sháng gaq ô! Myigùng htoq má le, Yhang ô nau é byu pé má, nguingón é gi, hkâ-nhám le joq nyì sháng gaq ô!" gâ akô.