Mahte 21:5 - Chyoiyúng chyumlaiká: dangshikaq asik; Zaiwa

⁵ Myiqhtoi dang haû gi, "Zi-un byizo lé, shî su nghû keq; 'Wú aq, náng é hkohkâm gi, nú-nhâm é myit eq logúng htoq má ji mù, nghut bê, logúng zo htoq má ji mù, náng chyáng lé lô bê nghut ri.'" gâ ri.

Mahte 21:5 ပူးပေါင်းရင်းမြစ်များ

Mahte 11:29

Ngò gi, myit nú-nhâm é eq myit lhoq nyhum é sû nghut é yanmai, Ngá é kandang lé waq keq; Ngá chyáng mai mhoq yû keq; haú hkûn, nungmoq é asak woi-nyí bánno kó râ nghut lhê.

Mahte 2:2

"Haû hku lé lô bê Yudaq byu pê é Hkohkâm gi, hkâmá nghut lhê lhú? Yhâng é kyî lé, buihtoq hkyam má ngamoq myàng luî, Yhang lé noq râ matú jé lé é nghut lhê." ga luî, myî akô nghut ri.

Mahte 2:6

'Yudaq mau mâ é Betlehem wà ê, nàng gi, Yudaq mau mâ é wà pé má, je tiq sû a nghut; hkâsu mù gâ le, ngá é Israelaq byu pé lé upzúng râ Zau gi, náng chyáng mai htoq lô râ nghut lhê.' ga bo tô ri." ga tû taî akô.

Mahte 21:6

Haû chángzô nhik gi, e ló mù, Yesuq taî kat é eq rajung za ê kut bekô nghut ri.

Lukaq 24:27

Yhang gi, yhangnhik lé, Mosheq kâ tô é eq myiqhtoî pé banshoq bang kâ tô é Chyúmdang pé mai, Yhang má âng é dang banshoq é lichyúm lé, taî hpông kyô ri.

Yohan 1:49

Haû mù, Nahtanelaq gi, "Rabai ê, Nàng gi, Garai Gasâng é Yhangzo nghut ri; Nàng gi, Israelaq byu pê é Hkohkâm le nghut ri." ga taî ri.

2 Korinhtuq 10:1

Nungmoq eq myoqdong hkyûm nghut é hkûn gi, gyuq kyûm myit bo ri ga, wê gâng é hkûn gi, a gyuq a wàm dut ri ga kô é sû, ngò Poluq gi, Hkrisduq é nûm é hkyô eq nú-nhâm é hkyô dông mai, nungmoq lé pying kat lhê.