Mahte 11:5 - Chyoiyúng chyumlaiká: dangshikaq asik; Zaiwa

⁵ myoqjit bang, myoq wó myâng bekô; hkyî hten bang le, wó so bekô; manggâm dap bang le, lhoq gê byî é hui bekô; nojit bang le, wó gyo bekô; shî bê bang le, lhoq dui toq é hui bekô; myùng bâng é matú, gabú danglù hko kyô nyì bê nghut lhê.

Mahte 11:5 ပူးပေါင်းရင်းမြစ်များ

Mahte 10:8

Nò bang lé lhoq gê byi, shî bê bang lé lhoq dui toq, manggâm dap bang lé lhoq san lhoq yúng byi, nat gâng pé lé hkat htoq pyám, kut keq. Laí laí wó é lé, laí laí byi keq.

Mahte 11:4

Yesuq tû taî é gi, "Nungmoq wó gyo wó myang é hkyô, Yohan lé ló taî kyo keq;

Mahte 12:13

Hau htâng, Yhang gi, haû loq jum shî sû lé, "Náng é loq nyhang kat aq." ga taî kat jáng, haú yuq gi, loq nyhang kat jáng, loq haû gi, a no é loq su ge byuq bê nghut ri.

Mahte 21:14

Yesuq, noqkuq yhûm má nyi tô é hkûn, myoqjit bang eq hkyî hten bang Yhâng chyáng lé lô kômù, Yhang gi, haú bang lé lhom lhoq gê byî ri.

Mahte 5:3

"Woi-nyí má, asho awui dut é bang gi, hkungsô wó nyi ri; hkâsu mù gâ le, mauhkûng mingdán gi, yhangmoq é mingdán nghut nyi ri.

Mahte 9:30

Haû mù, yhangnhik gi, myoq wó myâng bekô nghut ri. Yesuq gi, "Shí hkyô, ó lé le hkâsé nhâng kó." ga, yhangnhik lé htân htân sidiq byî ri.

Markuq 7:37

Byu pé gi, gyai yhang mauhong byuq bùm kôluî, "Yhang gi, haî lé le, ge é dông chyat kut ri; nojit sû lé, wó gyo shoq, dang a hkyâng sû lé, wó nyô shoq, kut byi bê nghut ri." ga luî, taî bum akô nghut ri.

Markuq 9:25

Yesuq gi, byù hpúng din zîng lé lô kô é lé, myàng jáng, haû agè ashop é nat lé, "Nojit, nhutjit nhang é nat ê! Ngò, nang lé hkunmó hkyô lhê, yhâng chyáng mai htoq ló aq; hkâ-nhám le, yhâng chyáng hkâdum wàng lo." ga tân kat ri.

Lukaq 4:18

"Yhumsîng é Woi-nyí gi, ngá é ahtoq má nyi nyi ri; hkâsu mù gâ le, asho awuî é bang lé gabú danglù hkô kyo râ matú, Yhang ngo lé hkyin yù bê. Htóng lúng bang lé lhoq htoq râ hkyô eq, myoqjit bang lé myoq dum myàng nhâng râ hkyô hkô kyo râ matú le, zik zo huî é bang lé nhang kat nhâng râ eq,

Yohan 10:25

Yesuq gi, "Ngò, nungmoq lé taî kyo bê nghut lhê; nghut kôlhang, nungmoq a lumjíng kó nghut ri. Ngá Wâ é myìng mai, Ngò kut é laklaí kumlhá haú pé gi, Ngá é matú saksé hkám byî nyi ri.

Yohan 10:38

Nghut kôlhang, Ngò, haú pé lé kut é nghut le gi, nungmoq, Ngo lé a lumjíng kôlhang, haû muzó pé lé lumjíng keq; haú hkûn, haû Îwa gi, Ngò má nghut nyi é hkyô lé le, Ngò gi, haû Îwa má nghut nyi é hkyô lé le, nungmoq wó sé luî, sê gyo kó râ nghut lhê." ga tû taî ri.

Yohan 2:23

Haû Lhoqlhai Poî nghut é u lé, Yerusalem wà mó má Yesuq nyi nyi é hkûn, byù myo myo gi, Yhang kut shit é limik kumlhá pé lé myàng kômù, Yhang lé lumjíng bum akô nghut ri.

Yohan 3:2

Yhang gi, myín lé, Yesuq chyáng lé mù, "Rabai ê, Nàng gi, Garai Gasâng chyáng mai lé é sará rayuq nghut é lé, ngamoq sê lhê. Hkâsu mù gâ le, Nàng kut shit é limik kumlhá pé gi, Garai Gasang a lom é nghut jáng, ó yuq le wó kut râ a nghut." ga taî ri.

Yohan 5:36

Nghut kôlhang, Ngò wó é saksé gi, Yohan byî é saksé htoq je kô lhê; hkâsu mù gâ le, ahkuî Ngò zui saî nyi é muzó gi, Ngò lhoq pán râ matú, haû Îwa, Ngo lé ap byî tô é nghut luî, haû Îwa, Ngo lé nhang kat é hkyô lé, saksé hkám byî nyi ri.

Yohan 9:7

Hau htâng, haú yuq lé, "Haû Siloam wuìhtum má ê chî pyám aq." ga taî ri. (Siloam gâ é gi, nhang é gâ é lichyúm nghut lhê.). Haû mù, haú yuq gi, ê chi mù, myoq myàng luî, yhûm shut ló bê nghut ri.

Lagyo 2:22

Israelaq byu pé ê, dang shî lé gyô yù keq, nungmoq sê é eq rajung za, Nazaret wà byù Yesuq nungmoq é hí má tûn shit é, laklaí kumlhá, mauhpo muzó eq kumlhá pé gi, Yhang lé Garai Gasang nhang kat é saksé dut bê nghut ri.

Yakuq 2:5

Ngò chyitdap é gumang wuì ê, gyô yù keq, lumjíng hkyô má wó sùt nyì luî, gidiq tô tô é mingdán é silí wunlí lé, Yhang lé chyitdap bang wó hkam yù sháng gaq ga, Garai Gasang gi, myigùng htoq mâ é asho awuî é bang lé hkyin yù bê a nghut kó lhú?