Hebre 7:11 - Chyoiyúng chyumlaiká: dangshikaq asik; Zaiwa

¹¹ Haû Lewiq hkyangjong amyû pê é ipyat má, byu pé gi, jep é tarâ lé wó yu bùm kô é nghut mù, hkyangjong ayá haû mai gumjup hkyô wó yû kô é nghut le gi, haî mù luî, Arun wó é hkyangjong ayá hkyo dông a nghut é za, Melahkizedek wó é hkyangjong ayá hkyo dông lo é sû gotû hkyangjong rayuq ra shirâ lhú?

Hebre 7:11 ပူးပေါင်းရင်းမြစ်များ

Galatiq 2:21

Ngò gi, Garai Gasâng é jeju lé tô pyâm é a nghut, hkâsu mù gâ le, dingmán é hkyô lé, jep é tarâ dông wó yu é ru nghut le gi, Hkrisduq shî hkâm é gi, akôm dut byuq râ nghut lhê." nghû taî é nghut lhê.

Galatiq 4:3

Haû eq rajung za, nga-nhúng le zoshâng nghut é hkûn gi, mingkan uphkâng tarâ ô má jùn dut nyi é bang nghut lhê.

Galatiq 4:9

Ahkuî kúm, Garai Gasang lé nungmoq sé bê nghu é htoq agó, Garai Gasang gi, nungmoq lé sé bê nghut le nhîng, nungmoq gi, hkâsu mù, haû wum nyhôm é eq akyû a byî é, mingkan uphkang é tarâ shut dum lhing taû ló nyi akô lhú? Nungmoq gi, haú pê èq jùn zô é dum hui zó nau akô lhú?

Hebre 5:10

Melahkizedek wó é hkyangjong ayá hkyô dông mai hkyangjong mó dut râ matú, Garai Gasâng èq hkyin masat é hui bê sû nghut ri.

Hebre 5:6

Hau htoq agó, "Nàng gi, Melahkizedek wó é hkyangjong ayá hkyô dông mai ahtum abyuq hkyangjong rayuq nghut nyi ri." ga, gó wô má le, Yhang taî to ashî nghut ri.

Hebre 6:20

Jowò haû gi, nga-nhûng é akyu é matú, nga-nhûng é hí má wàng byî é sû Yesuq wang jé é jowò nghut ri. Yhang gi, Melahkizedek wó é hkyangjong ayá hkyô dông mai, ahtum abyuq é hkyangjong mó dut bê nghut ri.

Hebre 7:10

Haî mù gâ le, Melahkizedek gi, Abraham lé huî é hkûn, Lewiq gi, yhâng é îchyí îké é gungdu hkaû má ru bo tô ashî nghut ri.

Hebre 7:12

Hkâsu mù gâ le, hkyangjong amyû htaî é hkûn gi, tarâ le htaí yhang htaí râ dut é nghut lhê.

Hebre 7:13

Haû su nghû taî é hkyô pé eq sêng é Sû gi, gotû byuhú mâ é sû nghut mù, byuhú haû mai gi, ó yuq le hkungga gyap má dojaú wú é a nghut.

Hebre 7:15

Melahkizedek eq dù é gotû hkyangjong rayuq pô htoq bê nghû, ngamoq taí bê hkyô gi, je riyhang san za dut bê nghut ri.

Hebre 7:21

Nghut kôlhang, Yesuq kúm gi, "'Nàng gi, ahtum abyuq hkyangjong rayuq nghut lhê.' ga haû Yhumsîng dakâm bê nghut mù, Yhang myit é hkyô htaí râ a nghut." ga, Yhang eq séng luî Garai Gasang taî é hkûn, dakâm dang haû mai hkyangjong rayuq dut bê nghut ri.

Hebre 8:7

Hkâsu mù gâ le, sâng-hi lhê é dangshikaq má râ é hkyô haî a bo é ru nghut le gi, gotû ra râ a nghut lo.

Hebre 9:6

Haû dông jung hkangmó ban lajang tô é hkûn, hkyangjông pé gi, ayang sâng-hi gok má wàng mù, yhangmoq é dojaú muzó lé wùn waq bekô nghut ri.