Galatiq 4:5 - Chyoiyúng chyumlaiká: dangshikaq asik; Zaiwa

⁵ jep é tarâ hkaû má, myiwe mai hku kat nhang é Yhang Zo lé, nhang kat byi bê nghut ri.

Galatiq 4:5 ပူးပေါင်းရင်းမြစ်များ

Mahte 20:28

Hau htoq agó, nungmoq má ushuq dut naù sû ó yuq nghut kôle, nungmoq é jùn dut ra râ nghut lhê." ga taî ri.

Lukaq 1:68

"Haû Yhumsîng, Israelaq é Garai Gasang lé hkya-on sháng ô! Haî mù gâ le, Yhang gi, Yhâng é amyû lé, lé kûm wú mù luî, lé hkyi yù bê nghut ri.

Yohan 1:12

Nghut kôlhang, Yhang gi, Yhang lé lhom hap yù luî, Yhâng é myìng lé lumjíng é bang lhunglháng lé, Garai Gasâng é yhangzô pé dut râ ahkáng byi bê nghut ri.

Lagyo 20:28

Nungmoq gi, yhumsing gùng lé le, nungmoq lé Chyoiyúng Woi-nyí èq up zúng nhang é sau hpúng lhunglháng lé le, zúng nyî keq. Garai Gasang Yhâng suî èq wui tô é noqkuq hpúng lé le, rém zúng nyî keq.

Romaq 10:4

Hkrisduq gi, lumjíng bang yuq hkangmó, dingmán é má wó jé kó sháng gaq ga, jep é tarâ ló htûm jang dut bê nghut ri.

Romaq 8:14

Garai Gasâng é Woi-nyí èq shuî u é hui bang gi, Garai Gasâng é yhangzô pé nghut lhê.

Romaq 8:15

Hkâsu mù gâ le, nungmoq gi, gyuq râ matú, nungmoq lé jùn dum taû dut nhang é woi-nyí lé, a hap yu é za, nga-nhúng lé zo yín yu é Woi-nyí lé hap yu tô é bang ru nghut lhê; haû mù, nga-nhúng gi, Yhang é yanmai, "Aba, Âwa ê" nghû wut é nghut lhê.

Romaq 8:19

Haû hpan to huî é lhunglháng gi, Garai Gasâng é yhangzô pé lé lhoq htoq shit byi râ lé, gyai yhang myit láng nyi akô nghut ri.

Romaq 8:23

Haû pé za a nghut, Woi-nyí é sâng-hi ashi lé wó yû bê bang nga-nhúng le, zo pé dông yín yu é jeju lé láng uchyang, i-myit unghkaû má nò-kying kyîng é nghut lhê. Zo pé dông yín yu é jeju haû gi, nga-nhûng é gungdu hkyi xe yù hkyô nghut lhê.

Romaq 9:4

Haú bang gi, Israelaq byu pé nghut lhê. Zo yín yû huî é hkyô le, hpungwup shingkang le, dangshikaq pé le, tarâ lé myang hap yu é hkyô le, noqkuq yhûm má noqkuq é hkyô le, danggidiq pé lé le, yhangmoq wó yu akô nghut ri.

Galatiq 3:13

Haû Chyúmdang má, "Sik zîng má jén lhâng to huî é sû ó yuq nghut kôle, nhing pyâm é hui sû nghut ri." ga kâ tô é eq rajung za, Hkrisduq gi, nga-nhûng é matú nhing pyâm é hui sû dut bê nghut é yanmai, jep é tarâ mâ é nhîng é hkyô mai nga-nhúng lé hkyi yù bê nghut ri.

Galatiq 3:26

Nungmoq lhunglhâng bang gi, Hkrisduq Yesuq lé lumjíng é yanmai, Garai Gasâng é yhangzô pé nghut bê;

Galatiq 4:21

Haû jep é tarâ ô má nyì nau é bang ê, nungmoq gi, jep é tarâ má taî é hkyô lé a sê gyo kô é nghut lhê lhú? Ngo lé taî kyô wú kó laq.

Galatiq 4:7

Haû mù luî, nàng gi, jùn a nghut lô e za, zo rayuq nghut bê nghut ri; nàng gi, zo rayuq nghut é yanmai, Garai Gasang gi, nang lé Yhâng é amyû hkûng xoq dut nhâng bê nghut ri.

Ehpesu 1:5

Hau htoq agó, Yhang, nga-nhúng lé chyitdap é yanmai, Yhang myit nguì ô nau é eq rajung za, Yesuq Hkrisduq mai yhangzô pé kut yu râ matú, hí mai nga-nhúng lé masat to bê nghut ri.

Ehpesu 1:7

Garai Gasâng é agùn agó é jeju yanmai, nga-nhúng mara hkyut byî é hui luî, Yhang Zô é sui dông mai, nga-nhúng gi, Yhang má hkyi yù hkyô wó yu é nghut lhê.

Ehpesu 5:2

Hkrisduq gi, Yhânggùng lé namngón jung hkungga eq shigu hkungga dông, nga-nhûng é matú Garai Gasâng chyáng Yhânggùng yhang ap byî pyám shoq, nga-nhúng lé chyitdap é su, nungmoq le chyitdap myit èq asak dui nyì keq.

Tituq 2:14

Haû Yesuq Hkrisduq gi, agè ashop é hkyô banshoq mai nga-nhúng lé hkyi yù mù, ge é muzó hkangmó lé châng kut nau é, Yhânggùng yhang sing é byuhú rahú dut râ matú wó lhoq sân-yúng yû shoq ga, nga-nhûng é matú Yhânggùng lé ap byî pyám bê nghut ri.

Hebre 1:3

Haû Zo gi, Garai Gasâng é hpungwup shingkang duqbó é hkyô eq Yhâng é gunghkyâng isâm roq nghut nyi mù, lhunglháng lé Yhâng é a-tsam byíng é dâng èq zuî zing tô ri. Yhang gi, yubak mara lé lhoq sân-yúng é hkyô lé ban kut é htâng, mauhkûng htoq má Hkikhkam dik Sû Garai Gasâng é loqyo hkyam má zung to bê nghut ri.

Hebre 9:12

Yhang gi, Chyoiyúng Htâng é Jowò má wang é hkûn, bainám eq nojûng zo pê é sui lé chûng mù wang é a nghut é za, Yhâng é suî èq yhang banshoq é matú radàm za ahtum abyuq é hkyi yù hkyô wó yû bê nghut ri.

Hebre 9:15

Haû nghut é yanmai, Hkrisduq gi, danggidiq byi tô é ahtum abyuq é muizè lé, ji yù huî é bang wó hap yù kó sháng gaq ga, dangshikaq asik é gyoro sô xoq byi sû nghut nyi ri. Haû su wó kut é gi, sâng-hi lhê é dangshikaq ahkaû má mara kut shut é bang lé lhoq lhut yû râ matú, yubak chyîn xap zê ralhum dông, Yhang shî hkám byi yanmai nghut ri.

1 Petruq 3:18

Hkâsu mù gâ le, nungmoq lé Garai Gasâng chyáng shuî jé shoq, Hkrisduq gi, byu pê é yubak marâ é yanmai, radàm za shî hkâm pyâm bê nghut ri; haû gi, dingmán Sû, a dingmán bâng é matú shî hkâm byî é nghut lhê. Yhang gi, gungdu shî bê nghut kôlhang, haû Woi-nyí má lhoq dui é hui bê nghut ri.

Shing-rán 14:3

Yhangmoq gi, haû hkohkâm-tanghkuq é hí má le, dui é dusak myî du eq suwún wui pê hí má le, mahkôn sik lé hkon akô nghut ri. Haû myidàm htoq mai hkyi yù huî é byù 144,000 yuq mai lai luî, ó yuq le, mahkôn haû lé a wó mhoq sê yù kó nghut ri.

Shing-rán 5:9

Yhangmoq gi, "Nàng gi, haû chyúmding lé yù râ eq hau é dizik pé lé hpóng râ gingdán Sû nghut ri. Haî mù gâ le, Nàng gi, sat hui bê nghut luî, byuhú hkangmó mai le, myíng hkangmó mai le, byù myû hkangmó mai le, mingdán hkangmó mai le, Garai Gasâng é matú, Náng é suî èq byù pé lé wui hpyit yû bê nghut ri.