2 Korinhtuq 4:14 - Chyoiyúng chyumlaiká: dangshikaq asik; Zaiwa

¹⁴ Haî mù gâ le, haû Yhumsîng Yesuq lé shi é mai lhoq dui toq é Sû gi, ngamoq lé le, Yesuq eq rahá lhoq dui toq mù, nungmoq eq rahá, ngamoq lé Yhâng é hí má shuî jé râ nghut é lé, ngamoq sê lhê.

2 Korinhtuq 4:14 ပူးပေါင်းရင်းမြစ်များ

Lukaq 21:36

Haû mù luî, haû dut lò râ hkyô banshoq mai, nungmoq wó lut lai mù, haû Byu Yhangzô é hí má, wó yap gîng é bang dut sháng gaq, hkâ-nhám le kyûdung luî, ahkyíng hkangmó má machya nyì keq." gâ ri.

Lagyo 2:24

Nghut kôlhang, haû shî-nò hkyô gi, Yhang lé wó hkûm zing jung a nghut é yanmai, Garai Gasang gi, Yhang lé shî-nò jamjau mó mai, lhut pyám byi luî lhoq dui toq yû bê nghut ri.

Lagyo 2:32

Garai Gasang gi, haû Yesuq lé lhoq dui toq yù bê. Ngamoq banshoq bang gi, haú hkyo é saksê pé nghut nyi ri.

Romaq 8:11

Hau htoq agó, Yesuq lé shi é mai lhoq dui toq yû Su é Woi-nyí gi, nungmoq má nyi nyi é nghut jáng, Hkrisduq Yesuq lé shi é mai lhoq dui toq yû Sû gi, nungmoq má nyi nyi é, Yhâng é Woi-nyí dông mai, nungmoq é, shî sê é gungdu pé lé le, asak duì nhâng râ nghut lhê.

1 Korinhtuq 6:14

Garai Gasang gi, Yhâng é a-tsâm èq, haû Yhumsîng lé, shi é mai lhoq dui toq yû bê nghut mù, nga-nhúng lé le lhoq dui toq yû râ nghut lhê.

2 Korinhtuq 11:2

Haî mù gâ le, ngò gi, Garai Gasang mai nungmoq lé magum é myit èq, nungmoq é matú magûm byî lhê. Ngò gi, nungmoq lé, sân-yúng é zomyi gyíng lé su, Hkrisduq chyáng wó shit sháng gaq nghû, Hkrisduq nghut é yhumsîng hpô chyáng za nungmoq lé byi zo râ nghû, danggidiq byî to bê nghut lhê.

Ehpesu 5:27

haû noqkuq hpúng gi, agè agaú é eq a-ká akông é hkyô haî le a bo é za, mara hûn râ hkyô a bo é eq chyoiyúng é, hpungwup shingkang bo é noqkuq hpúng dông, Yhânggùng lé wó ap byi râ matú nghut lhê.

Kolose 1:22

Nghut kôlhang, ahkuî, Garai Gasang gi, nungmoq lé, râ é hkyô a bo é eq mara hûn râ hkyô a bo é za, chyoiyúng é dông Yhâng é hí má shit râ matú, Hkrisduq é gungsho gungdu shî hkâm é dông, nungmoq eq nguingón simsaq hkyô xoq yû bê nghut ri.

Kolose 1:28

Hkrisduq má gumjup é dông, byù yuq hkangmó lé wó shuî jé sháng gaq nghû, ngamoq gi, Hkrisduq é hkyô lé taî pyô luî, yuq hkangmó lé, hpaqchyî byéng-yá banshoq èq taî pun taî kyîng é eq mhoqshit nyi é nghut lhê.

1 Htesaloni 4:14

Hkâsu mù gâ le, Yesuq shî luî, dum dui toq bê hkyô lé nga-nhúng lumjíng é yanmai, Garai Gasang gi, Yesuq má yhup ngón byuq é bang lé, Yesuq eq rahá shuî lé râ nghut lhê nghû, nga-nhúng lumjíng é nghut lhê.

Yakuq 5:15

Haû su mù, lumjíng myit èq kyûdûng é dang gi, haû nò sû lé lhoq gê luî, Yhumsîng Garai gi, haú yuq lé lhoq toq yû râ nghut lhê. Yhang gi, yubak mara kut shut é nghut kôlhang, hkyut pyám byî é hui râ nghut lhê.

Yude 1:24

Nungmoq lé, a lingbat shoq wó upzúng luî, nungmoq lé, mara hûn râ hkyô a bo é za, gabú dik é dông mai Yhang é hpungwup shingkang bo é myoq hí má wó shuî shit é, nga-nhûng é hkyi yù Sû, rayuq za nghut é Garai Gasâng chyáng, hpungwup shingkang, hkikhkam hkyô, hpungwup a-tsam eq ahkáng ayá gi, nga-nhûng é Yhumsîng Yesuq Hkrisduq dông mai, laî lò bê ipyat pé má le, ahkuí pyat má le, pyat dedu ahtum abyuq má le, rujoq nyî sháng gaq ô! Amen.