2 Korinhtuq 13:14 - Chyoiyúng chyumlaiká: dangshikaq asik; Zaiwa

¹⁴ Haû Yhumsîng Yesuq Hkrisduq é jeju, Garai Gasâng é chyitdap myit eq Chyoiyúng Woi-nyí é zùm yap hkyô gi, nungmoq banshoq bâng chyáng ru joq nyî sháng gaq ô.

2 Korinhtuq 13:14 ပူးပေါင်းရင်းမြစ်များ

Mahte 6:13

Ngamoq lé, agúng alaú hkyô má a wàng nhang é za, agè ashop jang mai hkyi yù laq ô. (Hkâsu mù gâ le, kô dik é up sîng hkyô, a-tsam eq hpungwup shingkang gi, pyat dedu ahtum abyuq Náng chyáng ru joq nyi ri ô! Amen.)' nghû dung keq.

Yohan 4:10

Haú hkûn, Yesuq gi, yhang lé, "Nàng gi, haû Garai Gasâng é chyunghuq lé le, nang lé wuì dung sû ó yuq nghut é lé le, sê é nghut le gi, noq mai Yhang lé dûng tôngbán luî, Yhang gi, nang lé asak-wuì byi berâ nghut lhê." ga tû taî ri.

Yohan 4:14

Nghut kôlhang, Ngò byî é wuì lé shuq é sû ó yuq nghut kôle, wuìshit é hkâ-nhám a hui lo râ nghut lhê. Ngò byî é wuì haû gi, haú yuq má, ahtum abyuq é asak matú wuìbúm dut râ nghut lhê." ga yhang lé tû taî ri.

Yohan 7:38

Ngo lé lumjíng é sû ó yuq nghut kôle, haû Chyúmdang má taî tô é eq rajung za, 'Yhâng chyáng mai asak uchyâm é wuìlàng yui htoq lô râ nghut lhê.'" gâ ri.

Lagyo 15:11

Nghut kôlhang, ngamoq gi, yhangmoq eq rajung za, Yhumsîng Yesuq é jeju mai za hkyi yu é huî é hkyô lé lumjíng é bang nghut lhê." ga luî, yhangmoq lé taî ri.

Romaq 1:7

Nga-nhúng é Îwa Garai Gasang eq Yhumsîng Yesuq Hkrisduq chyáng mâ é jeju eq nguingón hkyô gi, nungmoq chyáng ru joq nyî sháng gaq ô!

Romaq 16:20

Nguingón hkyo é Garai Gasang gi, a myáng má, nungmoq é hkyiwa ô má Tsadán lé nang pyeq pyám râ nghut lhê. Nga-nhûng é Yhumsîng Yesuq é jeju gi, nungmoq eq rahá nghut nyî sháng gaq ô.

Romaq 16:23

Ngo lé le, noqkuq hpúng gón lé le, bíng hkulum é sû Ge-u gi, nungmoq lé shi-kyám dang sang kat ri. Haû wa mâ é ngùnzui sû Erastu eq nga-nhûng é gumang hpó Kuartu gi, nungmoq lé shi-kyám dang sang kat akô.

Romaq 16:27

rayuq za é hpaqchyî bo sû Garai Gasâng chyáng, Yesuq Hkrisduq dông mai, hpungwup shingkang gi, ahtum abyuq ru joq nyî sháng gaq ô! Amen.

Romaq 5:5

Myoqbyu to hkyô haû gi, nga-nhúng lé myit wum gyui nhang é a nghut; hkâsu mù gâ le, Garai Gasang gi, Yhâng é chyitdap myit lé, Yhang mai, nga-nhúng lé byî tô é Chyoiyúng Woi-nyí dông, nga-nhûng é i-myit unghkaû má hut kat byi bê nghut ri.

Romaq 8:39

htoq tsáng mâ é nghut kôlhang, a-ô tsáng mâ é nghut kôlhang, hpan tô é gotû haî nghut kôlhang, nga-nhûng é Yhumsîng Hkrisduq Yesuq má bo é Garai Gasâng é chyitdap myit mai, nga-nhúng lé wó lhoq kang pyám râ a nghut nghû, ngò gi, hkyak wó sê yu ri.

Romaq 8:9

Nghut kôle, Garai Gasâng é Woi-nyí gi, nungmoq chyáng lúng nyî bê nghut jáng, nungmoq gi, haû yubak gungshô èq hkang to huî é bang a nghut lô é za, Woi-nyí èq hkang to huî é bang nghut akô. Rayuq yuq gi, Hkrisduq é Woi-nyí lé a wó é nghut jáng, Hkrisduq eq a sêng é sû nghut lhê.

1 Korinhtuq 12:13

Hkâsu mù gâ le, nga-nhúng banshoq bang gi, Yudaq byù nghut nghut, Grik byù nghut nghut, jùn nghut nghut, lut bang nghut nghut, gungdu ra lhum za dut râ matú, Woi-nyí rayuq mai za wui-myhup hkâm yù bê nghut luî, Woi-nyí rayuq lé za chôm shuq yû bê bang nghut lhê.

1 Korinhtuq 14:16

Nungmoq gi, nungmoq é woi-nyí mai za Garai Gasang lé hkya-on kô é nghut jáng, a sê gyô é bang mâ é rayuq gi, nungmoq haî taî é lé a sê é nghut mù, nungmoq jeju hkya-ôn é hkûn, "Amen" ga hkâsu wó taí râ lhú?

1 Korinhtuq 16:23

Haû Yhumsîng Yesuq é jeju gi, nungmoq eq rahá nghut nyî sháng gaq.

1 Korinhtuq 3:16

Nungmoq gi, Garai Gasâng é noqkuq yhûm nghut luî, Garai Gasâng é Woi-nyí gi, nungmoq má lúng nyî bê hkyô lé a sé kó lhú?

1 Korinhtuq 6:19

Nungmoq é gungdu gi, Garai Gasâng chyáng mai nungmoq wó yû bê nghut é, nungmoq má lúng nyi é Chyoiyúng Woi-nyí é noqkuq yhûm nghut é lé, nungmoq a sé kô lhú? Nungmoq gi, yhumsîng gùng lé sing é bang a nghut.

2 Korinhtuq 8:9

Hkâsu mù gâ le, nungmoq gi, nga-nhûng é Yhumsîng Yesuq Hkrisduq é jeju lé sê akô nghut ri. Yhang gi, Yhâng é myùng hkyô dông mai nungmoq wó bang dut kó sháng gaq ga, jung hkangmó wó sû nghut kôlhang, nungmoq é matû é yanmai, myùng sû dut bê nghut ri.

Galatiq 5:22

Nghut kôlhang, Woi-nyí é ashi gi, chyitdap hkyô, gabú hkyô, nguingón hkyô, myit hîng hkyô, nhik-u nû é hkyô, ge é hkyô, lhumzui hkyô,

Ehpesu 2:18

Hkâsu mù gâ le, nga-nhúng í myû gi, Yhang dông mai, Woi-nyí ralhum zâ èq, haû Îwâ chyáng wàng râ hkyô dong bê nghut ri.

Ehpesu 2:22

Woi-nyí dông mai, Garai Gasang nyì râ jang dut râ matú, nungmoq le, Yhang má, wahpang su tsuq é chôm huî nyi bùm bekô nghut ri.

Ehpesu 5:9

Haû Yhumsîng ô nau é hkyô haî nghut é lé ho htoq yû mù, maubó é yhangzô pé dông asak dui keq.

Ehpesu 6:23

Îwa Garai Gasang eq Yhumsîng Yesuq Hkrisduq chyáng mâ é lumjíng hkyô má bo é chyitdap myit eq nguingón hkyô gi, haû gumang wui chyáng ru joq nyî sháng gaq ô!

Hpilipi 2:1

Hkrisduq eq rading ralhum za nghut nyi é yanmai, myit wum byî é hkyô, Yhâng é chyitdap myit mai nhik tîng é hkyô, Woi-nyí eq zùm yap é hkyô, nú-nhâm é myit eq shogyo nhikmyîn é hkyô rajung jung lé, nungmoq wó yu é nghut le gi,

1 Yohan 1:3

Ngamoq eq zùm yap é hkyô lé, nungmoq le wó sháng gaq nghû, ngamoq gi, myang wú bê eq wó gyô wú bê hkyô lé, nungmoq lé taî kyô lhê. Ngamoq gi, haû Îwa eq le, Yhâng zo Yesuq Hkrisduq eq le, zùm yap nyi é bang nghut lhê.

1 Yohan 3:16

Yesuq Hkrisduq gi, nga-nhûng é matú Yhâng é asak byî pyám bê lé wú jáng, chyitdap myit hkasû é nghut é hkyô lé, nga-nhúng wó sê ri. Nga-nhúng le, gumang wui é matú, nga-nhûng é asak lé byî pyám gíng ri.

1 Yohan 3:24

Yhang hkyô tô é hkunmó pé lé, châng kut é bang gi, Yhang má dui nyì bê nghut mù, Yhang le haú bâng chyáng dui nyì bê nghut ri. Yhang nga-nhûng chyáng dui nyì bê hkyô lé, nga-nhúng lé Yhang byî tô é Woi-nyí dông nga-nhúng wó sê yu é nghut lhê.

Yude 1:21

Ahtum abyuq é asak lé wó yû râ matú, haû nga-nhûng é Yhumsîng Yesuq Hkrisduq é shogyo nhikmyin hkyô lé láng uchyang, nungmoq gi, Garai Gasâng é chyitdap myit má, yhumsing gùng yhumsîng nyi nyì keq.