2 Htesaloni 3:8 - Chyoiyúng chyumlaiká: dangshikaq asik; Zaiwa

⁸ ó yuq é zoshuq lé le, ngùn a byî é a zo wú é nghut lhê. Nungmoq má ó yuq lé le wòlai a byi sháng gaq nghû, ngamoq gi, muzó shikut hkyô eq wuîhke hkyô má, nyí lé, myín lé, zui saî é nghut lhê.

2 Htesaloni 3:8 ပူးပေါင်းရင်းမြစ်များ

Mahte 6:11

Ngamoq nyí wuî râ é zoshuq lé, ngamoq lé hkû-nyí byi laq.

Lagyo 18:3

Yhangmoq gi, jonghpang saí zo bang chyat nghut kô é yanmai, muzó pûng kôluî, Poluq gi, yhangnhik eq rahá nyi nyì mù, muzó chôm saî akô.

Lagyo 20:34

Ngá é loq shî í loq gi, ngò eq ngá htâng châng é bang ra châ é lé kut byi bê hkyô lé, nungmoq yhang sé gû nghut lhê.

1 Korinhtuq 4:12

Ngamoq gi, yhumsing loq èq yhang mû zui wum kat nyi lhê. Ngamoq gi, nhîng pyâm é hui jáng, shimân byi, zing-rî é hui jáng, jân pyám kut lhê.

1 Korinhtuq 9:4

Ngamoq gi, zo râ shuq râ ahko ahkáng a wó é bang nghut lhê lhú?

2 Korinhtuq 11:27

Ngò gi, mû lé zuî ngú zuî hkyik mù, anum num a myang yhup shoq dut wú bê nghut lhê. Ngò gi, zòmut wuì shit huî é eq zoshuq a wó é anum num huî laî lo wú bê nghut lhê. Ngò gi, gyoq hpû é eq gùngchîn dut é huî wú bê nghut lhê.

2 Korinhtuq 11:9

Ngò gi, nungmoq eq rahá nyì mù, rajung jung râ é hkûn, ó yuq lé le wòlai a dut nhang é nghut lhê; hkâsu mù gâ le, Makedoni mau mai lé jé é gumang wuì gi, ngò haî râ é lé htuqbang byi kô é yanmai nghut lhê. Hká dông nghut kôlhang, ngò gi, ngá gûng lé, nungmoq é matú wòlai a dut nhâng shoq kut bê nghut mù, xoq luî le haú dông kut nyî râ nghut lhê.

Ehpesu 4:28

Hkau sû gi, a dum hkau lo sháng gaq; râ nyi é bang lé, rajung jung wó gâm byi shoq, yhumsing é loq èq akyû bo é hkyô pé lé kut nyî luî, muzó zuî shikut ra râ nghut lhê.

1 Htesaloni 2:9

Gumang wuì ê, nungmoq gi, ngamoq gyai yhang mû zui shikut é hkyô lé, gè gè bun kó râ nghut lhê; Garai Gasâng é gabú danglù lé, nungmoq chyáng ngamoq hko kyô é u lé, ó yuq lé le, ngamoq mai wòlai a byi sháng gaq nghû, ngamoq gi, nyí lé, myín lé, mû zuî é nghut lhê.

1 Htesaloni 4:11

Nungmoq é nyí wui lhê é asak duì hkyô má, gotû byu pê èq hkunggâ é wó yû luî, ó yuq lé le, lumhkaû a ra wó dut sháng gaq, hí hkûn nungmoq lé ngamoq taî kyô tô é eq rajung za, num num byù zè râ hkyô lé le, yhumsîng eq a sêng é hkyô a kut wún râ lé le, yhumsing loq èq zui saí mù nyì râ lé le, nungmoq é myit myoqbyù jowò kut yû keq.

2 Htesaloni 3:12

Ngamoq gi, haû su kut é bang lé, zim za nyì mù zui saí luî, yhumsing é zoshuq ho nyì kó sháng gaq nghû, haû Yhumsîng Yesuq Hkrisduq é myìng lé lang luî, hkunmó hkyô kat mù, wum byî kat lhê.