Vilemoni 1:1 - Ata New Testament

¹ Eni Polu a, eni amitema so lakalavusu xo no anu xaixai noxou Kalaisiti Iesuasi. Nexi noxou vivinge Timoti a takaukavunu lapasi 'o so ulai noxine Vilemoni. Nini vivixe ane tasexelaxene mo namenexixe no anu xaixai 'o.

Vilemoni 1:1 ပူးပေါင်းရင်းမြစ်များ

Ta'aposeli 16:1

Ioxe, Polu ilou Sailasi milutu xo la mixali no tuala ne Tevi mo milai avile ne Lisitila. Xe no tuala ne la lopala vile a muxoxolu, ualasou lexe Timoti. Anu ne sema Iuta vile ilie xe momu so Kiliki. Nenu ne lopala vile kalumo.

1 Kolini 3:9

Xo nexi noxi'a Mosinge tava'isuxu xaixai noxou. Xe xaixu Mosinge loxo taxaxai no anu ne a ngingisi. Xe no anu vile kalumo, la ngingi tasou Mosinge.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

Xalesia 3:26

Xo ngingi mukalusi ngepita noxou Kalaisiti Iesua no anu vote'i e so lopalasi laso maixene ngingi Mosinge ta'olu ane.

Epesusi 3:1

Ioxe, mo eni 'o exixao no tuatuala so e'oxonu xaixai noxou Kalaisiti Iesua so evotongengi ngingi tamitema noale'ale. Evotongengi axone xe Taiuta la'iaxa'ailo laso maixene akalavususou 'o.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

Epesusi 6:20

Xo Mosinge musosovosilo no anu xaixai so alanu vaikalaou. Elanu, laso tamitema misakileli no anu seni mo axolu akalavusu 'o. Ia mamu so a'ume, laso ngalingau mamatolasilo so alanu aloxo Mosinge umasaxau.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Pilipai 2:25

Ia exavutala lexe laixe so apalusou vivinge Epavilotitusi ulivu une'e noxinge. Anu muva'i­suleli no anu xaixai noxilo mo muveisa'ileli no anu oto e taxolu no anu 'o. Musu'ulileli aloxo ngingi menge ngepalusouxu 'o.

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.

Kolosi 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o.

Kolosi 4:11

Xe vivinge Iesua e ilemolu lexe Iasitusi anu kalumo muvikala aso noxinge. No taine'i laili Taiuta la tamitema tatalu ano'osi a iva'isu no anu xaixai so ta'unane'i tamitema ixolu no laxu Mosinge. La ane'i ilavusou isu'uli­leli laixe manina.

1 Tesalonaika 3:2

Laso tepalusou Timoti mune'e noxinge so u'oxonu pakia'inge mo umama­tolangengi no anu lopala noxinge. Timoti ne anu vivinge ane, anu uva'isu no anu xaixai noxou Mosinge so talanu vaikala laixe so Kalaisiti.

2 Tesalonaika 1:1

Eni Polu xe Sailasi xe Timoti a. Nexi takaukavunu lapasi ano'o ulai noxinge tatemanu pita ne Tesalo­naika. Ngingi ne ngaxolu noxou Mosinge anu Maminge xe noxou Tatananenge Iesua Kalaisiti.

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

Vilemoni 1:23

Epavilasi e noxou takalavusu 'o xo no anu xaixai noxou Kalaisiti Iesua, mukalanu aso noxine.

Vilemoni 1:24

Mo tamenexilo no anu xaixai e Maki xe Alisitakusi xe Temasi xe Luku ivikala aso noxine kalumo.

Vilemoni 1:9

Ia uasi, xo eni amasaxau akatu se'isisi noxine mo nalomuxo xo no anu sexelasi. Eni Polu amitema so asosovosou mo alanu vaikalaou Kalaisiti Iesua a, mo xo no anu xaixai anenesi a axolu akalavu­susou 'o.