Taitusi 3:7 - Ata New Testament

⁷ Kalaisiti muiaiamanenge laso Mosinge mumoxo'inge lexe tamalemalenga no iou. Mo musosovosinge nenge ta'olu lexe taxalisou mauli kaluxu uasi ane talopalanu taxomaiou.

Taitusi 3:7 ပူးပေါင်းရင်းမြစ်များ

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Maki 10:17

Mukalu xe Iesua so ulutu umuamua'i la itema vile muiave mune'e muxali noxou. Muxali noxou la muxolasou tava'u no laxunu, la mutali'i lexe, “Tisa laixeo, eni a'oxonu mi ma'i so axalisou mauli kaluxu uasi?”

Lomu 11:6

Tava'u so muso­sovosi'a ne no anu iaiamasi, mi so xaixai uasi. Xo loxo ukaline'i no anu xaixai laixe noxi'a la anene mi so iaiama uasi.

Lomu 3:24

Ia anu muiaiama noxinge so Kalaisiti Iesua anu molu mukalusou tina'unenge so susu. Anu iaiamasi, nenge taxaxai so talotonu uasi.

Lomu 3:28

Mo vaimomo 'o telavu lexe tamitema ixali tamalemalenga no iou Mosinge loxo ipilixine'i ilopalasi. Loxo tamitema opone'i utulu no anu lo, la ipune'isi ane.

Lomu 4:16

Laso aloxo 'o. Tava'u vavalima e Mosinge mu'oxonu noxou Apa­la'amu ne anu lopalasi. Laso noxinge nenge ta'ilusunu Apa­la'amu loxo talopala, la iaiama anenesi une'e uxali noxinge kalumo. Iaiama ne noxi'a tamitema ane Mosinge mulosi'a losi uasi. Anene noxi'a tamitema ta'ei imu­linu lopala noxou Apala'amu. Laso maixene anu maminge nenge talopala mukalusi.

Lomu 4:4

Aloxo 'o. Loxo itema vile uxaxai xe uno'u lapesou, la anene iaiama uasi. Anene lakolisou xaixai noxousi.

Lomu 8:17

Ioxe vaimomo 'o nenge taxolu Mosinge ta'olu. Laso ili'i la nenge taxalisou mimi lailaixe. Xo mi ma'ia so anu ulosou Kalaisiti la anu ulosinge kalumo. Vaimomo 'o nenge tatavulenu tu'umaxu a loxo anu a utavulenu. Ia ili'i la nenge noxou taxolu no anu xoluxolu iaxusi.

1 Kolini 6:11

Ai, tatei ngingi mose'i xoluxolungenge axone kalumo. Ia Mosinge molu mu'ulosinge mo mukalipalangengi lexe ngingi tamitemaou mu'isalili. Ulenu Mosinge muxaxaisinge mo ngingi a ngatavulenu ualasou Tata­nanenge Iesua. Laso maixene Mosinge umoxo'inge lexe ngingi tamalemalenga no iou.

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

Xalesia 3:29

Laso ane, ngingi ta'ei tamitemaou Kalaisiti ne, ngingi ta'ilusunu Apa'alamu maninasou. Xo tamitema so ixalisou nene'axu vavalima e Mosinge mu'oxonu noxou Apala'amu a ngingi to ne.

Xalesia 4:7

Laso maixene ngingi ngaxolu loxo tasilevila uasi, ngingi ta'olu ane. Mo ngaxolu Mosinge ta'olu axone laso anu upalasi lexe ngingi ngaxalisou mimi noxou.

2 Tesalonaika 2:16

Tatananenge Iesua Kalaisiti ilou Mosinge anu Maminge misexelanenge mo milosinge mamatola kaluxusou uasi mo miiaiamanenge. Laso ngingi ngaxolu lopala noxinge pakia'u so ngaxomaiou voxo olele.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Taitusi 2:11

Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Ipilu 1:14

Xo ta'angelou ne ane'i ta'ulenu ane so i'oxonu xaixai noxousi. Anu upalupalusi'a ilailai so isu'uline'i ane'i ane so ixalisou pamauli.

Ipilu 11:7

Xo no anu lopalasi laso Mosinge muveletalosou Noa no anu mimi so uxali ili'i la mulomuxu. Xo mimi ne usaxisou uao ia mumama'u laso mulalaxinu lasipi so oli'a ta'olu ixalisou pamauli no anu. Ioxe, lopala noxou Noa ne mupala'anixu ilixo masumasua noxi'a tatemanu lialia lexe opone'i pakia'usi. Ia noxou, la Mosinge mu'osasouxu lopala noxou laso mulemolu lexe anu itema mulapusi.

Ipilu 11:9

Mo xo no anu lopalasi laso mutalu­pexa loxo asila no anu xale lia Mosinge muvavalimasou ne. La utulusou tani maninasou uasi, oli'a Aisaki xe Iakovo mi'ala'alaxu laselisi so ixoxomaiou nene'axu vavalima.

Ipilu 6:17

Ioxe, Mosinge mu'oxo axone kalumo. Xo anu mumasaxa so upela'a laili ane so ixalisou nene'axu vavalima lexe oponu umomomo so uxiu uasi. Laso maixene mulemolu ualasou so musakinu no anu.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

1 Pita 3:7

Xe noxinge tamulu kalumo, no anu xoluxolungenge ngoli'a tase­mamengi la tangengixa'a laixe mo ngalavu lexe ane'i mamalaxa'asi. Xe ngataxane'i laixe xo ane'i kalumo so ixalisou nene'axu iaiama noxou Mosinge e mauli kaluxu uasi. Mo so axone la mi vile so utanuxu vaikalamengi e so ngalemolu noxou Mosinge uasi.