Taitusi 3:2 - Ata New Testament

² Mo ane'i ivikala masuai'a tamenexi'a uasi. Xe ane'i tamitema so i'avutinoxu tu'utu'umaxu uasi, ixolu se'isisi mo opone'i lexa noxi'a tamenexi'a mukalusi.

Taitusi 3:2 ပူးပေါင်းရင်းမြစ်များ

Matiu 11:29

Vaikalaxeli ne anu loxo lapalanga imulaxu no xola­ne'i takau so ilapunu mimi no anu. Laso ngingi nga'italongengi so ngatavulenu lapalanga noxilo axone mo ngano'u lavulavu noxilo. Xo eni ilixoleli se'isisi mo alavu­sou alu'eleli so opoleli lexa noxi'a tamitema. Laso loxo ngane'e noxilo la ngingi ngaxa­lisou ma'ila no anu ulengengi.

Ta'aposeli 23:5

La Polu mu'oxo lexe, “Ne? Eni esusu xe alavu lexe anu tatila noxi'a tapilisiti uasi. Loxo alavu la avikala axone uasi. Xo no anu lavukuou Mosinge la vaikala mukaukavu lexe, “Ngingi ngavikala masuaou tila noxi'a tamitemamengi uasi.'”

1 Kolini 6:10

Xe ane'i ane opone'i ututulu no anu pakali xe isuisu xe isipaki utotomu xe isu'asu'anu anaxa'a xe ane'i ane i'oxo loloxa'a tamitema no anu lamoli. Tamitema anene ixolu uasi manina no voxo so Mosinge molu u'uli laxune'i tamitemaou.

1 Kolini 9:19

Ioxe anu manina, evile u'uli laxuleli no anu xaixai noxilo uasi. Ia eni melo elu'eleli mo so exali loxo itema silevi noxi'a tamitema latala. E'oxo axone so alapune'i tamitema tavu'alo ine'e noxou Kalaisiti.

2 Kolini 10:1

Ioxe, tamitema se'i ne ito'omelo lexe, “Loxo Polu uxolu no tainenge la pelototo noxou no anu mama'usi. Ia loxo uxolu va'axu la ukalanu vaikala tu'utu'umaxu une'e noxinge to.” Ia eni Polu 'o, akatu noxinge lexe tangengi umulinu Kalaisiti xo anu mulavusou ulu'enu mo oponu lexa noxi'a tamitemasi.

2 Kolini 12:20

Xo opoleli uuali lexe no voxo loxo ane'e noxingela, la masi amaisou ilixomengi ulovou masaxa noxilo uasi. Xe ngingi kalumo masi ngamaisou ilixoleli ulovou masaxa noxinge uasi. La loxo 'o io ane'e amaisou ili'ilixo aloxo 'o uxolu no taingengi. Ilixo so tamitema ipelesou anaxa'a xe iisuisu xe xalo u'ela no anu la'ia xe opone'i sixulai'a xe ipupui xe itunana xe itoxa'a xe ixalixu tu'umaxu vitavitanisi.

Xalesia 5:22

Ia nene'axu xaixai noxou Ulenu no anu xoluxolunenge aloxo 'o. Ilixo so sexela mo osa mo xoluxolu lalavulusi. Xe anu upamuxanenge so tapalea no anu la'ia uasi mo ta'oxonu alauna ilou ilixo laixe noxi'a leviani. Xe ilopalanenge no anu xaixai ma'ia la ta'oxonu ulovosi.

Xalesia 6:1

Ioxe tavivilo, loxo ngalavu lexe susu vile muua'ulixu vile noxinge la ngingi ta'ei Ulenu upamuxa­ngengi ne ngalai se'isisi noxou so ngalovinoxu. Ia ngalaxa'i laixe xo loxo 'o io tovotovo uxalisinge kalumo ane.

Xalesia 6:10

Laso ane, loxo nenge vote'i la ta'oxonu laixe noxi'a latala mukalusi. Xe loxo tavivinge no anu lopala la xavinengeou avile so ta'oxonu noxi'a.

Epesusi 4:2

Aloxo 'o. Ngingi masi nga'itingengi uasi ngalu'engengi noxi'a tavivinge. Loxo ane'i i'oxo axova la opongengi ulu'e noxi'asi. Xe loxo ilosinge tu'umaxu axova la ngaxavutalanu uasi, ngasexela­xa'asi.

Epesusi 4:31

Ngingi masi ngamatapianu vaikala ane so u'oxonu opongengi sixula. Mo la'iangenge o ngakaitolongengi ngato'o uasi. Mo mamu so nga'oto mo ngato'otomenge no anu vaikala. Mo ilixo so ngamunumunuxa'a tamenexinge so ngalu'ene'i ne ngapilixinusi.

Pilipai 4:5

Anu laixe so upalasi no ie'i tamitema latala lexe opongengi lexasi noxi'a tamenexinge. Mo ngalavu aloxo 'o, Tatananenge alaimanasi.

1 Tesalonaika 2:7

Xo loxo texolu no taingengi la tamalaninexe noxinge a loxo sema isusune'i tailie la imalanixa'a laixe.

1 Timoti 3:11

Xe tasemai'a kalumo, ixolaxola uasi. Xe ixixao mo imunumunu uasi, ixolu xavutalai'a uiave laixesi mo so xaixai ma'ia so i'oxonu la opone'i ututuluousi.

1 Timoti 3:3

Mo aloxo 'o kalumo. Anu itema so usipaki uasi. Xe anu itema so la'iaxu palea uasi, uxolu oponu lexa noxi'a tamenexu mo uxalixu tu'utu'umaxu uasi. Xe anu itema so oponu ututulu no anu lamoli uasi.

Tiemisi 3:17

Ia noxi'a ane'i ane ixalisou lavulavu mu'asi'asi e ululu'e no tualasou Mosinge, la mi ane tamaleisou tei a so xoluxoluxa'a malemalenga. Xe kalumo la tamalei lexe ilavusou ixolu se'isisi mo opone'i lexasi mo opone'i ukisi noxi'a tamitemasi. Xe ane'i tami­tema ane xo ne xoluxoluxa'a uxalixu nene'axu laixe so i'alauna misevile mo i'oxonu iou vilesisi noxi'a tamitema mukalusi. Xe ikalavoi uasi, xo ilixo noxi'a iou vilesisi no anu vaikalai'asi.

Tiemisi 4:11

Ioxe tavivilo, ngato'omenge no anu vaikala ngato'o mamu. Xo loxo itema uvikala masuaou vimou no anu lopala o loxo utilovosou so ukamulinu susu vile noxou, la vaikalaou uto'omolu losi ane. Xe loxo nini vile na'oxo axone mo vaikalameni uto'omolu lo la nini naxolu no laxu lo so namulinula uasi. Nini ne'itineni a loxo tiasi so natilovosou lexe anu laixe o masua.

1 Pita 2:1

Ioxe, laso mi ma'ia mukilikalu xe kalakalavoi xe ilixo so ngalemolu mi vile ia ngamulinu uasi xe isuisu xe vote'i so ngato'ome'a tame­nexinge no tumali'a, anene muka­lusi ngaxe­xenu uta'olu va'axusi.

1 Pita 3:10

Aloxo Mosinge vaikalaou ulemolu lexe, “Loxo itema uma­saxau xoluxoluxu laixe mo no anu osasi, la u'apixu levexu no anu vaikala masumasua xe anaxu no anu vaikala kalavoi.

1 Pita 3:8

Ioxe, telexu vaikalaxeli aloxo 'o. Ngingi mukalusi ngaxolu opo­ngengi vilesisi mo tangengingenge xe ngasexelangenge ngato'o xo ngingi tavivinge no anu lopalasi ane. Xe nga'oxonu alaunasi'a tamitema mukalusi mo ngalu'e­ngengi noxinge ngato'o.

1 Pita 4:4

Laso loxo ngakei noxi'a so ngavaxa no anu susu u'oki'oki axone la uasi, la ane'i ikulukemengi ka ipupuienge.

2 Pita 2:10

La no anu ane so ukolinu susu, la u'oki noxi'a tami­tema e ilavusou ipilipilixinu vasi­me'a so imomoxu masaxa noxi'a nuni'u. Xe tamitema ane xo ne imatapianu xavi noxou Tatana­nenge so u'uli laxune'i. Ane'i tatisa kalavoi e ixali no taingengi to ne, ane'i tamitema so oxopai mo i'itine'i so imulinu masaxa noxi'amo. La ane'i imama'u uasi, ilemolu vaikala so pupuiaxi noxi'a ta'angelo e xavixavine'i musuku so tualasou Mosinge.

Iuti 1:10

Tamitema ane xo ne ilavusou ivikala masuaou mi ma'ia upalasi noxi'a uasi. Ane'i ne xavutali'a uasi aloxo tamisoposi xo masaxa ma'ia no anu vasime'a la imulinusi. Imulinusi xo mole mi e i'oxonu ne uxalixu mamulosi'asi.

Iuti 1:8

La anu axonesi noxi'a tamitema ane mipakisi mi'una no taingengi ne. Xo ane'i iai isaxi la u'avutinoxu opone'i so i'oxonu mimi nuni'u iouiou no vasime'a. Xe tamitema ane xo ne ixililiou xavi noxou Tatananenge so u'uli laxune'i. La ane'i imama'u uasi, ilemolu vaikala so pupuiaxi noxi'a ta'angelo e xavixavine'i musuku so tualasou Mosinge.