Taitusi 3:1 - Ata New Testament

¹ Ioxe, mo aloxo 'ola. Na'avuti­noxu xavutalai'a lexe itaxane'i tatiatila xe taxamani mo ilomuxa'a no anu mi ane laixe so i'oxonu.

Taitusi 3:1 ပူးပေါင်းရင်းမြစ်များ

Matiu 22:21

La Iesua muvikalane'i lexe, “Laso ane. Loxo mi noxou Sisa la ngapilixinu noxou u'isalili. Xe mi noxou Mosinge la ngapilixinu noxou u'isalili kalumo.”

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

Epesusi 2:10

Xo xoluxolu noxinge 'o ne Mosinge molu muxalixu noxou Kalaisiti Iesua. Muxalixu so tamuamua'i no anu ili'ilixo laixe e mulalaxinu tatei so lexe tamulinu.

Pilipai 1:11

Xe ilixo ulapu ane molu noxou Iesua Kalaisiti uxalixu nene'axu mo uana'ana noxinge. Mo so tamitema imaisou la itoxu Mosinge mo i'itinu ualasou.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

1 Timoti 2:2

Mo ilingau su'ulisi'a takingi oli'a taxamani. Mo so axone la xoluxolunenge se'isisi mo lalavulusi ulovo no anu masaxa noxou Mosinge.

1 Timoti 4:6

Laso naxolu napela'a tavivinge ne so mimi elemolu 'o. Xo axone la nini namitema so xaixai laixe noxou Kalaisiti Iesua ane. La naxolu na'ani'ani no anu vaikala so lopala na'a nenge mo taneniou lavulavu pumuxu ane a namulinu ne so nano'u xavi no anu.

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

2 Timoti 1:6

Laso eni amasaxau a'avutinixine no anu mi laixe e Mosinge mupilixinu noxinge no voxo loxo emulaxu avolo noxine tatei. Mupilixinu noxinge la aloxo navusi, laso nini natautauxu so uka alavuala.

2 Timoti 2:14

Ioxe, utotomu nalivunoxu xavu­talai'a Mosinge ta'olu no anu vaikala ano'o mo napelototosi'a pakia'u no iou Mosinge lexe mamu so ipelesou anaxa'aou laxu vaikala kitukitu. Xo ilixo axone uxalixu nene'axu to uasi, anu umasuane'i tamitema ane ixolu ilomusousi ane.

2 Timoti 2:21

Ioxe, loxo itema u'uinu no anu ili'ilixo masua ane telemolu mukalu 'oe, la anu uxolu loxo lisi ane ikalipalanu so xaixai laixesi. Uxolu ulalaxi so Mosou uno'u ka upamuxanu no anu xaixai aneva laixe mukalusi.

Taitusi 1:16

No anu anaxa'a la ivikala lexe ilavusou Mosinge oponu. Ia no anu xoluxoluxa'a la umaxa'u lexe ane'i ixililiou ane. Xo xoluxoluxa'a ne masua no iou Mosinge. Ane'i ilomuxu vaikalaou to uasi mo imomomo uasi manina so i'oxonu ilixo vile laixe.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Taitusi 3:14

Xe napelototosi'a tamitema­menge so ilavu laixe no anu vote'i so su'uli. Laso loxo tamitema isoti no anu mi ma'ia xe isu'uline'i la uxalixu nene'axu laixe ane.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.

Ipilu 13:21

Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.

2 Pita 1:12

Xo manina, vaikala anu temanu manina ano'o ngelavusou mo a ngetulu pumungenge no anu mukalu. Ia amasaxau lexe tange­ngivulusiou uasi laso maixene utotomu alalaxinu vaikala so alivunoxu xavutalamengi no anu.

Iuti 1:5

Mi se'i aloxo 'o ngelavusou mukalu ia alemolu so tange­ngioula. Tatei Tatananenge mupa­mauline'i mo mu'umene'i Ta'isilaeli no xale lia ne Isipi, xe ili'i la mumamulone'i ane'i tanoxi'a ane ilopalanu uasi.