Taitusi 2:5 - Ata New Testament

⁵ Xe ipelototosi'a lexe ixolaxola uasi ixolu no anu malemalengasi. Xe no anu tasi'a la ivu'ulinu laixe mo tane'ixa'a tatemanu laixe. Mo ilu'ene'i noxi'a tamului'a mo so loxo tamitema imaisou ilixo noxi'a la ivikala masuaou Mosinge vaika­laou uasi.

Taitusi 2:5 ပူးပေါင်းရင်းမြစ်များ

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

Ta'aposeli 9:39

Mivikalanu la Pita mulutu so oli'a milai. Milutu xo xe mixali ne Iopa la ane'i mitelaixu Pita no ngiou ane vasimele Tavita uai no anu. La tasema ane tamului'a misoisoli mukalu mine'e mitulu alai noxou Pita mo mitatama. Mitatama mo mimaxa­maxa'u lakolosi xe lasioti ane Tavita mi'oxonu no voxo loxo mimaulisio.

Lomu 14:16

Laso loxo la'ilali ane nga'oxo lexe laixe uxalixu vaikala masua, la nga'ou uasi.

Lomu 2:24

Xo tapolopeti mikaukavunu tatei no anu Mosinge vaikalaou lexe, “Mosinge ualasou muxali loxo nuni'u no taine'i tamitema noale'ale xo tava'u a noxingesi.”

1 Kolini 11:3

Ia mi vilela so ngalamana no anu aloxo 'o. Tamulu la ane'i kisi'a tasemai'a xe Kalaisiti la kisi'a tamulu xe Mosinge la kisou Kalaisiti.

1 Kolini 14:34

Ioxe, mo vile aloxo 'o. Loxo ngapita la tasema ivikala uasi, ixolu tasiausi. Ane'i ilu'ene'i mo ixolu no laxa'a tamulu a loxo lo Mosisi mukaukavunu ulemolu kalumo.

Epesusi 5:33

Laso telexu no anu vaikalaxeli aloxo 'o. Ngingi vilevilesi ne ngasexelaxa'a tasema­mengi a loxo ngasexelangenge ne. Xe ngingi tasema la ngataxane'i tamulumengi.

Kolosi 3:18

Ngingi tasema, ngalu'engengi so ngaxolu no laxa'a tamulumengi xo anene ulovou masaxa noxou Tatananenge.

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

1 Timoti 6:1

Ioxe, Mosinge ta'olu ane tami­tema tasilevi la itaxane'i tatanane'i laixe. Itaxane'i mo so ane'i tatanane'i ivikala masua no anu ualasou Mosinge xe lopala na'a nenge uasi.

Taitusi 2:4

Mo so axone la tasema tatiatila isu'uline'i tasema so isexela'a tamului'a xe ta'ili'a.