Taitusi 1:7 - Ata New Testament

⁷ Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

Taitusi 1:7 ပူးပေါင်းရင်းမြစ်များ

2 Pita 2:10

La no anu ane so ukolinu susu, la u'oki noxi'a tami­tema e ilavusou ipilipilixinu vasi­me'a so imomoxu masaxa noxi'a nuni'u. Xe tamitema ane xo ne imatapianu xavi noxou Tatana­nenge so u'uli laxune'i. Ane'i tatisa kalavoi e ixali no taingengi to ne, ane'i tamitema so oxopai mo i'itine'i so imulinu masaxa noxi'amo. La ane'i imama'u uasi, ilemolu vaikala so pupuiaxi noxi'a ta'angelo e xavixavine'i musuku so tualasou Mosinge.

Epesusi 5:18

Mo mamu so ngaiexu lexa pakia'u mo so ngasipaki xo axone la uvila'i­singe ane. Nga'italongengi so Ulenusi uana'ana noxinge mo upamuxangengisi.

1 Pita 5:2

Ngingi ngalaxa'ine'i tamite­maou Mosinge laixe xo ane'i loxo tasipisipiou ane mupilixine'i no avonge ne. Laso loxo ngaxaxai so ngasaxila'a la nga'oxonu loxo evile usoungengi no anu uasi. Nga'oxonu xo ngingi menge ngamasaxau xaixai anene mo ngalavu lexe anene masaxa noxou Mosinge. Mo tava'u nga'oxonu so ngano'u lapesou uasi, nga'oxonu no anu osa maninasou no opongengisi.

1 Pita 4:10

Mosinge mu'o­xonu laixe so mu'itimengi ngingi vilevilesi lavulavu no anu xaixai iouiou. Ngingi ngexalisou nene'axu iaiama noxou e ngiou­ngiou no anu misevile axone laso ngalaxa'inu laixe mo ngaxaxaisou so ngasu'ulingengi ngato'o.

Luku 12:42

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

Taitusi 2:3

Xe noxi'a tasema tatiatila la axone kalumo. No anu ilixo noxi'a la ilu'ene'i mo imulinu masaxa noxou Mosingesi. Xe ixixaoxao so itunana uasi mo ipilixine'i so ixolu iie uaini utotomu uasi. Ixolu la opone'i ututulu so ipelototo no anu vaikala mulapusi.

Taitusi 1:5

Ioxe, eni e'italoneni nexolu no ailani Kiliti so na'isalilinoxu xaixai teletelexu ne. Mo kalumo so natulusi'a tamitema so isaxila'u pitapita no tuatuala, loxo epalusi­nexu mala'o.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Matiu 24:45

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a tatemanu tasou mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.