Taitusi 1:2 - Ata New Testament

² Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Taitusi 1:2 ပူးပေါင်းရင်းမြစ်များ

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Matiu 25:46

La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”

Maki 10:17

Mukalu xe Iesua so ulutu umuamua'i la itema vile muiave mune'e muxali noxou. Muxali noxou la muxolasou tava'u no laxunu, la mutali'i lexe, “Tisa laixeo, eni a'oxonu mi ma'i so axalisou mauli kaluxu uasi?”

Maki 10:30

Mimi e mu'italonu ne uxalisou no latanu tavu'alo e tavu'alo. Xo no anu voxovoxo so vaimomo 'o la Mosinge ulosou tanitani xe tavimovimou tavu'alo xe tanenenu xe ta'olu tavu'alo xe xaixaixu kalumo. Anu uxalisou mimi lailaixe noxou Mosinge axone ia loxo tamitema la ilosou tu'umaxu. Ia loxo voxo olele uxali, la uxalisou mauli kaluxu uasi.

Tioni 10:28

La eni alosi'a mauli kaluxu uasi mo ane'i imamulo uasisi xe evile utokine'i ixexe no avolo uasisi.

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 17:24

Papa, amasaxau lexe ane'i ane nepilixine'i lexe tanoxilo la ixolu kalumo no apu e so alai no anu. Xo amasaxau lexe ane'i isaxisilo mi ne axolu no anu tanixo iaxu mu'uli'uli e nepilixinu noxilo ne. Nepilixinu noxilo xo nasexelaxomo mi ne lialia uxali uao.

Tioni 5:39

Ngingi ngalavusou ngaititi so ngakakamuli nonano no anu lavukuou Mosinge xo nge'oxo lexe anene so ngaxalisou mauli kaluxu uasi no anu. La lavukuou nesi so upala'anixilo 'o,

Tioni 6:54

Ia itema ane u'ani'ani no vasimelo mo uiie noxilo la mauli kaluxu uasi uxolu noxou xe no anu kaluxusou voxo eni atulusou umaulisi.

Tioni 6:68

Ia Saimoni Pita muli­vuxu lexe, “Tatananexi, xo axone la talai noxou ena'eio? Vaikala so mauli kaluxu uasi a uxolu noxine 'osi.

Ta'aposeli 15:18

Xo eni elalaxinu opoleli so xaixai anene tei tei manina.'”

Lomu 1:2

Vaikala ne tatei Mosinge muvavalimasou no anu anaxa'a tapolopetiou. Vava­lima ne mikaukavunu mo a uxoxolu no anu vaikalaou male­malenga.

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Lomu 5:2

Xe anu mu'oxonu vote'isinge so loxo telopala, laso nenge te'unalai mo a taxoxolu no anu iaiama noxou Mosinge 'o. Taxoxolu mo taxomaiou voxo ane Mosinge uno'inge so nenge'a taxolu no tualasou lailaixe. Nenge talavusou lexe voxo ne a une'e laso osa'ilasou misevile.

Lomu 5:21

Xo susu muxalixu soli laso mu'uli laxunenge. Ia vaimomo 'o iaiama noxou Mosinge anu mu'uli'uli avile. Xo no anu ilixo malemalenga noxou Iesua anu Tatananenge la Mosinge muxalixu mauli kaluxu uasi.

Lomu 5:4

U'oxonu pakia'inge mo so loxo tu'umaxu ma'ia uxali la nenge utotomu tapilixinengesi. Tapilixinenge noxou Mosingesi laso nenge talopala taxomaiou voxosou ne.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Kolosi 1:27

Xo anu masaxa noxou Mosinge so upela'ingexu vaikala e muta­lume ne. Vaikala ne anu mi so takulukemolu kena mo ta'osa'i­lasou xo anu lailaixe so usu'uline'i tamitema no anu lailaili mukalusi. Anu aloxo 'o. Kalaisiti a uxolu nonano noxinge ne, laso mimi lailaixe so tualasou Mosinge e ngaxolu ngaxomaiou ne, ngingi ngaxalisou ane.

1 Tesalonaika 2:15

Xe noxou Tata­nanenge Iesua la ane'i Taiuta mivau. Xe mive'ave'a tapolopeti mo mipalenenexe so ikusaixe. Tami­tema anene ixililiou masaxa noxou Mosinge mo imatapiane'i tamitema mukalusi.

1 Tesalonaika 5:8

Ia nenge tamitema so aso la taxolu xavutalamenge lamanasi xo anu loxo taxolu no oto. Taxolu no oto laso tasu'asinge no anu lopala ilou sexela so uutulu­lunenge a loxo ta'ami ivaxanu lasioti aini so uutululunu lutune'i. Xe talopalanu taxomoaiou voxo so Tatananenge upamaulinenge no anu mamulo. Axone la anu loxo utanunenge no anu oto e taxolu no anu 'o a loxo ati aini utanuxu kisi'a ta'ami.

1 Timoti 6:12

No anu sipoti la tamosou isoa so lexe ena'ei uuini. Ioxe no anu lopala noxine la xavineniou axone mo so mi vile uua'ulixene uasi. Xo mala'o nini nevikala laixe so nepala'anixu lopala noxine no ie'i tamitema latala. Laso natulu pumuxene no anu xoluxolu kaluxu uasi e Mosinge mu'avalinexu ne.

1 Timoti 6:19

I'oxo axone xo lakolisou ilixo ne la ixalisou i'li'i. Lakolisou ne mauli maninasou.

2 Timoti 1:1

Eni Polu a. Eni aposeliou Kalaisiti Iesua xo no anu masaxa noxou Mosinge. Anu musosovosilo axone so apela'a tamitema no anu vavalimasou mauli e uxoxolu noxou Kalaisiti Iesua so ixalisou.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

2 Timoti 2:13

Ia loxo nenge tavavalima lexe tamulinu xe ili'i oponenge usasalo, la anu oponu uxiu uasi. Anu uxalixu nene'axu vavalima noxou xo anu umomomo so uxiunu oponuou vaikalaou uasisi.

2 Timoti 2:15

Xe nini la xavineni so naxali itema so xaixai laixe noxou Mosinge mo so u'osasinexu. Laso na'isalilinoxu laixe vaikala manina xo axone la mi vile so namaila­mulinu no iou uasi.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Taitusi 2:7

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

Taitusi 3:7

Kalaisiti muiaiamanenge laso Mosinge mumoxo'inge lexe tamalemalenga no iou. Mo musosovosinge nenge ta'olu lexe taxalisou mauli kaluxu uasi ane talopalanu taxomaiou.

1 Tioni 2:25

Xo mi e Kalaisiti muvavalimasou noxinge ano'osi, a so ulosinge mauli kalu­xusou uasi.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Iuti 1:21

Xe ngatulu pumungenge no anu sexela noxou Mosinge so ngaxomaiou voxo so Tatananenge Iesua Kalaisiti u'alaunasinge no anu mauli kaluxu uasi.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Mupala'a 17:8

Aloxo 'o. Mi vova e nemaisou mukalu, tei anu muxolu ia vaimomo 'o uxolula uasi. Ia anu a so utelo ula no taxa e ulu'elai avile. Utelo ukalu la ulai uxalisou mamulosi. La tamitema no lialia mukalusi ikulukemolu mi vova xo imaisou muxolu tei xe uxolu vaimomo 'o uasi ia ili'i uxolula. Tamitema anene Mosinge ukauka­vunu ualasi'a uasi no anu lavuku so mauli mi ne ukoinu lialia uao.