Taitusi 1:1 - Ata New Testament

¹ Eni Polu a. Eni amitema so xaixai noxou Mosinge xe eni aposeliou Iesua Kalaisiti. Anu mupalusilo so a'oxonu pakia'u lopala noxi'a tamitema ane Mosinge musoso­vosi'a lexe tanoxou. Mo so ilavu­lavu no anu vaikala manina e ulovo u'isalili no anu masaxa noxou.

Taitusi 1:1 ပူးပေါင်းရင်းမြစ်များ

Luku 18:7

Loxo tamitema ane Mosinge musosovosi'a lexe tanoxou itatama noxou aso olovoxo utotomu so uutululune'i, la axova? Ulomuxa'a mo ukolinu tama noxi'a palea uasi?

Ta'aposeli 13:48

Ioxe, tamitema noale'ale loxo milomusou vaikala anene la mi'osa manina mo opone'i mukasou vaikalaou Polu. Xe ane'i ta'ei Mosinge musosovosi'a lexe ixalisou xoluxolu kaluxu uasi la milopala.

Lomu 1:1

Eni Polu a. Eni amitema so xaixai noxou Kalaisiti Iesua. Anu molu mutulusilo so axali aposeliou mo musosovosilo so alanu vaikala laixe noxou Mosinge.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

Epesusi 2:8

Xo ngingi ngelopala noxou laso Mosinge muiaiama noxinge so mupamaulingengi. Mi ne ngingi menge ngaxalixu uasi. Mosinge molu mu'itimengi.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Kolosi 2:2

A'oxo axone mo so u'oxo pakia'u tangengi xe so sexala uteinoxu opongengi upita vilesisi. Eni amasaxau lexe ngapalava no anu lavulavu mo so mi vile u'oxonu opongengi uvaxa une'e uasi. Xe ngalavu manina no anu mi e Mosinge mutalumeu ka mupa­la'anixu 'o. Mi e anu Kalaisiti molu.

1 Timoti 2:4

Xo anu umasaxau lexe tamitema mukalusi ixalisou lavu­lavu no anu vaikala maninasou mo ixalisou pamauli.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

1 Timoti 6:3

Ioxe, Tatananenge Iesua Kalaisiti mupilixinu vaikala so xoluxolu­nenge mu'isalili no anu Mosinge oponu. Ia tamitema se'i ipolo va'axu mo ilanu vaikala so ilapune'i tamitema no anu vote'i ane ulapu uasi.

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

2 Timoti 2:23

Ia mamu so namulaxu sangali­neou vaikala vuluvulusi ane tamitema me'a ixavutalanusi. Xo mi axone uxalixu oto no anu vaikalasi.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

2 Pita 1:3

No anu xaviou Kalaisiti so uxolu Mosinge la muitimenge mimi mukalusi so taxolu muamua'inenge no anu ili'ilixou Mosinge u'isalili. Mu'itimenge axova? A no anu vote'i e so molu mupala'anixu noxinge so talavusou. Mupala'a­nixu noxinge xe temaisou lexe anu xoluxoluxu iaxu mo lailaixe mu'u­li'uli, la anene vote'i so mu'ava­linge.

2 Pita 3:11

Ioxe, laso loxo mimi mukalusi ukavuku no anu vote'i axone la ngaxavutala lexe ngingi vaimo­momo 'o xoluxolungenge axova? Ngingi masi ngaxolu no anu malemalengasi mo opongengi ututuluou ili'ilixou Mosingesi.

1 Tioni 2:23

Itema ena'ei uxililiou ualasou Olu la anu uxililiou Maminge kalumo. Ia itema ena'ei oponu upala'a lexe ulopalanu Olu la anu upala'a lexe ulopalanu Maminge kalumo ane.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.