Ta'aposeli 5:3 - Ata New Testament

³ Mulosi'a la Pita muvikala aloxo 'o, “Ananaiasi, loxova so ne'italo­neni mo Uluaou mupamuxaneni? Mo nini ne'oxo lexe nakalavoinu Ulenu Laixe mo netalumeu lamoli pa'usou so lia.

Ta'aposeli 5:3 ပူးပေါင်းရင်းမြစ်များ

Matiu 13:19

Aloxo 'o. Tamitema mose'i ilomusou vaikala laixe so Mosinge u'uli laxune'i tamite­maou no tuala­sou. Ilomusou ia upalasi noxi'a uasi laso Uluaou upalea utokinu vaikala ne uxexe. Anu loxo uiti ngiaxu ane mulapau no vote'i so xai.

Luku 22:3

La Uluaou mu'unalai noxou Iutasi e ilemolu lexe Isikalioti. Anu vile noxi'a tatisaipeli 12.

Tioni 13:2

No anu olovoxoe la Iesua oli'a tatisaipeli mixolu so i'ani. La no voxo ne Uluaou mu'unanu xavutalaou noxou Iutasi tanu mukalu so lexe upilixinu Iesua no avo'a tauluaou. Iutasi ne anu Saimoni Isikalioti olu.

Tioni 13:27

Ioxe, Iutasi muno'u pileti mato­vinu ne mukalui, sila Uluaou mu'unanu tanu noxou so upamu­xanu. Laso Iesua muvikalanu Iutasi lexe, “Mi ane so na'oxonu, la napaleanusi.”

Ta'aposeli 5:2

Misalimunu la Ananaiasi mutalumeu lamolisou pa'usou xe semau milavusou mi ne kalumo. Mutalumeu pa'usou xe pa'usou mulosi'a ta'aposeli mo so ukalavoi lexe lamolisou lia loloni ane.

Ta'aposeli 5:4

Xo lia ne nini na'a ninisi. Mo nexalisou lamolisou, la anu mi na'a nini lexe nanavanu. Laso axova so nini nelalaxinu oponeni mo nemulinu ilixo aloxo 'o? Xo nini nekalavoinexi tami­temasi uasi. Anene ne'oxonu noxou Mosinge ane.”

Ta'aposeli 5:9

La Pita mu'oxo lexe, “Ai, loxova so ngolou xavutalamengi vilesisi so ngato­vonu Tatananenge Ulenu Laixe? Namaisou, tamitema so mi'asixu mulumeni a i'una'una 'o, la masi ilaneni kalumo.

Tiemisi 4:7

Laso ngalu'engengi mo ngaxolu no laxu Mosingesi. La nga'apixu Uluaou mo so anu u'umesinge.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.