Ta'aposeli 2:9 - Ata New Testament

⁹ Ane'i mivikala axone xo ane'i so tuatuala iouiou. Loxo ne Palitia xe Mitia xe Elamu xe Mesopotemia xe Iutea xe Kapatosia xe Ponitusi xe Esia

Ta'aposeli 2:9 ပူးပေါင်းရင်းမြစ်များ

1 Pita 1:1

Eni Pita a. Eni aposeliou Iesua Kalaisiti. Akaukavunu lapasi 'o ulai noxinge tamitemaou Mosinge e ngepaxelele ka ngaxolu loxo taasila no anu polovinisi ne Ponitusi xe Xalesia xe Kapatosia xe Esia xe Vitinia.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

2 Timoti 1:15

Xe loxo nelavu, tamitema so Esia polovinisi e misu'ulileli a mixexesilo mukalusi. Ane'i tamei noxi'a ane Vixelusi ilou Elimo­xenesi milai kalumo.

Ta'aposeli 18:2

Mulai la muxalisou Iuta vile ualasou lexe Akuila. Semau ualasie lexe Pilisila. Ane'i ilou so Ponitusi polovinisi. Ilou mixexesou xale lia ne Itali mala'o se'osi xo kingi noxi'a Talomu e ualasou lexe Kalautiusi mu'oxonu lo lexe mamu so Taiuta ixolu no tualasi'a Talomu. Ioxe, Polu muxalisi'a ilou ne Kolini.

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 19:10

Anu muxolu mu'oxo axone mumomomo no anu tau ie tamei. Laso tatemanu Esia polovinisi, Taiuta xe Takiliki latala ne milomusou vaikalaou Tatana­nenge.

Ta'aposeli 6:9

Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

2 Kolini 1:8

Xo tavivixe, nexi tamasaxau lexe ngalavu no anu tu'umaxu ane muxalisixe no anu Esia polovonisi. Tetavulenu tu'umaxu ne la loxo tavala muvexe mole te'oxo lexe nexi tamomomo no anu uasisi la masi tasoli ane.

1 Kolini 16:19

Ane'i tatemanu pitapita ne Esia polovinisi mivikala aso noxinge. Xe Akuila olie Pilisila mo Mosinge ta'olu mukalusi ane ipita no tasi'a mivikala aso laixe noxinge no anu ualasou Tata­nanenge.

Lomu 16:5

Xe ngalemolu aso noxilo noxi'a tatemanu pita e ipita no tasi'a ilou. Mo aso noxilo ulai noxou vivilo e asexelaxu manina e Epainetusi. Anu tei manina noxi'a ane'i ane milopala noxou Kalaisiti ne Esia polovinisi.

Ta'aposeli 20:18

Vaikala ne muxali noxi'a xe mixalixali noxou Polu la anu muvikalane'i aloxo 'o, “No voxo tei exali noxinge ne Esia 'o la ngemaisou ilixo noxilo. Ngingi menge ngelavusou xoluxolu noxilo no taingengi 'o.

Ta'aposeli 20:16

Polu mulalaxinu oponu lexe uua'ulixu tuala ne Epesusi xo anu umasaxau so upalea ulai uxali ne Ielusalemo. U'oxo lexe uvovoxo ne Esia polovinisi uasi xo loxo vote'i la umasaxau uxali ne Ielusalemo tei no anu voxo so Penikosi.

Ta'aposeli 19:31

Xe kalumo la ane'i tamenexu Polu se'i e no anu xamani so polo­vinisi mikalanu vaikala mune'e noxou. Milinga pakia'u lexe anu ulai no anu tanixu pita uasi.

Ta'aposeli 19:27

Vaikalaou Polu ne loxo utila la masi tamitema ivikalasou xaixai noxinge masua. Mo vilela aloxo 'o. Vaikalaou umomomo so ulu'enu ualasou tasou mosinge lailaixe Atemisi kalumo. Mo vaimomo 'o tamitema ilavusou i'itinu ualasie Atemisi no Esia polovinisi xe no xale tuatuala mukalusi. Ia loxo vaikala noxou Polu ne xavinu la umamulonu ualasie toxoxu ne.”

Ta'aposeli 7:2

Ioxe, Sitiveni mukolinu mo mua'alo aloxo 'o, “Tavivilo, tamamilo, ngalomu laixe. Tatei ilusunenge Apala'amu muxolu no xale lia ne Mesopotemiasio, ulai ne Alanu uao. La Mosinge anu Mosou Iaxu muxali noxou.

Ta'aposeli 2:8

Ia loxova laso nenge mukalusi talomusi'a ilemolu vaikalamenge vilevilesi?”

Ta'aposeli 20:4

Mulai la oli'a tamitema ano'o. Sopateli so tuala ne Velia, anu Pilusu olu. Xe Alisitakusi ilou Sekunutusi, ane'i so tuala Tesalonaika. Xe Xaiusi ne anu so Tevi xe Timoti oli'a tamitema tameila, ane'i so Esia polovinisi. Ualasi'a lexe Tikikusi xe Tolovimusi.

Ta'aposeli 21:27

Mune'e xe voxo 7 so ili'ilixo so malemalenga a so ukalui la Polu muxolu no tasou Mosinge. La Taiuta se'i so Esia polovinisi mine'e la mimaisou Polu a muxolu nonano ne. Mimaisou axone la ane'i mi'avutinoxu tamitema opone'i so la'iaxa'aou Polu, sila ane'i mite­telisou avile mo mi'ava'ava tatila lexe,

Ta'aposeli 24:18

Elai no tasou Mosinge axone ia tei la emulinu ili'ilixo so malemalenga. No voxo e tamitema mixalisilo xe mitetelisilo la exolu no anu matamataunaxu tasou Mosinge so e'oxonu ili'ilixo anene. Mixalisilo axone la nexi noxi'a se'i uasi, eni enisisi. Mi vile tu'umaxu so e'una no anu uasi.

Ta'aposeli 27:2

Nexi telutu la tetelo no anu lasipi vile so tuala Atamitiumi. Anu lasipi ne so ulutu la tamosou mi'oxo lexe iaveiavexu umomoxu tuatuala muxolu no luaki ne Esia polovinisi. Nexi telutu mo telai la Masetonia vile, ualasou lexe Alisitakusi so tuala Tesalonaika a noxi'a telai.