Ta'aposeli 2:4 - Ata New Testament

⁴ La Ulenu Laixe muxali noxi'a latala ne mo ane'i mi'ana'ana noxou. La Ulenu mulosi'a xavi so ane'i misoko'u so mivikala no anu vaikala iouiou ane ilavusou tei uasi.

Ta'aposeli 2:4 ပူးပေါင်းရင်းမြစ်များ

Maki 16:17

Ane'i ane ilopala la Mosinge u'oxonu sosovo so xavi no avo'a so umaxa'u lexe mi ne maninasou. Xo no anu ualasilo la ikusai'a ta'angelo tamasua mo ilemolu tokipelesi iouiou ane ilavusou tei uasi.

Ta'aposeli 13:52

Ia Ulenu Laixe mupamu­xane'i tamitema ane milomuxu vaikalai'a ilou ka milopala noxou Iesua, mo ane'i mixolu mi'osa manina.

Ta'aposeli 4:31

Ioxe, mivikala noxou Mosinge mukalu la tani ane mipita no anu ne mukunikuni. La Ulenu Laixe mupamuxane'i ka milemolu vaikala noxou Mosinge mo i'ume uasi.

Epesusi 5:18

Mo mamu so ngaiexu lexa pakia'u mo so ngasipaki xo axone la uvila'i­singe ane. Nga'italongengi so Ulenusi uana'ana noxinge mo upamuxangengisi.

1 Kolini 12:10

Xe se'i so i'oxonu sosovo so xavi xe se'i so ipela'axu Mosinge vaikalaou xe se'i so itongone'i ta'ulenu lexe talaixe o tamasua xe se'i so ivikala no anu vaikala iouiou xe se'i so ixiunu vaikala ne mo ipalasinoxu laxu.

Tioni 14:26

Ia Mosou Su'uli anu Ulenu Laixe e Maminge upalusou une'e no anu ualasilo, la anu so upelapela'ingexu mimi mukalusi mo ulivunoxu xavutalamengi no anu vaikala mukalusi e elemolu noxinge 'o.

Ta'aposeli 19:6

Mi'oxo axone xe Polu mumulaxu avolu no kisi'a la Ulenu Laixe mune'e muxolu noxi'a. La ane'i mivikala no anu vaikala iouiou mo mipela'axu Mosinge vaikalaou.

Ta'aposeli 9:17

Muvikalanu mukalu laso Ananaiasi mulutu mulai. Mulutu mulai xo xe muxali no tani xe mu'unalai laso mumulaxu avolu noxou Sauli mo muvikala aloxo 'o, “Vivilo Sauli, Tatananenge Iesua e muxali noxine no vote'i ne, mupalusilo ene'e noxine. Ene'e so ieni ukala mo Ulenu Laixe uxolu noxine mo upamuxaneni.”

Ta'aposeli 7:55

Ia Sitiveni ne, Ulenu Laixe a mupamuxanusi. Sila mutala mutelo no loxotolo mo mumaisou iaxu Mosinge xe Iesua a ututulu no avolu tema.

Ta'aposeli 1:5

Xo tei, la Tioni mukelenixa'a tamitema no lexa, ia voxo tavu'alo uasi la Mosinge molu ukeleningenge noxou Ulenu Laixe so anu uxolu noxinge.

1 Kolini 13:8

Ioxe, loxo xaixai so pela'a mo xaixai so lavulavu no anu vaikala laxu la Mosinge utalosou ane. Xe ane so vaikala iouiou ne anu tasiauxu ane. Ia loxo vote'i so sexela ne, la anu umomomo so ukalu uasi manina.

1 Kolini 13:1

Vote'i aloxo 'o. Loxo eni avivi­kala no anu vaikala iouiou noxinge tamitema o vaikalai'a ta'angelo ia loxo asexelaxa'a tamitema uasi, la vaikalaxeli ne mi vitanisi. Eni loxo velo umolo ina vitanisi o latalamu xalusou ane ukuelele vuluvulusi.

Ta'aposeli 13:9

Ia Ulenu Laixe mupamuxanu Sauli e ualasou vilela lexe Polu. Ulenu Laixe a mupamupamuxanu laso anu mumatakisou Elimasi mo muvikala lexe,

Ta'aposeli 2:11

Xe ane'i se'i ne Takiliti xe Ta'alevia. Se'i noxi'a ne Taiuta maninasou. Xe se'i ne so laili vilemo ia ane'i mimulinu ilixo mo lavuloto noxi'a Taiuta. La ane'i mi'oxo lexe, “Nenge talomusi'a tamitema ano'o ilulusou xaixai xavinu noxou Mosinge no anu vaikalamenge vilevilesi.”

Luku 12:12

Xo no voxo anene u'isalili la Ulenu Laixe molu upela'ingexu vaikala ma'ia so ngalemolu.”

1 Kolini 14:18

Mo loxo ngingi la ngavivikala no anu vaikala mose'isi. Ia eni la a'osasou Mosinge xo mulosilo lavulavu so avikala no anu vaikala tavu'alo kena.

Lomu 15:13

Laso masaxa noxilo noxinge lexe ngingi ngalopala noxou Mosingesi. Ngalopala noxou laso anu uxalixu osa'ila mo xoluxolu lalavulusi. Mo Ulenu Laixe ulosinge xavi so loxo ngaxomaiou voxo olele la lopala noxinge utilasi.

Ta'aposeli 4:8

Ioxe, Ulenu Laixe a mupamu­xanu Pita, la muvikala aloxo 'o, “Ngingi tatiatila so Isilaeli.

Tioni 20:22

Muvikala axone mukalu sila mutausou tauxu mulai noxi'a mo muvikalane'i lexe, “Ngingi opongengi u'osa so Ulenu Laixe u'una noxinge 'o.

Luku 4:1

Ioxe, Ulenu Laixe mupamupa­muxanu Iesua la mulutu no lexa Tiotani so ulivu. La Ulenu mulaixu so muxixao no xale lia esi'esi.

1 Pita 1:12

Ia Mosinge mupela'a lexe vaikala milemolu ne anu so si'a uasi. Pamauli e milemolu ne anu so uxali noxinge a vaimomo 'o. Laso maixene Mosinge mupa­lusou Ulenu Laixe molu no tualasou mulu'e, xe no anu xavi noxousi la tamitemaou mine'e milanu vaikala laixe noxinge. La ane'i ta'angelo talaixe kalumo imasaxau manina so ilamana no anu mimi ane Mosinge mu'oxonu noxinge ne.

1 Kolini 14:5

Laso loxo Ulenu ulosinge ngingi mukalusi lavulavu so ngavikala no anu vaikala iouiou la anu mi vile uasi, eni a'osasi. Ia mi ane amasaxau manina ane so ulosinge lavulavu so ngalanu vaikala so pela'a. Xo nene'axu xaixai so pela'a ne uua'ulixu ane so vaikala iouiou. Ia loxo itema uvikala no anu vaikala iou vilemo ka molu uxiunu so laxu upalasi la anu laixe. Xo axone la u'oxonu pakia'a tatemanu pita mukalusi.

Ta'aposeli 11:15

Ioxe, itema mu'avalilo ne mua'alo mukalu laso eni esoko'u so evotovoto. Eni a avotovotosio la Ulenu Laixe muxali noxi'a a loxo muxali noxinge tei manina.

Ta'aposeli 6:5

Tamitema milomusou vaikala anene la mi'osasou. Laso miso­sovosou Sitiveni. Anu itema ane Ulenu Laixesi mupamuxanu mo loxo mi ma'ia muxali la anu mulopalasi. Misosovosou Sitiveni xe misosovosi'a se'ila so tamenexu, ualasi'a aloxo 'o; Pilipi xe Pilokolusi xe Nikanoli xe Timoni xe Palimenasi xe Nikolasi. Nikolasi ne anu itema Iuta uasi. Anu so tuala Anitioki, ia anu mumulinu ilixo noxi'a Taiuta so i'itinu Mosinge ualasou.

Ta'aposeli 6:3

Laso tavivixe, ta'oxonu aloxo 'o. Ngingi menge ngailoune'i tamulu 7 no taingengi 'o. Ngai­loune'i ane'i ane ilixo noxi'a lamanasi mo ane'i ane Ulenu Laixe upamuxane'i mo lavulavui'a. Ukalu laso nenge tapilixine'i no anu xaixai ano'o.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Luku 1:15

Xo anu ualasou utiatila no iou Tatananenge. Anu uiexu uaini o lexa pakia'u uasi. Mo loxo uxolu no anu nenu oponesio, ivo'onu uao, la Ulenu Laixe uxolu noxou lumamo.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.

Epesusi 3:19

Amasaxau lexe ngano'u lavulavu no anu sexela noxou Kalaisiti axone ia umo­momo so ngaxali no anu teletelexu avile uasi. Xo mimi noxou Mosinge ne mulolutu e mulolutu laso anu ulosinge so ngaxolu no latanusi.

Ta'aposeli 11:24

Anu Vanavasi ne anu itema laixe mo Ulenu Laixe mupamuxanusi mo loxo mi ma'ia uxali la mulopalasi. Anu itema axone laso loxo muvotovoto la tamitema milomuxu mo milopala noxou Tatananenge.

Ta'aposeli 6:8

Ioxe, Mosinge mu'oxonu iaiama noxou Sitiveni mo mulosou xavi so u'oxonu sosovo so xavi tiatila iouiou no taine'i tamitema.

Luku 21:15

Xo eni melo alosinge vaikala so ngalanu noxi'a ilou lavulavu u'asi'asi. Laso loxo ngalemolu vaikala la ane'i ane ixililiienge ne imomomo so ikolingengi uasi, saexa'a uxolasi.

Luku 1:67

Ioxe, Mosinge Ulenu Laixe mupamuxanu Sekelaia so mule­molu vaikala so pela'a aloxo 'o,

Luku 1:41

Ioxe, Elisapeti milomusou aso noxie sila ilie no opone mu'avuti mu'oki. La Ulenu Laixe mupamuxane Elisapeti.

Matiu 10:19

Xe loxo ilaixinge so ikoti­ngenge la mamu so nga'o­lo'olo lexe, 'Iu, tavikala axova masi?' o 'Ai masi takoline'i no anu vote'i axova?' Nga'ume axone uasi xo no voxo ne u'isalili la ngaxa­lisou vaikala ma'ia ane so ngale­molu.

2 Pita 1:21

Xo vaikala so pela'a vile tava'u no anu masaxa noxou itemamo uasisi. Vaikala ne muxali loxo Ulenu Laixe mu'avu­tinixi'a tami­tema so milanu vaikala ane molu noxou Mosingesi.

Ta'aposeli 2:3

Mimalei loxo 'o la mi loxo navu levelevexu mukalipala mo mumomoxa'a so mu'italo noxi'a vilevilesi.

Ta'aposeli 8:17

Ane'i ilou mivikala noxou Mosinge la mimulaxu avo'a no kisikisi'a tamitema laso Ulenu Laixe muxali noxi'a kalumo.

Ta'aposeli 10:47

Sila Pita muvikalane'i lexe, “Ane'i laili ano'o mino'u Ulenu Laixe iou vilesisi loxo nenge. Laso ena'ei u'apixa'a so ta'oxonu ilixo so kelele noxi'a?”

Ta'aposeli 15:8

Mosinge ne anu ulavusou oponenge tamitema mukalusi. Laso anu mupilixinu Ulenu Laixe noxi'a iou vilesisi a loxo nenge 'osi so upala'anixu lexe oponu axova noxi'a.