Ta'aposeli 1:3 - Ata New Testament

³ Xo tei la anu mutavulenu tu'umaxu mo musoli. Ia Mosinge mupamaulinu mukalu la anu mumaxa'u noxi'a tamenexu. La anu muxolu no taine'i voxo 40 mo mumaxa'u noxi'a alaxu tavu'a­lo so ilavu manina lexe anu mu­mau­lila. Mo muvikalane'i so voxo ane Mosinge molu u'uli laxune'i tamitemaou.

Ta'aposeli 1:3 ပူးပေါင်းရင်းမြစ်များ

Matiu 21:43

Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Matiu 28:9

Ane'i a milalai sila Iesua muxalisi'a no vote'i la muvikala lexe, “Kakau laixe.” Sila ilou milai noxou ka misavunoxu tava'u mo mimaxa'u mama'u mo osa noxi'a noxou.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Matiu 4:2

La Iesua muxolu aso 40 xe olovoxo 40 la uno'u la'ilali uasi xo mole musolixu.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Tioni 20:26

Xe voxo 7 mupolo mukalui la ane'i tatisaipeliou Iesua a mipitala, la Tomasi a oli'a mixolu. Mixolu la mitatusou aitengaxu tani ia Iesua mupa mutulu no taine'i ka muvi­kala lexe, “Opongengi uai se'isisi.”

Tioni 21:1

Ioxe, ili'ila la Iesua mupala'a­nixula noxi'a tatisaipeli no kupa Xalili, e ilemolu kalumo lexe kupa Taiveliasi. La mupala'anixu noxi'a no anu vote'i aloxo 'o.

Tioni 21:14

La ano'o alaxu tatalusou so Iesua mupala'a noxi'a tatisaipeli ili'i no anu voxo loxo musoli ka mutulula.

Ta'aposeli 13:31

Mo ili'i no anu soli noxou voxo tapiena ane'i tamitema se'i mimaisou. Tamitema ne ane'i tamenexu e oli'a milutu ne Xalili milai ne Ielusa­lemo tatei. Vaimomo 'o nexi noxi'a tamitema ne taa'aloxu noxi'a laili noxixe Ta'isilaeli xo nexi mexe temaisou no iexisi.

Ta'aposeli 19:8

Ioxe, mune'e la Polu mu'u­na'unalai no anu tasou lavuloto noxi'a Taiuta. Mu'unalai la anu muvotovoto pakia'u so voxo ane Mosinge molu u'uli laxune'i tamitemaou. Anu mulanu vaikala so upela'a mo uxiunu oponu la mu'oxo axone mumomomo no anu so'io tatalu.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Ta'aposeli 28:31

Oli'a ivivikala la anu u'ume uasi so ulanu vaikala so voxo ane Mosinge molu u'uli laxune'i tamitemaou. Mo anu muvotovoto so Tatananenge Iesua Kalaisiti la evile u'apixu uasi.

Ta'aposeli 8:12

Ia voxo loxo Pilipi muvotovoto no anu vaikala laixe so voxo loxo Mosinge molu u'uli laxune'i tamitemaou mo mua'aloxu Iesua Kalaisiti, la ane'i milopala. Ane'i milopala mukalu la mi'oxonu ilixo so kelele, tasema xe tamulu.

Lomu 14:17

Xo no voxo so Mosinge molu u'uli laxune'i tamitemaou la ta'oso'oso no anu mi aloxone uasi. Xo no voxo anene oponenge utulu no anu mi ma'ia so ta'ou o taiexu? E uasi. Nenge oponenge utulu no anu ilixo malemalenga mo xoluxolu lalavulusi mo osa'ila ane molu noxou Ulenu Laixesi.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

1 Tesalonaika 2:12

Tetatama noxinge lexe muamua'i noxinge la laixe mo ulovou ilixo noxou Mosinge. Xo anu molu mu'avalinge lexe no anu voxo so anu molu u'uli laxune'i tamitemaou la ngingi ngaxoxolu ne no anu iaxusi.

1 Tioni 1:1

Anu ane muxolu tei tei manina la nexi telomusou mo temaisou no iexi lavo'onu xe teutitiou mo tekasou no avoxe. Anu ne Vaikala so Mauli e nexi talavusou tape­la'ingexu.