Ta'aposeli 1:2 - Ata New Testament

² Mo mune'e muxali no voxo ane Mosinge muno'u muli­vunoxu no tualasou. Mulivunoxu, ia tei la Iesua mupelototosi'a ta'apo­seli ane muiloune'i tatei. Mupelototosi'a la no anu xavi noxou Ulenu Laixe.

Ta'aposeli 1:2 ပူးပေါင်းရင်းမြစ်များ

Ta'aposeli 1:9

Ioxe, Iesua muvikalane'i axone mukalu la ane'i a isaxisousio la anu mutelai. Mutelai sila sauma vile musu'asou mole imaisoula ua'.

Ipilu 9:24

Xo Kalaisiti u'unalai uasi no anu tasou Mosinge e muxali no avo'a tamitema so loxo pikisasi. Uasi to! Mu'unalai no anu ane maninasou no tualasou Mosinge mo a uxoxolu no iou Mosinge so usosovosinge noxou.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Tioni 20:21

La Iesua muvika­lane'ila lexe, “Amasaxau lexe opongengi uai se'isisi. Aloxo Mamilo mupalusilo ene'e 'o la axone kalumo eni apalusinge so ngalailaisi.”

Tioni 13:18

Eni alemolu vaikala ano'o so singe mukalusi uasi. Eni alavusi'a ane'i ane eiloune'i lexe tanoxilo. Ia vaikala no anu lavukuou Mosinge uxalixu nene'axu xo ngiou vile uvikala lexe, 'Itema e noxou te'ani no anu ani'anixo la mu'itinu tava'u so utaxapalisilo.'

Tioni 13:3

La Iesua mulavu lexe Maminge mupilixinu mimi mukalusi no avolu so u'uli laxunu. Mo mulavu lexe anu molu noxou Mosinge mune'e xe anu a so ulivu noxou Mosinge.

Mupala'a 21:14

Xe no anu vimelusou taoni ne la lavo'o 12 a muta'olu no tava'u so pumuxu no anu. La no anu lavolavo'o ne ualaualasi'a ta'aposeli 12 noxou Sipisipi Ilie a mukaukavu no anu.

Mupala'a 3:22

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 3:16

Ngingi loxo la'ilali ane xale'a avile o uxutu avile uasi, uieiieisousi. Axamulingengi axone laso eni alevengengi ngaxexe no anaxosi.

Mupala'a 3:13

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 2:29

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pita­pita.”

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

2 Pita 3:2

Eni emasaxau lexe tangengiou vaikala e tapolo­petiou Mosinge milemolu tatei so lexe mi ma'ia uxali. Xe so ngaxavutalanu votovoto malema­lenga noxou Tatananenge anu Itema so Pamauli e ngelomusou noxi'a ta'aposeli ane mine'e noxinge.

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

Epesusi 2:20

Xe nexi ta'aposeli mo tamitema so pela'a ne loxo lavolavo'o so tani tava'u. Xe Kalaisiti Iesua anu anusi a lavo'o so tani kisou.

Xalesia 1:1

Eni aposeli Polu a. Tamitema ipalusilo aloxo 'o uasi xe itema vile utulusilo no anu xaixai ano'o uasi. Eni exali a aposeli xo noxou Iesua Kalaisiti ilou Mosinge anu Maminge e mutulusou Kalaisiti no anu soli.

Ta'aposeli 1:13

Ane'i mixali no tani la mitelai no anu ngiou tameisou teitexi ane mixoxolu no anu. La ualaualasi'a aloxo 'o. Pita xe Tiemisi xe Tioni xe Enitilu xe Pilipi xe Tomasi xe Patolomiu xe Matiu xe Tiemisi ane Alipiusi olu xe Saimoni ane so laili Seloti xe Iutasi Tiemisi olu.

Ta'aposeli 1:11

“Ai, tamitema so Xalilio, loxova so ngatulu ngasaxi utelo vitanisi aloxone? Mosinge muno'u Iesua no taingengi alala'e 'o so ulaixu teitexi no tualasou. Ia ili'i la anu ulivu une'e no anu vote'i ane loxo ngemai­sou mutelai no anu 'o.”

Tioni 20:17

Xe Iesua muvikalane lexe, “Nasavunixo uasi xo eni alai teitexi noxou Mamilo uao. Ia nini nalai noxi'a tavivilo mo navikalane'i lexe eni a so alai teitexi noxou anu e Maminge nenge'a xe Mosinge nenge'a.”

Tioni 17:13

Eni a ane'e noxine la alemolu vaikala ano'o loxo axolu no lialiasio xo amasaxau lexe ixamulinu osa noxilo uxolu ulomotele no tane'i.

Tioni 16:28

Xo manina, eni melo noxou Maminge kaio ene'e no lialia 'o. Io eni a so axexesou lialia mo alivu alai noxou Mamingela.”

Tioni 13:1

Ioxe, voxo vile a uxolusi kaio lavilelu so Mualasi'a uxali. La Iesua mulavu lexe voxo so anu uxexesou lialia mo ulai noxou Maminge a muxali 'oe. Anu mu­sexelaxa'a tanoxou ane mixolu no lialia mo musexelaxa'a axonesi mumomomo avile no anu telexu xoluxolu noxou no lialia 'o.

Tioni 6:70

La Iesua mukoline'i lexe, “Eni melo eiloungengi ngingi 12 'o ia vile no taingengi anu noxi'a ta'angelo tamasuamo.”

Tioni 6:62

Xe loxo ngamaisou Itema ane molu noxou Mosinge ulivu utelai no tanixu e muxolu no anu tei laso axovae?

Tioni 3:34

Xo anu ane Mosinge mupalusou mune'e ne la ulalanu vaikalaou Mosingesi. Ulalanu vaikalaousi axone xo Mosinge mupilixinu Ulenu noxou la utukalanu uasi, mu­lolutuxusi.

Tioni 1:16

Anu mosou iaiama la no anu iaiama mulolutu noxou ne la upilipilixinu noxinge.

Luku 24:51

La anu a uvivikalasio sila Mosinge muno'u mulaixu no tualasou.

Luku 9:51

Ioxe, mune'e xe voxo so Mosinge ulaixu Iesua no tualasou lailaixe a mune'e alai mukalu, laso Iesua oponu mututulusi lexe ulai ne Ielusalemosi.

Maki 6:30

Ioxe, tatisaipeliou Iesua mixi­xao­xao xo xe milivu mipita noxou. La mia'alo noxou no anu xaixai mo votovoto e mi'oxonu no tuatuala.

Matiu 12:28

Ia loxo Mosinge avolu uxolu noxilo so akusai'a ta'angelo tama­sua la masi ngalavu lexe voxo so Mosinge molu u'uli laxune'i tami­temaou a mune'e alai noxinge 'oe.

Matiu 3:16

Ioxe, mukelenixu mukalu xe Iesua mulivu muxali no lexa pa'umolu sila loxotolo mua'a la mumaisou Ulenu Laixe noxou Mosinge mulu'e. Anu mulu'e la loxo ngiala e utu la muai noxou.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Ta'aposeli 1:22

Usoko'u no voxo loxo Tioni mu'oxonu ilixo so mukelenixa'a tamitema no lexa mune'e avile no voxo so Mosinge mulivunoxu Iesua mutelaixu. Nenge tasosovosou itema vile ane mumaisou mimi anene mo so noxou taa'aloxu Iesua. Taa'aloxu, la taa'alo lexe Mosinge mupamaulinu mu'umenu no anu soli.