Mupala'a 9:21 - Ata New Testament

²¹ Ane'i tamitema anene mive'ave'a tami­tema misoisoli xe mi'oxonu ta'uluxu xe ili'ilixo nuni'u xe mipakapakali. Mi'oxo axone ia ixiunu opone'i mo i'isalilinoxu so susu noxi'a ne uasi.

Mupala'a 9:21 ပူးပေါင်းရင်းမြစ်များ

Matiu 15:19

Xo mimi masua ano'o molu noxou itema oponu mo ula. Mi loxo xavutala masua xe tamitema ive'a tamenexi'a xe ixola'u taula'i xe ilixo nuni'u xe pakali xe ikalavoisi'a tamenexi'a no lakoti xe ipupui.

2 Kolini 12:21

Mo opoleli kalaua lexe ane'e noxinge la masi Mosinge upamailaleli no iengila. Xo tei la ane'i se'i ne mi'oxonu ilixo nuni'u xe mixola­xola'u taula'i xe mimomoxu masamasaxa no anu vasime'a. Laso loxo axali amaisi'a lexe ixiunu tumali'aou susu ne uasi la atavu­lenu maila mo atatamasi'a.

Xalesia 5:20

Xe i'itinu momosi'a kalavoi mo i'oxonu ta'uluxu masua. Xe ixali tauluai'a ngato'o xo tu'utu'umaxu mo isuisu uxolu no taine'i ka la'ia noxi'a xalo u'elasi. Laso ipelepe­lesou anaxa'a xe kalikalipala uxali no taine'i mole ikalitotone'i avile.

Mupala'a 13:13

Xe anu ane tameisou mu'oxonu sosovo so xavi iouiou. La sosovo ane tatila aloxo 'o. No ie'i tamitema latala la anu mu'oxonu navu molu no loxotolo so mulu'e no lialia.

Mupala'a 13:15

La Mosinge mu'italonu mi vova tameisou 'o so utausou mauli u'una no anu mi e tamitema mi'oxonu musaxi loxo mi vova ane tei. Mutausou mauli mu'una sila mi ne muvivikala. Xe tamitema loxo ilotu no anu mi e musaxi loxo mi vova uasi la anu xavinu so uve'ave'a isoisoli.

Mupala'a 13:7

Xe Mosinge mu'italonu kalumo so u'otoxa'a tamitemaou Mosinge mu'isalili no lialia la muua'ulixa'a. La anu muno'u xavi so mu'uli laxune'i lailaili mukalusi xe vasime'a iouiou xe vaikalai'a vilevilesi xe tatemanu tuatuala mukalusi.

Mupala'a 14:8

Mukalu la angelo vilela mumu­linu ane tei. La angelo tameisou 'o muvikala aloxo 'o, “Taoni tatila ne Vaviloni a umamulo 'oe. Anu mumasua xo anu muolexa'a tamitema so xale tuatuala muka­lusi mimulinu ili'ilixo nuni'u so taoni ne. Anu loxo miiexu uaini pakia'u so taoni ne mo misipaki no anu.”

Mupala'a 16:6

Xo ane'i tamitema ne mive'ave'a tamite­mameni mu'isalili oli'a tapolopeti. Mive'ave'a la sialuxa'a munixisi. Laso nexiunu lexaxa'a muxali sialu so iiexu la nekoline'i mulovo xo tava'u noxi'asi.”

Mupala'a 17:2

Ane'i takingi so xale tuatuala oli'a tatemanu lialia milailai noxie so i'oxonu ilixo nuni'u. Milailai la ilixo nuni'u ne muxovulaulaunixi'a a loxo itema uie mo usipaki.”

Mupala'a 17:4

Xe noxie sema ne lavulutiie lauoinu xe vile loxo ela'ela 'o. Mo mitokolomo no anu koli xe lavo'o lailaixe xe xapo ane lamolisou mutiatila musuku. Xe no avole la mitetelisou kapu koli. La ili'ilixo nuni'u noxie loxo mu'ui mo tuma'u masua a muana'ana no anu kapu ne.

Mupala'a 17:5

Xe no alaiei la uala vile latilovo mo laxu uasi'asi muxolu. Kaukavu so uala ne aloxo 'o, “Taoni toxoxu ne Vaviloni. Neni'a tasema so vote'i mukalusi. Mosou ili'ilixo tuma'u masumasua no lialia.”

Mupala'a 18:3

La ili'ilixo nuni'u so taoni ne a loxo uaini pakia'u. Mole ane'i tatemanu tuatuala mine'e mi'oxonu ili'ilixo nuni'u la loxo miie mo misipaki no anusi. Xe takingi so tuatuala no lialia kalumo milailai no anu ilixo olele. Mo tamitema so lailoto mixalisou lamoli tatila no anu mimi iouiou ane mumomomosou masamasaxa no anu vasime'a tatemanu taoni ne.”

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Mupala'a 22:15

Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.

Mupala'a 9:20

Ioxe, tu'utu'umaxu ne muma­mulone'i laili toxoxu e toxoxu. Ia ane'i loxo mixoxolusio ixiunu opone'i uasi no anu mimi masua loxo me'a mixalixu no avo'avo'a. Xo ane'i mi'itine'i ta'angelo tamasua. Mo mixalixu momosi'a kalavoi no anu koli xe siliva xe valasi. Mo mipuinu lavo'o ilou ovu so lexe momosi'a ia mi axone umauli so umalei o ulomu o umuamua'i uasi to!